انا اختبرت يوم 3 ديسمبر ,, وقالولنا 2 Week الرد ,,
ويوم الثلاثاء يعتبر كملت اسبوعين على اختباري ,,

وبخصوص الاخ عاطل مره وش مع اختبارات الطلاب ,,؟ اي طلاب

اتمنى تعني بمصدرك لناس والناس ع اعصابها مب فاضين للاشاعات !!

اللي فهمته أن بيكون ,, اختبـار وبعدها باسبوعين يتواصلوا مع المجتازين ويقيسون وزنهم وطولهم ويسون المقابله ,, وبعدها خلاص نصبر العمر كله ,,


شكرآ لك

ها ياشباب كيف ؟؟؟

معقولة الى الان ماجا لاحد شي ؟؟؟

انا اختبرت يوم 1 ديسمبر مع اول دفعة,
وكان رد المشرف على الاختبارات بخصوص النتائج
انو راح يتم التواصل مع المجتازين للاختبار بعد اسبوعين ابتداء من نهايه الاسبوع اللي اختبرت فيه انا
يعني النتائج راح تكون الاسبوع القادم..
هذا حسب مافهمته منه.
على ايه حال الخطوط مشوارهم طويـــــــــل.. الله يعينكم.

^
^
^
أتوقع كذلك

لان انا اختبرت يوم 3 ,, هل الاختبارات صارت بأسبوع ؟

يعني من تاريخ 1 ديسمبر الموافق يوم الاحد ..
الى 5 ديسمبر الموافق يوم الخميس ..؟

اهليييييييين ياشباب .. هذة تجربة احد الشباب ترشح للمقابلة الشخصية العام الماضي 2012 يشرح فيها وش صار معاه في القابلة الشخصية .
بالنسبة للمقابلة الشخصية في الخطوط السعودية زي ما قال الاخ روامس تحلو بالثقة لأنها مربكة فعلاً .. لأنك تعرف ان مصيرك في الوظيفة يتوقف على هذا المكان واللي راح يصير فيه ..
المقابلة الشخصية تكون باللغة الانجليزية في بعض الاسئلة البسيطة فقط
وبعد كدا باللغة العربية يجيك الشغل الصعب.. اغلب الاسئلة استفزازية..
مثلاً انا افتكر بعض الاسئلة كالتالي..
انتا تعرف انك جرسوون!! انا ايوة اعرف اني جرسون
طيب منت خجلان من الوظيفة ؟؟ انا لا ماني خجلان ..
طيب ايش اللي يخليك ماتخجل من وظيفة زي دي؟؟ انا راح اخجل لما اكون زي اغلب الشباب عمري 20 سنة واروح عند الوالد واقلو اعطيني 50 ريال بطلع مع الشباب .. هوا ( سكوت وابتسامة ) ..
طيب لو رحت بتتزوج وقالو مانزوج مضيفين ايش تسوي ..؟ قلت اروح بيت تاني يقدرو الرجال الي يبغى الحلال..
قال ولو رفضوك؟؟ قلت بروح بيت تاني..
قال رفضوك ( وعبس بوجهه ) قلت مراح يرفضوني ( ابتسامة )
قال ايش الثقة دي ؟؟ قلت لأن البنات صارو يعرضو على الرجال الزواج دي الايام
هو ( هههههههههههههههههههههه ) طيب وسكت..
هوا ايش حتسوي في حالات الطوارئ؟؟ انا راح اتصرف حسب ماتدربوني عليه !!
هوا مراح ترتبك ؟؟ انا لأ
هوا ليييش؟
انا لأني بارد
هوا ( هههههههههههههههههههههه ) تستخف دمك صح ؟؟
انا ( خفففففت ) قلت لا والله من جد اكلمك ..
طيب انتا متخرج في اول 2002 فينك السنتين دي جالس تصيع طبعا صح؟؟
انا لأ اشتغلت في شركة وفي البنك الأهلي بس ماشفت نفسي في ذيك الوظايف
ليش؟؟ لأني ادور على تطوير الذات بعكس مالديهم شغل روتيني وكل يوم نفس الاوراق تروح وتيجي!!

طبعا الاسئلة كثيرة الي سئلني اياها بس ماني فاكر..
بعدين قلي ادا نجحت راح نتصل فيك الله معاك..
انا قمت وسلمت عليهم وقلتلهم اتمنى فعلا اكون واحد من المقبولين ومراح تندمو..
هما طيب مع السلامة وخرجت بثقة وابتسامة..
المقابلة الشخصية يوم الثلاثاء..
يوم الاحد اتصلو قالولي مبروك ..

منقول ياشباب من منتدى بس حبيت اكتبها للفائدة وشكرا لكم
الله يوفق الجميع

طيب الان انا جدا محتار مافهمت اي شي


انا اختبرت في 03/02/2013 متى تطلع نتيجتي انشالله

؟؟؟؟؟؟؟؟

السلام عليكم يا شباب ابشركم ترشحت للمقابلة الشخصية وربي طرررت من الفرحة صارووخ ارض جو ههههههههههههههههههههههههههههههههههههههههههههههههه عقبالكم يا شباب منتظر ردودكم دعواتكم لي بتوفيق والنجاح الله يخليكم

والرسالة كما جأتني عزيزي المتقدم /

نظراً لتحقيقك المستوى المطلوب في إختبار اللغة الإنجيزية، نود إبلاغك بأنه تم تحديد موعد مطابقة المستندات(المؤهل الدراسي-بطاقة الهوية الوطنية ) وقياس الطول والوزن وذلك في يومي الخميس الموافق 19/12/2013 والأحد الموافق 22/12/2013.

عليه نامل منكم الإلتزام بالحضور في أحد التواريخ المدونة أعلاه في الفترة من الساعة 9:00 صباحاً إلى الساعة 12:00 ظهراً, مع إحضار الشهادة الدراسية و أصل بطاقة الأحوال.



الموقع: نادي الخطوط السعودية, شارع الأمير سلطان, مدينة السعودية, حي الخالدية, جدة.


ومع تمنيات السعودية لك بالتوفيق

مبروك والله الله يوفقك ويوفق الجميع يارب


بس ممكن سؤال متى كان اختبارك ؟