صارت لي مرتين
مرة اتصلوا بي وقالوا لي المدير يبي صورة ! رديت هو أصلا فيه مقابلة وبكون وجهاً لوجه
رد وقال انا عارف بس المدير طلب صورتك ! طنشتهم

مرة ثانية كانت وظيفة عن طريق بيت.كوم ، وعن طريق الموقع ارسلوا لي رد مضمونه المدير يبغى صورتك وتطمني الموضوع محاط بالسرية ومحد راح يشوفها غير المدير
وأعطوني رابط شركتهم وللحين اذكر انها بالمحمدية بالرياض (عقار)
المهم انا فكرت هذي المرة الثانية يعني الظاهر مستوردينها من الغرب ، لازم يرفقون صورة مع السيرة الذاتية ، وانا ماعندي مشكلة مع الكشف لأني صار لي دهر الداهرين متخرجة وبدون وظيفة

المشكلة لو صار وطنشوا البنت بعد ماشافوا صورتها ، أنا اشوفه امتهان لها ، والإسلام كرم المرأة
يردوا بنات الناس وهم والله والله حلوات وانيقات مافيهم عيب ، بس لأن قلوبهم فيها مرض وطلبهم كان لحاجة في نفس يعقوب!
انا سألت واحد فاهم وكبير في الأربعين عن السالفة ، قال : عادي ويش فيها

التناقض اللي أقصده في كلامك , وهو أنكي تقولين الإسلام أكرم المرأة , وقبلها تقولين ما عندي مشكلة أكشف , وبعدها تم تطنيشك , إذاً أنتي من أهنتي نفسك بتصرفك وليس الإسلام الذي حفظ النساء من الامتهان وبنفسك معترفه بذلك.

عرفتي ليه قلت بأنك متناقضه في كلامك

بعدين منشأة تطلب صورة المتقدمة وهي لا تكشف من الاساس وش ترجين منها؟ عقلك في رأسك وتعرفي خلاصك

اقتباس:

المشاركة الأصلية كتبت بواسطة قهوة تلخ ��انا قلت ماعندي مانع اكشف لو لقيت لي فرصة عمل في مكان يتطلب الكشف ,واللي تكشف ماترمي صورها عن اي حد , والتناقض مو في كلامي ,تلقاه عندما تقرأ الروايات والأحاديث ثم تنظر لحالنا وقد انقضت اعمارنا ولا من مجيب ولامن سميع ولا من عوض

تتعلقين في آمال وظيفة تكشف ولا تتعلقين بحبل الله , يكفي من هذا السطر يعرف الشخص لما هو حالك
إن الله لا يغير ما بقوم حتى يغيروا ما بأنفسهم

أخيراً الله يهدينا وإياك

بالنسبة لي انتهى النقاش هنا
بالتوفيق للجميع.

البنك السعودي للاستثمار يطلب صوره
ورفضوا طلبي لاني ماحطيت صوره

السلام عليكم ..

مساكم الله بالخير ..

اختي ظلب الصورة على حسب الوظيفة ..

يعني اذا كانت طبيعة العمل يكون شغلك بدون عبايه وبدون غطاء فـ أكيد يكون عملك نسائي وأكيد يكون فيه مشرفه أو مراقبه أو مسوؤلة توظيف هي اللي راح تشوفك وتقابلك وتشوف وجهك وتقيمك ..

اما اذا كان طبيعة شغلك بعبايه وغطا فـليش يطلب صورة وجهك وانتي اصلا عملك في العبايه والغطوه !

يعني اذا وجهك اساسا مغطى في العمل ليش يبون يشوفون وجهك ؟ !

اما اذا طبيعة عملك كاشفه فـ أكيد أختي يكون فيه مشرفه راح تشوفك وتقيمك ..




ياليت من بناتنا يشغلون مخهم شوي والله فيه ناس تستغل مناصبها فـ التوظيف للأسف صار مابه ذمه وامانه


وانا أول مره أشوف وظيفه مدير يطلب صورة فتاة ..

أتمنى ي اختي تركزي في كلامي شوي وراح توضح لك الفكرة ..

السلام عليكم

اول مرة اسمع عن شركة تطلب صورة لبنت ؟!!!

ارامكو الي هي ارامكو ماتطلب صورة لبنت !!!!

انتبهي بس ومثل ماقال الاخوان عقلك في راسك وتعرفين خلاصك

^
للاسف فيه شركات
انا اتصلت علي شركة وطلبوو مني اربع صور شخصية اجيبها مع اوراقي وقت المقابلة
ورفضت اني احضر

للأسف فيه شباب هنا يفتكرون البنت غنمة !!
احنا بنات وهذا اللي صار لنا ، وهنا ثنتين غيري شهدوا بصدق كلامي
يعني كذا جهة تطلب ، ومن قال لكم ان احنا نوافق ونركض نرسل صور ؟!
انا هنا استفسر عن الظاهرة أكثر وأكثر