السلام عليكم ورحمة الله


حبيت استفسر من الاخوة والاخوات
انا خريجة كلية متوسطة من اكثر من عشر سنوات بعد تخرجي بسنتين واصلت دراستي بالكلية وحصلت على البكالوريوس انتساب واخذت مواد تربوية وطبقت بالمدارس يعني تعتبر شهادتي تربوية
لمانزلت الوظايف التعليمية طلع اسمي وبعد المطابقة استبعدوني بحجة اني انتساب
ولماراجعتهم قالوا مالك حق بالوظايف التعليمية انتظري الادارية
سوالي
هل استطيع التقديم بشهادة الكلية المتوسطة والغي البكالوريوس
وطريقة التقديم كيف تكون
ياليت الي عنده علم او معرفة يخبرني
علما ان عندي دورات عديدة اخذتها بعد الكلية المتوسطة
ساعدوني يارب يحقق لكم امانيكم ويرزقكم من واسع فضلة مابقي وقت وانا محتارة

البكالوريوس اكبر من الكليه المتوسطه
والمرتبه والراتب بعد
حتى اداريه حلوة
انا بكالوريوس تربوي واتمنى اداري

صحيح اختي لكن الى متى الانتظار احس العمر يجري وسمعت من البنات ان خريجات الكلية المتوسطة على وشك التعيين واخاف تروح علي الفرصة ويروح الوقت وانا لاادارية ولا بالكلية المتوسطة مع اني مستخسرة اربع سنوات من عمري تروح علي
الله يوفقنا واياك يالحبيبة وياجعلك تتعينين جنب بيتكم قولي امين

روحي للحصر مع الكليات المتوسطه وقدمي بشهادتك حقت الكلية المتوسطه واذا عينوك وتوظفتي قدمي تحسين اوضاع لان معك بكالريوس يعنيونكعلى المرتبه الرابعه لانك انتساب تعتبرين غير تربويه
وبس اشتغلي على المضمون هالخدمه ماينفع معهم الا كذا

ويصير راتبك قريب من راتب المعلمه التربويه اللهم الفرق خمسيةريال

هذا شوري ونصيحتي وما انتي خسرانه شيء

عصفور في اليد خير من عشرة على الشجرة

الف شكر اخواتي الحبيبات يارب يرزقكم من واسع فضله
بقي لي استفسار الحين الغي حسابي بجدارة او اعدل عليه او اروح لهم بافرع حقهم
الي عندها خبر ياليت تفيدني مشكورين

عزيزتي روحي موقع تكامل اتوقع لحصر خريجات الكليات المتوسه اخرموعد لهم نهايةهالشهر وقدمي بشهادتك الي معك الكليه المتوسه البكالريوس لايشوفونها لانهم بيوظفوت خريجات الكليات المتوسطه الحين عشان تتعينين فرصه لاتضيعينها

البكالوريوس اكيد افضل
مثلا كم نقاطك ايضا تخصصك يساعد عمرك تختاريين كل الاماكن نجحتي في قياس تربوية
الانتساب كاني قريت انه رفعوا قضية وكسبوها وصاروا يقبلو في التعليمي
المتوسطة مادري مسمى الوظيفة الراتب اكيد اقل لكن لو فعلا بيوضفونهم غيري وسجلي
واذا ماصار شيء
عند اعلان اقرب مفاضلة للبكالوريوس عدلي بياناتك في جدارة
مدى تقبلك للتعليمي او للاداري