مبلغ 40,000 ريال ! شوف مشروعي و عطني رأيك !

دبلوم حآسب · #1 (**permalink**) 02-11-2013, 04:07 AM

السلام عليكم و رحمة الله و بركاتة

مسيتو بالخير < واضح ان ماله بالمقدمات

أنا قدر الله علي و قررت أدخل التجارة ، طبعاً قدّر الله

لأن مع تعقيدات وزارة العمل و البلدية دخولك للتجارة مأساه

المهم أنا حالياً موظف قطاع خاص و مسجل بالتأمينات الإجتماعية
و مدعوم من قبل الموارد البشرية في وظيفتي الحالية ،
السؤال : أقدر أطلع سجل تجاري بإسمي ؟ أو ما أقدر ؟

السؤال الثاني : يطلب مني كصاحب مؤسسة ( لو تمت ) توظيف سعودي ، و عشان أخذ التأشيرات لازم 3 شهور على تسجيل الموظف السعودي فالمؤسسة !
عشان يعطوني تأشيرات المحل / أقدر أوظف شخص من عائلتي عاطل و أذا اخذت
التأشيرات فصلته من المؤسسة ؟

< ماله خاتمة

السؤال الثالث : في حالة أنها تمت الإجراءات و طلعت الفيز ما رأيكم بمشروع
حلاق تركي نظيف احسن من البنقالي

< ( تسويق لحلاقه

)

السؤال الرابع : لدي 40,000 أربعين ألف ريال فقط لا غير ، تكفي للمشروع ( محل فتحة وحده و عاملين أتراك فقط ) شامل الديكور و أجار 6 أشهر و التجهيزات حتى الأفتتاح ؟
و أتمنى الي سبق و جرب هالنشاط يفيدني و حتى الي ما جرب لا هنتو

السؤال الخامس : وين أحصل محلات بيع تجهيزات محلات الحلاقة من ( كراسي ، جهاز بخار ، ادوات حلاقة ،) طبعاً فالرياض .
و أيضاً محلات الديكور الي اسعارها معقوله و واجهات الزجاج ( السكريت )

نقطة أخيرة / درست الموضوع و أستشرت من ناحية دينية ، فضلاً لا أمراً الي عنده
معلومة بخصوص الأسئلة لا يبخل علي ، جزاكم الله خير

أخيراً و ليس أخيراً شكراً لمن مر هنا و لمن سيشارك و أعتذر عن الأطالة

اب ت ث · #2 (**permalink**) 02-11-2013, 04:52 AM

لك رسالة على الخاص اذا ناسبك ممكن ترد علي هنا اذا ما يمديك ترسل رسالة على الخاص لقلة مشاركاتك

اناالسعودي · #3 (**permalink**) 02-11-2013, 08:54 AM

مساء الخير

يمديك تفتح سجل باسمك ومن اول زيارة تحصل على السجل

ما يحتاج توضف سعودي تسجل نفسك موظف

يمديك تسجل اي احد من العائلة كموظف سعودي

حلاقين اتراك ما يشتغلون بالراتب ولا ينفعون وترى ما خذين اكبر من حجمهم ولا يدانون الشغل لحساب السعودي

تجهيز المحل اول نعرف انت من وين

الديكور يكلف حسب رغبتك وحسب التكلف والتشكيل والتجهيز والمواد

اذا كنت نشيط وهب ريح وعندك استعداد تشتغل اي شغلة فيها فلوس

انصحك بشغل تربية الطليان وبيعها

تشتريها بهم اعمار ٣ اشهر وتربيها ٣ اشهر وتبيع وافل مكسب ٣٠٠ ريال بالراس

موفق

دبلوم حآسب · #4 (**permalink**) 02-11-2013, 02:50 PM

اقتباس:

المشاركة الأصلية كتبت بواسطة اناالسعودي

مساء الخير

يمديك تفتح سجل باسمك ومن اول زيارة تحصل على السجل

ما يحتاج توضف سعودي تسجل نفسك موظف

يمديك تسجل اي احد من العائلة كموظف سعودي

حلاقين اتراك ما يشتغلون بالراتب ولا ينفعون وترى ما خذين اكبر من حجمهم ولا يدانون الشغل لحساب السعودي

