انا قريبتي تعينت في منطق تبعد عن مدينتنا 300 كيلوطبعا بالبداايه حماااااااااااس وفرحه والعائله كلها مستعده تتحمل وتضحي اهم شي جاءالتعيين


بعد اول اسبوع مل الوالد من المنطقه وطلب من اخوي يناوبه
اسبوع الوالد واسبوع اخوي
بعد شهر تععععبنا من الخطوط والسيارات بدا كفرها يهنق فصرنا كل اسبوعين
حاليا العائله كلها بطلنا نرووح لهاا قلنا اذا تبين تعالي انت لان المنطقه هجره ومقطعه
وامس تكلمممني طططفشانه وتسب وتلعن الوزاره يوم حذفوها بذاك المكان






فأنا اقولكم لاتتحمسون وترصون المناطق كلها بعدين تعتذرون تكونين حرمتي غيرك من وظيفه ربما هي في اشد الحاجه لهاا الغربه شي موب سهل

شي يخوف بس تعبنا من البطاله لمتى كم باقي من العمر ١٢ سنه ومافي تعيين الله يرزقنا باقرب منطقه وحسبنا الله ونعم الوكيل

نفسي اعرف معنى كلمة ظروف
هو عذر وبس والمفروض نسير الظروف لصالحنا موش نستسلم لها
موضوع التحسب واللعن على الخدمة
اذا احد ملام فهي وحدها الملامة
اعتقد محد جبرها على الموافقة واختيار جميع المناطق
والكل يعرف بالاول لابد من التعيين في قرى معروف حال القرى الا بعض المدن تحتاج الكثير كيف القرى
هل المطلوب من الوزارة توفر الخدمات الناقصة في القرى
ولا تعدل الطرق وتوفير المواصلات

صاحباتي اللي تعينوا يقولون الصعوبه بس في بداية الدوام
وبعدين كل المعلمات استتجروا عماره بنفس المنطقه اللي هم فيها وسواق يوديهم نهاية الاسبوع لمدينتهم ومره مبسوطات حتى لما نقلوا تحسفوا على المدارس اللي كانوا فيها ولو انها بعيده لكنهم يغطوا على بعض والبنات قليل ويراعوهم لانهم بغربه

اكلهم بعد مايرجعوا من الدرسه يجيبه حارس العماره من المطعم
البنات قطوا وضربوا الشقق بويه وضبطوا ستاير وجابوا طاولة طعام وفالينها في سكنهم
المتزوجات دخلوا اولادهم المدارس في القريه
وفي حريم يتكفلون بالاطفال الصغار من نفس القريه كانوا يحطون الاولاد عندهم ويعطونهم اجرهم اخر الشهر وكانوا يعرضون عليهم اذا يبغون يشترون اكل شعبي يسون لهم ويدفعون قيمته
الوضع كان متيسر لهم

وبعض الاخوات مستأحره في منطقه ومعها امها لكن المدرسه بعيده تجلس ساعتين في الطريق وهي رايحه وهي جايه وكارهه عمرها

يعني على حسب المكان اللي تنحذفي فيه

الله يختار لنا الخير

بنات بما أن الحديث عن الإغتراب والخوف منه و و و

ودي أقول لكم التفكير اللي يجيني أحيانا أو غالبا إذا جاني خووف أقوول وليش تخافين ياحلومة ياحبيبتي

قوي قللبك بعدين إذا ماغامرتي وأنتِ بأول شبابك وشديتي حيلك متى تغامرين ؟!! والأطفال ماراح يتعسر أمرهم

إذا عزمتي النيّة بتزين الأحوال أتعذب 3 ولا 4سنوات في أول شبابي وأمسك وظيفة ولا أني أريح وأبقى تالي

عمري أحتاج لفلان وعلان <<تفكيير كله جديه

أنا عارفه ماراح أصبر عن حبايبي وأهلي بس الدنيا تبي جَلَد وعمرها ما تمهدت لأحد لازم من الصعوبة

والمغامرة والمعاناة المدارس والروضات متوفرة في أغلب مناطق المملكة ليش أحرم نفسي من شيء لي أنا مردوده

المادي والمعنوي يعني لي كثييير ليش أتركه فيه ناس تتغرب عن بلدها بكببره تروح لناس يختلفون بعادات وتقاليد

ودييين<<وهذا الأهم كلله في سبيل تكوين أنفسهم وتحقييق أمنياتهم وش اللي يمنعني من هالشيء

وآخر قراراتي الاستخااارة قبل الإقدام على أي قرار وماندم من استخار أما الاستشارة فهي لشخص واحد فقط

اللي هو مسؤول عني أما غيره ماراح يحسون بشيء لأن عندهم أهم شيء زياراتي لهم اللي ماراح تنفعني

كثر الوظيفة وإذا عالوصل أكثر ماكثر الله الجوالات والتواصل شبه مجاني عن طريق الواتس أو غيره

والله بعض الردود حمستني وصحتني على نفسي مشكورات بنات والله يكتب لكل وحدة فينا الخيييير يااارب

<<لكل عضوات البطالة ^_^

حلمي التدريس

كلامك منطقي جدآ ..

المفروض اللي ظروفها تسمح ماتتردد

وتتوكل على الله ...

واللي يبي الوظيفه لازم يتحمل

ومافي شي بالساهل

:T humbs:

حتى أنا بقدم في كل المناطق وبروح لو مشي على رجولي

قريبتي تعينت في منطقه بعيده عن اهلها وتقول الراتب يروح في الشقه والنقل والمشوار وهي متزوجه وعنده اطفال وساكنه لحالها مع خدامتها وعيالها وززجها يجي لها كل اسبوعين اوثلاثه واحسهل ماشاء الله مبسوطه اهم شي التفاهم بين الازواج والله يكتب الخيره لنا ونلقى وظايف قريب وتكون السنه ذي سنه توظيفنا ياحي ياقيوم

موضوع مهم بس مو كأنكم مره مستعجلين عليه
لسى وينا ووين الاحتياج السنوي في شعبان ؟؟
لاتقلون وليد اللي في تويتر لان مافي شي يثبت مصداقيته
الله يصبرنا لين يجي الاحتياج