حبيت انقل لكم تجربتي مع المقابله الشخصيه في برنامج رياده مع انه تم رفضي ولكن ساعطيكم سبب رفضي واتمنى ان لا تعودو لنفس خطأي ,,,

اولا جلسونا على كراسي انتظار وياخذونا بالدور انا ما كنت ملم المام كامل بالمشروع وكان واحد جالس جنبي من المتقدمين تعرفت عليه وكنا نسأل بعض عن مشاريعنا وكان مشروعي بيع اواني منزليه فا قال لي هالشخص تخيل لو يجيك سؤال من هم المنافسين لك في السوق ؟؟..قلت والله ما ادري ..قال اذا جاك هالسؤال قلهم السيف وبادريق وباخشوين ..قلت ابشر وشكرا لك

ويا ليته ما قال لي ههههه باقول لكم ليش

بعدها جا دوري ودخلت عند ثلاثه واحد منهم يكتب عالزاويه شكله هو الي يكتب اجوبتك واثنين جالسين معي اول سؤال قالو لي عرف عن نفسك عرفت عن نفسي سألوني وش اسوي الحين واهل قد درست جامعه وعن وضعي الاجتماعي يعني هل اعزب او متزوج ووين اصلي وبعدها سالوني عن مشروعي قلت لهم بيع اواني منزليه وطاحو فيني تحطيم قالو هذا مشروع غير مربح وفيه كذا كذا وقلت لهم بالعكس مربح قالو هل عندك خبره قلت لا قالو لازم خبر قلت لا مو لازم الخبره تكتسبها من عملك بالمشروع المهم وصلنا عند سؤال ن المنافسين لك فالسوق قلت السيف وبادريق قالو بالله هذولا منافسين لك هذولا هوامير مو منافسين قلت اكيد انهم بدو من الصفر مثلي ...قالو وش رايك نشوف لك وظيفه حلوه قلت لهم لا انا ابي هالمشروع

طلع السيف وبادريق وكالات تصنع الاواني المنزليه يعني مو منافسين لي بكذا عرفو ان ما عندي سالفه فالمشروع وطقطقو شوي وقال انت مرفوض مع السلامه لازم لك خبره


عالعموم اخواني المقابله الشخصيه الغرض منها يشوفون مدى جديتك والمامك بالمشروع

هم مهمتهم يحاولون يحطمونك ويرفعون ضغطك انت خلك ثابت وما عليك منهم وخل اجوبتك بقدر السؤال ولا تتفلسف زياده مثلي وتروح عليك ههههه


تمنياتي لكم بالتوفيق

خيرها بغيرها

انا قريبا راح اكتب الي حصل مع رياده فرع عنيزه
بنهايه المقابله قالو نسبه قبولك متدنيه لازم خبره

طبعا الشرط بلموقع شهاده بنفس المجال او خبره بلمجال
وانا قدمت لهم الشهاده+والخبره بنفس المجال ورغم ذالك لم تكفي لهم.!


تم عرض علي وظيفه من طرف احد الاشخاص المقابلين وتم قبولها من طرفي ومباشره قدمت بعد ماخرجت منهم وحتى الأن لااتصال رغم الواسطه وقله من طرف فلان.!

لااعلم فرع رياده يقبلون من لهم واسطه او غير ذالك لن اضلم احد راح استمر الى النهايه معهم
مع العلم الى الان ماجتني رساله منهم بخصوص المقابله


ايام قليله او كم اسبوع وراح يتم عرض الموضوع بلكامل +شكوى لمركز رياده الرئيسي

هههههههههههههههههههههههههههههههه


السيف وبادريق الله يسامحك يارجل قسم بالله انك ابسطتني وخليتني اضحك

ﻻ تزعل مني بس والله انك

شكرا للافادة