قبل سنتين تقريبا حلمت حلم في زميلي المتوفي الله يرحمه
زميلي كان زميل دراسه وعلاقتي فيه علاقه سطحيه لكن فيها احترام وتقدير
المهم زميلي هذا بعد ماتخرجنا من الثانويه كل واحد انشغل بنفسه ولا عاد تقابلنا ابدا انقطت اخباره ونسيته مع الوقت
المهم بعد فتره تقريبا سنتين ثلاث جاني خبر وفاته بحادث سياره الله يرحمه
المهم بعد وفاته بقتره تقريبا ثلاث سنوات حلمت فيه حلم بصراحه اذكر ذاك اليوم انفجعت بشكل مو طبيعي
ولاني متأكد انا الحلم بالميت حق يعني تعتبر رؤيا
الحلم اشوفه قابلني وقالي يامحمد ابشرك انا خرجت من النار وكنت الفتره اللي فاتت بالنار بسبب ذنوبي والحين ابشرك بدخل الجنه

بصراحه انا طرحت الموضوع لاني محتار من فتره مأدري اخبر اهله او احد من اخوانه بالحلم او لا ؟ محتاج ارائكم

اسأل الله أن يجعلها رؤيا خير ولعلها واضحة سبحان الله ولكن لا افتيك

بالتأكيد لك ان تخبر اهله بعد تأويلها من ثقات ...

على حسب تأويل الحلم ..
يعني اول شي فسره يمكن له تفسير ويمكن لا

الله يرحم موتانا وجميع موتى المسسلمين

الله يرحمه ويغفرله ويسكنه فسيح جناته

اطرح الحلم على معبر رؤى ثقه افضل من هنا

بعض الرؤى حتى لو كانت للميت ممكن تعني الرائي ولو بشيء بسيط

رايي لاتخبر اهله فتفح عليهم جروح الماضى فقط تصدق عنه

الله يرحمه لابد تخبر اهله لوبالاشارة يتصدقون عنه اويأخذون عنه عمره موشرط
تقولهم شفت هالحلم عشان إذا عليه حقوق لأحد يوفونها لان الميت يسأل عن كل شئ
والله يرحمه ويرحمنا كلنا تحت رحمة الله مانفتي له بجنة ولانار وكلام الميت يقولون
عنه انه حق لانه بدار الحق والقرار واسأل مفسرثقه بارك الله فيك
ولوتقدر تصدق عنه او خذ عمره عنه حق نتذكرالموتي لان باكر بقبورنا نتمنى احد يتذكرنا ويتصدق عننا ويدعي لنا..

وش يعلم اهله ؟!
ياجماعه انتو كذا فسرتوه وقضيتو .
ممكن الحلم مايخص الميت وممكن اضغاث احلام ..
شف المفروض دامه شاغلك >> تفسره عن مفسر احلام وشف وش يقول لك وبس

الله يعطيكم العافيه الجميع
بصراحه الحلم انساه تمااما ولا قابلت احد من اخوانه او اقاربه اتذكر الحلم على طول عشان كذا دايم افكر ماادري اكلم احد من اخوانه او مالها داعي

الله يرحمه رحمه واسعه ويتغمد روحه الجنه ويرحم اموات المسلمين

الله يرحمه ويغفرله ويسكنه الفردوس اﻷعلى من الجنة
انا من وجهة نظري أن احلام الروئ ماتنقال وتطرح بالمواضيع
من اﻷفضل عرضها على مختص في تفسير الأحلام وهو اخبر هل تخبر اهله ام لا
اسأل الله أن يجعلها رؤيا خير.

__________________
"لله دُر أمي إذا ابتسمت
تهادت جروح قلبي والتئمت"