السلام عليكم ورحمة الله وبركاته

انا عندي فكره موقع تواصل اجتماعي تعليمي عالمي واقصد بعالمي انو راح يستفيد منه العالم كله

وانا بحثت عن الفكره ما حصلت احد مسويه وفكره جديده على الانترنت

لاكن ماعندي السيوله اني ابدا هالمشروع ولو جتني السيوله ماراح تجي الا بعد سنه او سنتين

فاا ابي رايكم بهالموضوع انتظر الين تجيني السيوله او اعرضه على احد يقدر يبدا فيه ونتقاسم الارباح ان شائ الله اذا نجح

وفقك الله

والله يرزقك بالمال

تقدر تستفيد من قرض خطوه في معهد رياده للاعمال الوطني
وبالتوفيق

وعليكم السلام ورحمة الله وبركاته
هلا فيك اخوي الحمد لله والشكر لله
انت ما يخفى عليك ان التعليم يتجه الى التواصل عن بعد وكثير جامعات ومدارس دخلت هذا المجال
وان تقول الموقع انه تواصل اجتماعي تعليمي عالمي
يعني ضخم لا تستعجل نهائيا لو تقعد اشهر
حاول تاخذ افكار وتجمعها يعني لما تسوي الموقع كثف يتطور باستمرار من و الى
اما من ناحية الدعم فاقترح عليك اقتراح
انك تذهب شخصيا لمركز صندوق المئوية
مدري انت من اي منطقه بس يفضل العاصمه
تروح لهم وتطلب مقابله المسؤول هناكـ
المركز هذا يقدم دعم مشاريع للشباب تمويل مبالغ والافضل في المركز هذا
انه يقدم لك مستشار في مجالك يعني له خبره في المجال اللي ناوي تدخله
طبعا راح يطلبك دراسه مشروع لكن انت قول له انا جاي اسئل هل اقدر اخذ دعم منكم وتشرح له مشروعك ومستقبله
اذا قال لك سوي دراسه جدوى قول له ان كل المكاتب ما لها تخصص في المجال وصعب ونادرا تلقى
في هاذي الحاله راح يطلبك تعبي بيانات وتقدمها لهم وبعدها على اللجنه وان شاء الله يوافقوا لك
هههه يمكن لخبطتك في كلامي لكن للامانه تحمست معاكـ
من كل قلبي اتمنى لكـ التوفيق والنجاح
دمت بود