السلام عليكم ورحمة الله وبركاته /
أولاً : أتمنى من إدارة منتدى حلول البطالة تثبيت هذا الموضوع نظرا لأنه يهم شريحه كبيره من خريجي الثانوية العامة والدورات الأقل من سنه في الحاسب وغيره
ثانياً : يا أخوان خلونا يد وحده نطالب بفتح المجال لنا نحن خريجي الثانوية العامة والدورات التدريبية الأقل من سنه كثير منا يعلم أن المعاهد الخاصه التي تمنح الدبلوم تكلفت الدراسه فيها غاليه جداً وبعض الجهات الحكومية التي تقدم دبلومات مجانية مثل خدمة المجتمع والتعليم المستمر بالجامعات السعودية لها شروط معينة وأهمها أن لا يكون قد مضى على التخرج من الثانوية أكثر من سنتين ماراح أدخل في التفاصيل كثير لأن أغلبكم عارف هالشيء أتمنى من الجميع المشاركه وإبداء الرأي سواء إيجابي أو سلبي ( الإختلاف في الراي لا يفسد للود قضيه ) خلونا نطالب يمكن يوصل صوتنا والله إني أرسلت لصحيفة سبق أكثر من مره للإداره بإنهم يطرحون الموضوع في صحيفتهم وحاولت في جهات أخرى أتمنى أي واحد يقدر يفيدنا إن يساهم معنا من مبدأ حب لأخيك ما تحب لنفسك عاااااارف إن طولت عليكم أعذروني على الإطالة

والله يااخوي مدري وش اقولك لاكن الثانويه في ذا الزمن اعتبروها مثل الابتدائي بالنسبه للنساء اما الرجال مايتوظفون بها الا عسكريهيعني انت لا تسعى ان اتعترف فيكم جداره لانها لو اعترفت ماظني بتوظف
هذا هم خريجي الدبلومات دون الجامعيه معترفه فيهم جداره لاكن ماقد سمعت حد توظف الا هالسنه اظنهم ٢٠ واحد وهم طابقوا من سنتين
والبكالوريوس يالله من فضلك نشحذهم شحذ التعليميه والتخصصات الاداريه مثل المحاسبه وغيرها مهمششششه تماما

اذا تبغى نصيحتي روح كمل جامعه بنظام (تأهيلي) وشد حيلك ألحين اغلب الجامعات اذا مو كلها صار فيها مجانا

اذا تبغى نصيحتي روح كمل جامعه بنظام (تأهيلي) وشد حيلك ألحين اغلب الجامعات اذا مو كلها صار فيها مجانا
كيف مجاني اول مره اسمع كلهم يطلبو دراهم جامعه الملك عبد العزيز اقل شي 6 في السنه وين الي مجاني وهل تقبل متخرجه من الثانوي 9 سنوات طبعا مارح يقبلو عدى خمس سنوات الا انتساب صحيح لازم يفتحو للخريجات الثانوي شباب وبنات ناس كثير ظروفها ماكملت الجامعه انتساب او مانقبلت بالجامعه من بعد تخرجها واخذو دبلومات فلازم جداره تفتح لجميع الموهلات

أخوي إذا تبغا تكمل جامعة فحاول إنك تبعد عن الإنتساب لأنه للأسف جدارة هاضمة حق الإنتساب .....وإذا ما جتك فرصة إلا الانتساب فادرس أول سنة إنتساب وبعدين حول للإنتظام.

ادرس تعليم عن بعد

وعلى فكره ترى الانتساب والتعليم عن بعد يقبلون اللي شهادتهم طاف عليها سنين




ثانيا احب اقول للي يشملهم الضمان الاجتماعي مثلا الوالد او الوالده
ترى الدراسه ببلاش تسجل بالجامعه ولمن يرسلون لك قم بالسداد
رح للجامعه ورح لخدمه المجتمع قسم الاعفاءات ويقول انا بالضمان وماقدر ادفع
ويصير يدرس ببلاش

لا تتعب نفسك مع هالوزارة الفاشلة الخدعة المدنية

إحنا بكالوريوس و تخصصاتنا حلوة و معدلاتنا حلوة و نظام انتظام نشحد منهم الوظائف شحدة
و الدبلوم صافينهم على جنب

و لا تتعب نفسك بالدراسة في الجامعة , تاخذ شهادة جامعية عشان وظيفة حكومية !
يعني مدري ايش اقول ترى الوظيفة الحكومية مضمونة فقط بنسبة 50 %
يعني لا تصدق اللي يقولون خذ جامعة و الوظيفة الحكومية بجيبك لا ابد

و اذا مُصر ع الدراسة بالجامعة ادرس نظام انتظام فقط الباقي صافين على جنب
طبعاً فيه اكثر من طريقة تدرس الإنتظام ممكن تروح انتساب بس جيب معدل عالي امتياز أول سنة و حول بعدها انتظام على طول
أو تدخل سنة تأهيلية

لكن نصيحة لك من أخت لا تتنظر معجزة من وزارة فاشلة و لا لها نية توظف اصلاً
روح القطاع الخاص اثبت نفسك و اجتهد و كون علاقات و ممكن تمسك منصب في شركة و إلا بنك

أو رح العسكرية و جمع من رواتبك و إشتغل بالأعمال الحرة

بعض الحقائق مُرة

والله اخذنا دبلوم بطلوع الروح والله يعلم كيف ضغطنا على انفسسنا لحد ما جبناها
على اساس الوظيفه مضمونه دبلوم سنه وهذا انا من 2007 وانا مصوره جنبها المعاهد الاهليه نصب واحتيال
سجلت تعليم عن بعد وشوف الاخوات فوق وش يقولو عنها .. طبعا احنا في اغنى دولة في العالم والدوله الاولى لتصدير النفط
وهذا حال ابنائها لاترتجي شي من هذا الوزاره ولا من اي احد
خل املك بالله كبير واسعى لرزقك بالقطاع الخاص
انا مايناسبني القطاع الخاص لان اغلبه اختلاط بطريقه مباشره او غير مباشره
الله يغنينا من فضله بس انت وضعك مختلف تقدر تروح وتجي وتبحث بنفسسك
ما انت تنتظر احد يقدم لك او يبحث عنك مستححححيل يجيك شي بالساهل
الحياه صعبه ووضعنا اصعععععب والبلد من جرف لدحديرا وكل مال الوظايف والمجالات
في شح وقحط ..ليه المحسوبيات والواسطات شغاله اجل وحده من القطاعات الحكوميه
اكتشفو من المدير العام الى اصغر واحد اكثر من 30 موظف من نفس القبيله لييييييييييييييش
وزارة ابوكم فيه لعب لعب لعب لعب فضضضضيع
نسال الله من فضله وان لايحوجنا لا احد كائن من يكون