11-07-2008, 04:24 PM
|
 |
مشرفة سابقة
|
|
تاريخ التسجيل: Mar 2007
الدولة: & عـــــريــن الأســـــــود &
المشاركات: 8,563
معدل تقييم المستوى: 21474889
|
|
|
&& يا الله تجعل قوتنـا يوم القيامـة خير قوت &&
سر ياقلم واكتب كلامي بعد ماطال السكوت
كلمة وفا وابغاك ياراعي الوفا تفطن لها ..
الناس في الدنيا تعيش !! وآخر العمر بتموت
كالشجرة اللي مرها العبد وجلس في ظلها ..
الكل يفنى ماعلى الدنيا مفر ولا ثبوت
بعض المناوي يتعب الرجال ما يا صل لها ..
اهون بيوت الخلق عند الله بيت العنكبوت
وأعظم بيوت الله ليا قدّر هدمها كلها ..
تب قبل ماتطوى السنين وموعد التوبه يفوت
صُم .. زك .. وحج .. وجاهد وكل الفرايض صلها ..
اذكر نهار يصير "قبرك" بيت من ضمن البيوت
واهل " القبور " الله يعلم دوم وش يحصل لها ..
ينزل عليك من السما مرسول لا وصلك تموت
والروح من بين الضلوع الضيقات يتلها ..
في ساعةٍ والصدر مابين التضايق والكبوت
كل العلوم الي ترى في القلب فمك يهلها ..
يا الله تجعل قوتنا يوم القيامة خير قوت
يامن تعز بعزتك قوم ٍ وقوم تذلها ..
هذي نصيحه قلتها مير السموحة فالبيوت
اخذ النصيحه وانتفع وأما القصيده خلها ..
نصيحةٍ برفع بها صوتي وازيد الصوت صوت
أقولها واللي عقد روس الحبال يحلها ..
م ن ق و ل
|
العرض الشجري
