السلام عليكم ورحمة الله وبركاته :-


انا قدمت على شركة عقارية قبل شهر واتصلوا علي امس وقالوا لي عندك مقابلة بعد العصر ..


ومحتار مدري وش في المقابلة من أسئلة واخذ الشهادات معاي ..؟

اللي عنده علم يفيدني والله يوفقه ويشرح صدره ....

انا كنت موظف شركة
المقابلة اذا ماكانوا طالبين فيها لغة انجليزيه سهالات
خذ كل شي معك ما راح تخسر شي

بخصوص المقابلة اتوقع راح يسألك عن خبراتك وشهاداتك يعني نفس اللي بالسيرة
خليك هادي بس لانه غالبا اللي راح يسوي معك المقابلة هو مدير شئون الموظفين
اللي راح تكون تحت ادارته وهو اكيد يبي موظف عادي ما يبي واحد يرجه

اتمنى لك التوفيق

كل الشكر ... الله يجزاك بالخير ..

اللي عنده اضافه ياليت يفيدني ...

وعليكم السلام ورحمة الله وبركاته

ادخل موقع الشركة وتعّرف عليها , احتمال تجيك أسئله منها
لو تذكر اسم الشركة ممكن يفيدك أحد الأعضاء أو حتى استخدم محرك البحث

شركة أسس العقارية ...

يعني راح يسألوني عن التمويل او التسويق وانا ماعندي خبره بهالاشياء ابد ...

أكيد ما راح يسألونك إلا على الوظيفة اللي مقدم عليها انت

طيب هم راح يعطوني فكره عن طبيعه الوظيفه واوقات الدوام والراتب الشهري ولا أسالهم أنا ..؟؟؟

وبعد المقابلة انتظر اتصال منهم ولا اتوظف على طول .. ولا كيف تتم الشغلة ..؟

لا تجيب لهم طاري أي شيء لمن يقولون لك خلاص قبلناك تعال وقع العقد , بالعادة بنهاية المقابلة يقولك إذا راح نتصل عليك أو يطلع العقد للتوقيع وفيها بيكون مكتوب تاريخ المباشرة للعمل

وإذا بغيت النصيحة أكتب الاسئلة اللي في بالك بورقة صغيره عشان إذا تمت الموافقة عليك وقبل توقيع العقد تطلعها وتسأل , مثل أوقات الدوام , الراحات الاسبوعية , تفاصيل الراتب , مهام العمل , التدريب والتطوير الخ الخ

وقبل ما توقع العقد تذكر بأن تقرأ جميع بنود العقد واللي ما تعرفه تسأل عليه ومن حقك تعرف المطلوب , وإذا الموظف ما عرف أسأل المشرف أو المدير تبع الموارد الشرية عندهم
وأيضاً من حقك تأخذ نسخة من العقد ( مو صورة ) تذكر نسخة أصلية موقع عليها الطرفين + اطلب منهم نسخة من مهام عملك أو الوصف الوظيفي إذا هي غير مدرجة في العقد عشان تكون عارف مالك وما عليك

واضح بأنك جديد على المقابلات , أنصحك تدخل اليوتيوب وتكتب :
كيف تجتاز المقابلة الشخصية
ثم انتر , وشوف المقاطع عشان تأخذ فكرة

بالتوفيق لك

كل الشكر والتقدير لك ... وضحت لي بعض الاشياء ما ادري عنها ...


وانا جديد عالمقابلات .. الله يستر ...

ماقصرو الشباب, ولا تنسى تستعين بالله و امورك ان شاء الله في التمام : ).. موفق