السلام عليكم ورحمة الله وبركاته


لو سمحتوا اللي معهم شهادة التصنيف الصحي من الهيئه السعوديه للتخصصات الصحيه


طبعا انتوا عارفين اللي مر على تخرجه اكثر من سنتين ,, لازم يتدرب في مستشفى

وبعدين يصنفونه ويعطونه شهادة التصنيف

سؤالي :: هل فيه اختلاف بين اني اتدرب في مستشفى كبير ومعروف كالعسكري , الحرس , الشميسي ,, وبين اني اتدرب في مستشفى في محافظه صغيره ,, كمهد الذهب مثلا

هل فيه فرق بخصوص حصولي عالتصنيف ؟؟ هل يكتب على بطاقة التصنيف او في شهادة التصنيف

اني تتدربت في المستشفى الفلاني او لا ؟؟

اللي ابغى اوصل له :: هل المستشفى اللي بتوظف فيه بإذن الله ,,, يعرفون انا في اي مستشفى تدربت او لا ؟؟؟

او اللي يهمهم فقط هو وجود بطاقة التصنيف بغض النظر في اي مكان انا تدربت ؟؟

هل يأثر ذلك على حصولي عالوظيفه ؟

اتمنى سؤالي يكون وصلكم بالشكل المطلوب

الله يسسعدكم جاوبوني من واااقع خبره وتجربه ما ابغى تخمينات او توقعات

لأني بالاعتماد على الله ثم اجاباتكم راح أختار اي مستشفى بتدرب فيه

والاختيار بيكون ضروري هاليومين ,, أسسعفوني بالاجابه ,, الله لا يحرمكم الأجر

الله يجززاكم خير ويرزقكم من حيث لا تحتسبون

بالنسبة لاستفسارك ماعندي اجابه

بس بسالك طيب هل انت متاكد ان الهيئة بتقبل تدريبك من اى مستشفى ؟ ولا لازم هي توجهك لمستشفيات محددة ؟؟؟

هلا أختي وعليكم السلام ورحمه الله وبركاته
أنا أخذت التصنيييف مايكتبوووون اسم المستشفى ولاشي
بس يعطووونك شهاده وبطاقه مكتوب فيها اسمك

الفئه أخصائي اجتماعي
العمل لايعملواذا كنت ماتعملين
واذا كنتي تشتغلين يكتبون اسم المستشفى اللي انتي تشتغلين فيه
ومده انتهائها ورقم التصنيف بس هذا اللي يكتبوونه لك في البطاقه

لاتخافين اذا قدمتي في مستشفى يهمهم فقط بطاقه التصنيف بغض النظر عن المستشفى اللي اتدربتي فيها فلذلك اطمئني وحطي في بطنك بطيخه صيفي وفالك الوظيييفه

^

حتى انا قريت موضوعك بشوف كيف استشفت ماعرفت ههههههههههههههههههه

عموما انا متخرجه حديثا من شان هيك اخذت التصنيف بدون تديب .. بس حبيت انبهك لسالفه المستشفيات

لاني سمعت والله اعلم عن هالمعلومة انو هم يوجهوك لمستشفيات معينة ..


بالتوفيق لك

ايها الزملاء انا حديث التخرج 1434 علم الاجتماع هل اقدر ااخذ التصنيف وماهي الاجراءات المتبعه وكم رسوم التصنيف وهل احتاج للتدريب ياليت تفيدوني وعقبال كلنا ننال هالتصنيف

6

مادام حديث تخرج شيل شهاداتك وانفذ بجلدك وخوووذ التصنيف قبل لايسير التدريب لزم عليييك

نسخ من شهاداتك وهويتك + شهاده السي بي آر ( الانعاش القلبي الرئوووي ) هذي تروووح أي مستشفى وتاخذها في المستشفيات الحكووميه ب 200 ريال والمستشفيات الخاصه ب 350 انا ا بعد ماخلصت تدريبي أخذتها من نفس المستشفى اللي اتدربت فيه سجلت اسمي وحددو لي يوووم وحضرتها مدتها يوم من الساعه 8 تقريبا الى الساعه 1 او 2

يعني تروح للهيئه بشهاده التخصص + شهاده السي بي آر وتدفع رسوم التصنيف 1100 ويكوون في جيبك ان شاء الله

فالكم التصنيييف يآرب