السلام عليكم ،، مساء الخير للجميع

ياخواني أنا خريج ثانوي السنه الماضيه 1434

? سجلت في مكان الوالد في الافواج التابعه للحرس الوطني كله والله عشان خاطر الوالد ولا كنت ابي جامعه

وسجلت بالجامعه وناوي ان شاء الله اكمل الجامعه انتظام

لككن السؤال :

-1 هل اقدر بعد ماخلص الجامعه افصل من الفوج
واسجل في احد الكليات العسكريه ? ما اقدر؟؟

2 - ونفرض ان الكليات العسكريه ماقبلتني تتوقعون
تخصصي الي هو ( القانون ) راح احصل لي وظيفه مدنيه محترمه لأني ناوي اول ماتخرج من الجامعه استقيل من الافواج او اشوف له صرفه

3 - ابغى نصائح منكم أنا باقي مادخلت الدوره وانتم عارفين الدوره ثلاث اشهر وخالصين بس انتم معي اني
اخرب ام امها وندق قرض ونرككككب الـ 2014 ولا نتركد ولا وش الححححححححل

الأسئلة ما أعرف أجابتها .

بس أحذرك تطق لك قرض وتشتري موتر , لأنك بتبدأ حياتك بديون وتضغط نفسك على شيء ما يستاهل .

إشتر لك سيارة جديده بس على قد فلوسك .

اخوي كمل الجامعه وبعد الجامعه عندك الكليات العسكريه واذا ماقبلوك عندك هيئة التحقيق والادعاء العام يجيها تقديم برتبة ملازم ويبون تخصص قانون

والشي الثاني حتى لو ماقبلت عادي افتح مكتب محاماهـ وريح حالك من العسكريه ..


بالتوفيق لنا ولك ..

القروض ابعد عنها نصيحه ..

شكرا لكم

اتمنى تواجد الاعضاء الاخرين للمساعدتي

بالنسبه لك اخوي شاطح أنا فاهم لكن سمعت
ان الي توظف بالعسكريه إذا فصل او قدم استقاله
مايقدر يسجل في قطاع عسكري سوا كان كليات
عسكريه ولا قطاع الافراد

لكن وش وضع التحقيق والادعاء العام هل هي تعتبر
تحت النظام العسكري او مدنيه

حبيبي خلك من بعض الكلام

إذا أنت عسكري وخلصت الجامعة أفصل وقدم على الأمنية راح يعطونك ملف الإلتحاق الأزرق روح للأحوال ( الأرشيف) ولا تجيب لهم طاري أنك كنت عسكري عطه الملف وهو يعبيه أصلاً من دون ينظر للسجلات

وتمشي أمورك بعض الشروط يتم وضعها للتقليل من التسرب من الوظائف الأخرى .

وبعدين وش تبي بالعسكرية ؟ ؟

المدنية حلوة ... العسكرية ( رخامة ) أول وتالي . فرد أو ضابط .

يا الغالي اذ فصلت من العسكرية مستحيل تقبلك الكليات العسكرية من شروط الكليات العسكرية السعودية انهم مايقبلون شخص كان عسكري ونصيحتي لك اكمل الجامعة من الان والله يكون با العون

نصيحتي كمل جاممعه اذا انت حق دراسه وعارف نفسك انك قدها وبتذاكر وبتجيب معدل حلو وبعدها تخش على الامنيه



الله يوفقك

ان كملت الجامعه الوظائف الاخرى مهي مضمونه
وخاصة الكليات العسكريه حظوظ
تمسك بالفوج وكمل الدراسه وان رك فرجها ورزقك مدني خير وبركه
تعقدة معك وظيفتك والعلم نور وتخصصك حلو ويفيدك