[align=center]السلام عليكم ورحمة الله وبركاته

بدخل بالموضوع على طول ، اخوكم رايح دبي ان شاء الله الاسبوع الجاي ، وراح تكون سفرتي هالمرة مدة شهر

طبعاً عندي رخصة تجارة عامة اماراتية استخدمها للشراء من جبل علي

والي ما يعرف هالامور راح اوضح له

الي عنده رخصه تجارة عامة اماراتية مسموح له يدخل جبل علي ( المنطقة الحرة ) ويشتري الي يبي

وبسعر المصنع يعني غير خاضع لا للضريبة ولا للجمارك تقريباً


اي ان كل الشركات والمؤسسات الي في الدول العربية تشتري من جبل علي ويستغلونا بالاسعار

انا هالمرة رايح هناك عشان اخذ منتجات منوعه لبعض التجار وارسلها لهم من هناك


وقلت فرصة بفيد وبستفيد لان المشوار واحد

وبعرض عليكم هالامور الي سبق وجبت منها وايد بأسعار زينه لتجار في مصر والسعودية واليمن وعمان


1- مجال الاثاث المستخدم والنظيف جداً

2- مجال العطور وشحنها بالبر - لان الشحن بالطيران وبعض شركات الشحن تمنع العطور والمواد السائله : ( عطور حلوه ونظيفة واسعار جداً روعة - علب كبيرة جاهزة للتوزيع في علب صغيرة )

3- مجال الالكترونيات ( اجهزه كمبيوتر - قطع غيار كمبيوتر - جوالات - اكسسوارات - وغيرها )

4- مجال الملابس والاكسسوارات ( ملابس اطفال - ملابس حريم - ملابس رجال - اكسسوارات - ساعات )

5- مجال الجلديات ( شنط حريمي - شنط سفر - احذيه حريمي - رجالي - اطفال )

6- مجال الالعاب ( العاب الكترونية - العاب اطفال )

7- مجالات مختلفة ( طابعات مختلفة - طابعات التي شيرت - طابعات الكفرات - طابعات الكمبيوتر - طابعات الاسطح - اقلام الكتابة على الزجاج والحديد - ادوات نحت )

8- مجال الكهربائيات ( ادوات كهربائيه غريبه ومميزة - اكسسوارات مضيئه )

وباقي المجالات لا مانع في العمل فيها شرط تكون بعيده عن الحرام


للتسهيل على التجار والتاجرات الجدد

اقل طلب ممكن انفذه لهم يكون بمبلغ 1000 ريال ، اما بالنسبة لتكلفة الشحن ممكن اقدّرها بعد معرفة قيمة البضاعه ويتم دفع قيمة الشحن عند وصول البضاعه لك ، اما قيمة البضاعه يتم دفعها مقدماً

يمكن للجميع ارسال لي على الخاص نوع البضاعه المطلوبة وراح ارسل لهم صورها واسعارها قبل ان يقوموا بدفع قيمة الطلب كاملة

واذا اتفقنا على البضاعه وشافها ووافق على سعرها يدفع قيمتها واشتريها له واشحنها

لكن امانة ان يكون صاحب الطلبيه جاد ولا يضيع وقتي ووقته


يعلم الله ما راح ارفع ريال واحد على قيمة البضاعه وراح اعطيك سعرها حسب الحصول عليه من السوق الحرة

وعمولتي بتكون في الالف ريال 60 ريال

يعني لو طلبت بضاعه بـ 1000 ريال ، راح اخذ عموله 60 ريال والعمولة جداً مناسبة للي يعرف دبي وزحمتها وغلاها ومشاويرها

الموضوع يعتبر دعم للتجار الجدد والي يبيعون عبر الانترنت

وفرصة بنفس الوقت


حساباتنا متوفرة في : جميع البنوك السعودية

تحياتي لكم واي استفسار انا في الخدمة

[/align]

مرحبا فيك اخوي

جزاك الله خير


انا بصراحة أجهل قيمة الشحن من هناك لهنا

لكن بتقديرك لو بشتري ب 1000 ريال شنط نسائية
و 1000 ريال ساعات نسائية

بكم توقع قيمة الشحن ؟
وكيف جودة بضائعهم ؟

:
:

السلام عليكم ورحمة الله وبركاته

عزيزي سؤال لو تكرمت : أشلون قدرت تحصل على رخصة التجارة العامة الإماراتية ؟

أشكرك مقدما لو قدرت تفيدني طال عمرك .

بالتوفييييق راح أشاور واحتمال كبيير أرجع للموضوع الحين صيدة بضايع ملابس شتوية واكسسوارات.

موفقين وياج اختنا ومشرفتنا ونتشرف بخدمتج في اي وقت


طبعاً مثل ماقلتي الحين فرصة بعد للي يطلبون ملابس شتويه ، البرد جاي والواحد لازم يستغل الفرص


اخواني باب استقبال الطلبات مفتوح من الحين ان شاء الله نقدر نخدمكم على اكمل وجه

مجرد بس تستفسرون وتطلبون الخدمة ويوم نكون موجودين هناك نوفر لكم صور عن المنتجات والاسعار وتكلفة الشحن وكذا ، وبعد ما تأكدون على الطلب يتم الدفع


للعلم تواجدي بيكون هناك بمنتصف الشهر الحالي ان شاء الله

ممكن يالغالي ترسل رقمك لي بالخاص فيه بعض من اخوياي يشترون بضايع من دبي كثير

والله يكتب الي فيه الخير

حياك الله اخوي ناجي الحوسني ، مشكور على الرد انا عندي رخصة اشتغل فيها ، اذا بتعرض رخصتك للبيع او كعرض خدمات ياريت يكون في موضوع مستقل بارك الله فيك

وان شاء الله يكون بيننا تعاون

---------------------------------------------------------------------------------

اخوي الشيخ حافز ياريت ترسل لي رقمك على الخاص واول ما اوصل الامارات بتواصل وياك لاني خارج الدولة الحين

واتشرف بخدمتك وخدمة اخوياك كلهم

والله فكرة جدا جيدة

وانا مع الاخت حلمي من ناحية ملابس شتوية ..

خليني أفكر فيها ولي رجعة بالموضوع