-


السلام عليكم ورحمة الله وبركاته
اسعد الله اوقاتكم بكل خيـر
انا فني صيدلي ، توظفت في شركة ادوية وبراتب جداً جمييل ولا يوجد اي شركه تعطي نفس الراتب
وظيفتي بالضبط مشرف توصيل ، يعني اشرف على توصيل الادويه للمستشفيات والمستودعات ومعي سواق سعودي
المشكله هنا بالسواقين السعوديين ، امس تفاجات لمن عرفت بأن السواقين يتعاطون الحبوب المنشطه
انا بصراحه خفت بعد مادريت عن هالشيء وغير كذا وش يضمنك ان السواق ما يعطيني شيي اشربه ويحط لي فيها شي لا سمح الله
وغير كذا احنا نوصل للمدن القريبه والبعيده يعني فيها سفريات الشغل ، وشلون لو طبينا بتفتيش وشاف الحبوب عند الرجال ؟
بروح فيها حتى انا وش ذنبي كذا ؟ ومن المسؤول عني هالوقت ؟
كلمنا واحد من المكتب الي هو مسؤول عن التوظيف ، قال طيب وش اقتراحكم ؟ قلنا خلي على الاقل التوصيل يقتصر فقط بالمدينه الي احنا فيه الي هي جده
قال اول شيء انتوا اشتغلوا وسافروا وعطوني تقرير بالكامل عن السواق الي معك ..ّ!
قلنا اوكي لو صارت مشكله واحنا بهالسفره منو المسؤول عنا وقتها ؟
قال والله هذي مشكله لكن بحاول اكلم الاداره الي فوق ونشوف اذا بيخلون التوصيل يقتصر على جده او المدن القريبه فقط ،
ياليت تعطوني حل هل اكمل بالشركه او اسحب منها لاني فعلاً ما اعرف السواقين تمام اذا هم يتعاطون المنشطات يمكن يتعاطون اشياء ثانيه صح ولالا ؟
راتب الشركه كان 7700 ريال مع البدلات لكن بعد مانزل القرار الجديد بان فيه سفريات بكل المناطق خلوها 12 الف
وهذا غير البونص الي يجي شهرياً
لكن بصراحه مادري وش اســـــــوي ، علماً اني متوظف من اسبوعين فقط ،

اذا ماستطعت انك تنفعهم بشي او تأثر عليهم بالنصيحه

فحاول بقدر المستطاع انك لا تظرهم بالشكاوي او تقطع ارزاقهم

وتذكر الحديث الذي ورد عن الرسول انه قال قطع الاعناق ولا قطع الارزاق

وجهة نظري وتقبل مروري ياعسل

وبقل لك شي ترى من اقربائي هذا عمرهـ تقريباً من 65 الى 70 سنه

كانت يتشمت في واحد برضه تقدر تقول قريب بالمنشطات وسبحان الله هذاك تركها من الله

وتوضف وظيفه وكان سبب في توضيف زوجته بنفس الوقت

لانه كان يستعملها ماكان يظر احد والله اللي هداه

وهذا اللي كان ينظر لها بحتقار ويشمت به عند الناس في اخر عمره يتعلمها

و يمسك في حبتين ولساته ماتحاكم

واللي محيرني اصحابه كلهم شيبان مدري مع مين تعلم الترفيع

وعليكم السلام ورحمة الله وبركاته


أفضل حل برأيي تغيب يوم تكون عارف هم وين رايحين وتبلغ عنهم الشرطة لأن ممكن تطيح بمشكلة ويورطونك وثاني شيء دمار على أنفسهم وغيرهم هذا أفضل حل ممكن تساعد نفسك وتساعددهم وتساعد غيرهم

والله يفتح عليك ويبارك لك ويوفقك

الله يهديهم بس ويحميك

أخي الكريم

الله يوفقك أن شاءالله في عملك

نقطه ثانيه أخي

وأثـــــــــــق الخطوات يمشي ملــــــــــــــــــكاً

أخي / أمسك عملك لايهمونك بشي هذه الأشكال

والفاصل دائماً في هذه المسائل شرعاً ونظاماً

هو التحليل الطبي

فلو قدر الله وفي يوم من الأيام حصل لمكروه / بكل ثقه ستنكره

وستطلب التحليل الطبي , الذي هو بأذن الله سيثبت سلامتك من هذه السموم

ولاكن بحاله واحده ممكن بأنك تتعرض للمسائله / وهي أذا تم ظبط كميات كبيره

بالنسبه لسواقين وتعاملك معهم

حاول قدر الأمكان بأنك تذهب مع الأصلح فيهم

و لو خرجت مع غيرهم فلا تقبل مايقدموه لك من مأكل ومشرب

وفقك الله

أي أستفسار أنا حاضر

نصيحه لاتدّمر مستقبل احد يمكن الله يهديهم فـ اذا ماكنت سبب للهدايه

لا تكون سبب للخراب

وتقبل تحياتي واشواقي ياعسسسسل

لا تقطع رزق احد وانت بنفسك تقول مو متأكد
مالك دخل في احد وظيفتك حلوه وراتبك حلو وتوك متوظف خلك واثق في نفسك
واقسم بالله العظيم ان اغلب بيئات العمل الحكوميه والخاصه الحين تلقى الي يستخدمون ذا الاشياء

نصيحه لاتضيع وظيفتك عشان فلان ولا علان