تجهيز المحل اول نعرف انت من وين

الديكور يكلف حسب رغبتك وحسب التكلف والتشكيل والتجهيز والمواد

اذا كنت نشيط وهب ريح وعندك استعداد تشتغل اي شغلة فيها فلوس

انصحك بشغل تربية الطليان وبيعها

تشتريها بهم اعمار 3 اشهر وتربيها 3 اشهر وتبيع وافل مكسب 300 ريال بالراس

موفق

يعطيك العافية ، أنا موقعي فالرياض .. و الحلال فيه بركة مشاء الله بس يبي لها وقت و تعب

اقتباس:

انا انصحك نصيحه لوجه الله مشروع الكوفي الصغير والمشروبات سواء كشك او في محطه افضل بكثير الكثير من مشروع حلاق اولاً فيه لعب من الاتراك وثاتياً مشبوه المشروع لانه مجبور ع جميع القصات ولو محرمه

ألف شكر عالنصيحة و جزاك الله خير ، بس الحلاق ربحة ممتاز و درست الموضوع بشكل كامل .. أما بخصوص المسألة الدينية فأنا سألت أكثرر من شيخ و حلله ..

و أذا قسنا عالحلاق أنه حرام لانه يحلق لحى ، كذلك الخياط حرام لأنه يسبل الثياب و محل المواد الغذائية حرام لأنه يبيع الدخان و و و ..
شكراً لحرصك يا غالي و جزاك الله ألف خير ..

مشاري الهديب · #5 (**permalink**) 03-11-2013, 05:22 PM

اقتباس:

المشاركة الأصلية كتبت بواسطة دبلوم حآسب

يعطيك العافية ، أنا موقعي فالرياض .. و الحلال فيه بركة مشاء الله بس يبي لها وقت و تعب

ألف شكر عالنصيحة و جزاك الله خير ، بس الحلاق ربحة ممتاز و درست الموضوع بشكل كامل .. أما بخصوص المسألة الدينية فأنا سألت أكثرر من شيخ و حلله ..

و أذا قسنا عالحلاق أنه حرام لانه يحلق لحى ، كذلك الخياط حرام لأنه يسبل الثياب و محل المواد الغذائية حرام لأنه يبيع الدخان و و و ..
شكراً لحرصك يا غالي و جزاك الله ألف خير ..

ياخي وش فيك الله يهداك فيه بعض الناس اذا قلت له هالشيء ترا حرام يقول يارجال الدنيا كلها امتلت حرام

انا اقول الله يوفقك بمشروعك ولكن فيه مشاريع واحد ( تجاره) طيبه وبعيده عن الشبهات وانت عقلك براسك وتعرف خلاصك

مشاري الهديب · #6 (**permalink**) 02-11-2013, 02:21 PM

انا انصحك نصيحه لوجه الله مشروع الكوفي الصغير والمشروبات سواء كشك او في محطه افضل بكثير الكثير من مشروع حلاق اولاً فيه لعب من الاتراك وثاتياً مشبوه المشروع لانه مجبور ع جميع القصات ولو محرمه

كييك · #7 (**permalink**) 02-11-2013, 04:09 PM

يالغالي أبعد عن الحرام

بتربح فلوس بس بتطير بسسرعة لانها حرام !

معك 40 الف مبلغ حلو مو مرة سيئ وفكر بمشروع ثاني

وانا من وجهة نظري مشاريع الأكل جدددداً مربحة ..

حاول تجيب شئ جديد وإذا سويت شئ مكرر حاول تتميز فية

مثل المغاسل تلقى بالحي 500 مغسلة وتحصل وحدة عليها زحمة لان صاحبها تميز بـ ( وضع منديل معطر ) فقط !

غريق السراب · #8 (**permalink**) 03-11-2013, 12:23 AM

تريد الله يبارك لك في مالك وفي حياتك أبعد عن الحرام .

والله لو بتطلع لك مليار من وراء الحلاق يانها تجيك مصايب من كل جهة ياتصرفها يافي مرض يافي عقوبة على آخر عمرك .

هذي نصيحة نبيك لك ( من ترك شيئاً لله عوضه الله خيراً منه )