السلام عليكم ورحمة الله وبركاته
بقول لكم سالفتي وافضفض لعل تشورون علي الله يوفقكم
انا انقبلت بالدفاع الجوي و الدفاع الجوي موب مضمون تتعين عند اهلك وانا اذا رحت اوسوس على اهلي لني اكبر واحد وأهلي بالجنوب والله اني كل ما فكرت اني راح اجلس بالجيش لين التقاعد أن خلقي يضيق و يجيني هموم الله العالم بها علماً اني اكبر أخواني وابوي عنده سكر وظغط وحالته حاله واذا رحت اشيل همهم وما ارتاح مدري وش السر ومنطقتنا ما فيها غير الأمن العام وقطاعات الداخلية يعني أقرب شيء الطائف وحاولت اظغط على نفسي واروح لكن تجيني حالة وهموم وانا تعبت نفسياً علماً اني انقبلت قبول نهائي في احد القطاعات ولارحت من النفسيه وشايل هموم أهلي وافكر لو أبوي يجيه شيء وانا موب موجود وش راح يصير ومن لهم قدلي سنتين عاطل ولا ادري وش الحل عسى ربي يعين وش رايكم يا هل الخير

معليش العنوان موب يم الموضوع آسف
وبغيت اسالكم لو رحت هل اقدر اجيب اوراق وان عندي ضروف واطلع صك إعالة وينقلوني للأمن العام أو اي قطاع في الداخلية والله يجزاكم الف خير

للرفع لا اله الا الله محمد رسول الله صلى الله عليه وسلم.

الله يفـرج كل همــك

والله ي أخوي اغلب الشعب نفسيـه والله يبعدهـا عنـا

ومن ناحية انك لو دخلت الدورة وتخرجت هـل تقدر تنقـل للأمن العـام .. فواللـه لو عندك واسـطه بتنقـل زي السلام عليـكم .. وصـك الإعـاله ممكن يفيـدك ولو بشي بسيط بس في بعض القطاعات العسكـري يرفضون يعطونك مشهـد موجـه للمحكمـه من شـان تطلع صـك الإعــاله.

اللهم آمين وانا خوك والله يعين ويكتب الي فيه الخير ويعطيك العافية

الله يكون بعونك 2والله العظيم اني مثل حالتك بضبط واشد وانا مادخلت الى عشان اوسيك ماقدر افيدك بس ابي ادعيلك الله يوفقك دنيا واخره ويفرج همك ويجعلك من اهل الجنه قول امين والله شف حالتي عمري 25 والله اني اذ سمعة القرءان الكريم والله ثم والله اني ارتاح احس مبي شي من الدنيا وانا والله ماقلت كذا الى عشانك انت مثل اخوي .شف وانا مدري وش اقول بس قلت اقول كذا يمكن ترتاح وموفق خير اخوي تمنياتي لك بتوفيق

شوف ياخوي الدفاع الجوي عملة نفسية وتعقيد ابتعد عنة شوف لك في الامن العام ثانيا صعبة ينقلونك من الجيش الى الامن لو عندك مائة صك اعالة العسكرية قشرة وتعقيد والله يوفقك

والله انا نفسة حالتك انقبلت في قطاعين واتذكر اخواني واهلي واهون مع انو عندنا 4 كفيفين من العائلة والناس ما يخلونك في حالك

فية قاعدة جوية بالجنوب بخميس مشيط مدري قريبة من اهلك ولا . المهم انا انصحك تصبر الين تنقبل بقطاع تابع للداخلية مثل الأمن العام . وما انصحك تستعجل وتدخل قطاع تابع لوزارة الدفاع قطاعات الدفاع رواتبهم قليلة والتعيين بأماكن قليلة .

وبخصوص النقل: النقل ممكن اذا قطاع تابع لنفس الوزارة
اما من الدفاع الجوي او الجيش الى قطاع بوزارة الداخلية صعب بالمرة . يبيلها واسطة قوية