بسم الله الرحمن الرحيم
أقص شريط أول مشاركة في هالمنتدى بعد ماكنت أكتفي بالمتابعة عن بعد
قبل ادخل على هالقسم كانت قدامه هالعبارة
(يشاهده 322 زائر)
هممم ..جميل يعني 300 شخص مثلي يفكرون بمشاريعهم الخاصة.
لكن كم نسبة اللي اجتازوا مرحلة التفكيــر وانتقلوا لمرحلة التنفيذ؟!
اتذكر اني قريت ان اكثر الأثرياء في العالم يشتركون في صفة (تقبل المخاطرة)
ومن نظرة "قد تكون خاطئة" على ارض الواقع بدت تتكون عندي (فرضية) ولها دلائل تؤيدها بقوة
ألا وهي
(أنه نسبة فشل المشاريع عندنا لاتكاد تذكر)
بوفيه متهالك ... ماشي سوقه
خلاق بكرسي واحد .. ماشي سوقه
مطعم كبسة اي كلام .. ماشي سوقه
لدرجة تصدقون قبل كم يوم مريت بشارع وش تتوقعون لقيت
(كابينة اتصالات) لازالت صامدة في وجه الأزمات الاقتصادية
وقبل ايام مريت شارع فرعي عندنا في طرفه محل بالزاوية صغير جدا
لدرجة اني ماكنت القي له بال..محل تميس
كنت انتظر شخص -الله يهديه- ولطعني ربع ساعة انتظره..ووقفت قدام محل التميس
فسويت استطلاع سريع على هالمحل اللي لايكاد يذكر في أعين الناس..
تصدقون بالله ان اللي وقفوا يشترون من عنده بس خلال فترة انتظاري حوالي 30 شخص ماشاء الله لاقوة الا بالله.. والزباين من جميع اصناف البشر وألوانهم..
مابي احسب لكم سعر التميس وكم زبون ..علماً ان بعضهم يشتري ثلاث واربع حبات تميس
وان التميس له طلب كـ وجبة فطور والعصر كـ شيء خفيف ..والمغرب يكون وجبة عشاء للعمال
وايضا للمطفرين.. او عشاق الفول والتميس
لذلك طلعت باستنتاج أن عندنا (قوة شرائية) مهـــوووووولـــــة
العالم شوي وياكلونك..
لذلك -والكلام لي ايضاً- انفض عنك غبار الجلســـة ومشاريع الهواء وشمر عن ساعديك..
أنا لا أدعو للتهور ودخول السوق بدون دراسة .. لكن سداد الرأي أن لاتترددا..
-اختر فكرة
- ختبر السوق بمبلغ بسيط
-توكل على الله وابدأ
اذا كانت مغك مبلغ وصايبتك فوبيا من الخسارة.. فـ تذكر ان العمالة يكدحون ويجمع مبلغ ويتهور ويفتح محل.. مع ان الخسارة تكون بالنسبة له ضياع تحويشة عمره كلها
وخاصة الربع اللي ماعندهم ايجارات ودك تسوي لهم صعق كهربائي عشان تسوي لهم استفاقة
لأنهم افضل من غيرهم..
انتظـــــــر تعليقاتكم ..واعتذر عن ركاكة التنسيق والترتيب وترابط الأفكار..
د م ت م
11-11-2013, 08:07 PM
العرض الشجري
