السلام عليكم ورحمه الله وبركاته

أبي منكم مساعده بس قبل ابيكم تسمعون سالفتي..

سالفتي ياطويلين العمر ان انا وين مأطقها عوجاء..

اول شي صارلي بعد ماتملكت حطيت كل مهري في الاسهم وطبعا راح نص المهر!!

وبعدها اتفقت مع وحده اننا نسوي مشروع وبعد مااستعدينا وسألنا وجينا بننفذ المشروع

قالتي انا بنسحب وسكرنا عالموضوع..

وبعدها جمعتلي مبلغ من هينا وهينا ودخلت بالاكتتابات وفلوسي جالسه تضيع قدام عيني

اللي يقولي بيعي واللي يقولي لاتبيعين. والى الحين مابعت والفلوس قاعده تروح

المشكله ان حتى اذا ربي رزقني راح تروح كل هالفلوس ديون...وياليت انا اللي حاطه نفسي

فيها..انا مالي اي علاقه بها الديون لكن والدي الله يهديه هو سبب الدين اللي علي

لان كل شي باسمي والوالد شال يدينه وطاح كل شي فوق راسي

والله تعبت من هالوضع وهالحال هذا وانا توني عمري 23سنه اجل بكره مادري وش راح يصيرلي
لا والي زاد الطين بله اني انتظر مولودي الاول!!!!

زبده الكلام وعذارا عالاطاله..

ابي فكره مشروع مجربه براس مال بسيط وارباح حلوووه

ياليت تساعدوني بالفكره والله راح ادعيلكم ليل نهار وابي شي مضمون لاني تعبت من الصدمات

وابي اشيل نفسي لان زوجي راتبه قليل ويروح عالاجار والفواتير والمقاضي

اهم شي عندي اني اسدد الدين لان لاابوي ولازوجي راح يساعدوني..

آآآآسفه اذا طولت عليكم بس جالسه بها الليل ولاجاني نوم من التفكير في مستقبلي اللي ضاع

فاحبيت افضفض لكم وتساعدوني بافكاركم ودعواتكم....

وشكرا لمجرد قرائتكم لموضوعي....

الله يعينك


لكن التجارة يبيلها راس مال ممتاز

والمشاريع الصغيرة يبيلها دراسة وقبلها توفيق من رب العالمين

..

عموما الله يوفقك لان ماعندي فكرة معينة


وقبل كل شيء

اكثري من الإستغفار
والصلاة

والتوفيق من رب العالمين.



..


الله يوفقك دين ودنيا

زوري أسواق جده للجملة وراح تجدين ما يسرك
والله يفرج همك
أكثري من الاستغفار

سعودي عاطل جدا

طيب ياليت توضح لي المشروع بالتفصيل

بكم اجار المحل وبكم شريت الغسالات..........

وانا الحي اللي ساكنه فيه مافيه مغسله قريبه ابدا

ياليت توضح لو عالخاص اذا ماتبي عالعام

وشكرا لك جزيل الشكر اخووي..

تقريبا يوجد أسواق للجملة بالرياض تشابه أسواق جده ولكني لا أعرف عنها شيء
موفقه