20-11-2013, 12:10 PM
|
 |
عضو مميز
|
|
تاريخ التسجيل: Feb 2013
المشاركات: 1,280
معدل تقييم المستوى: 269091
|
|
|
تعالو : هام لكل من توظف في قطاع خاص والان اصبح عاطل
السلام عليكم ورحمة الله
امس طلعت للاحوال المدنية اطلع بطاقة بدل فاقد لي
طبعت الموظفة لي ورقة من صفحة بياناتي اراجعها لارسال الطلب
لقيت مسجل عندي اني موظفة في قطاع خاص مدرسة اهلية
قلت لها انا تركت المدرسة قبل 3 سنوات و الغيت تسجيلي من التأمينات الاجتماعية ومتأكده انها ملغاة
قالت ما يهمنا التأمينات ولا نأخذ معلوماتنا منها
قلت طيب عدلي بياناتي لي الان لاني غير موظفة
قالت البيانات ما تتعدل من عندي ولا اقدر
لازم تروحين للغرفه التجارية ومعك ورقة اخلاء طرف يختمونها الغرفة ويصدقون عليها ثم تراجعين فرع الاحوال المركزي في الرياض
قلت لها ما يستاهل كل هذا وبعيد علي المدرسة اللي كنت فيها والغرفة التابعه لها وصعب اراجع فرع الرياض
قالت مو بيدي حل وانتي مسجله كذا وما يتعدل الا كذا
هذا اللي صار امس
وحبيت افيدكم وانا تأكدت من اسمي الان في التأمينات فعلا الاسم ملغي وواقف
لكن على كلامها سجلي موظفة بسبب الغرفة التجاريه
وصعب علي اعدل كل هذا لاني سكنت في منطقة اخرى
وطبعا انتم عارفين وظائف القطاع الخاص تجي من الغرفة التجارية ووزارة العمل يعني انا كذا اكيد مالي فرصه معهم الا بتعديل بياناتي
التعديل الأخير تم بواسطة شفافة ; 20-11-2013 الساعة 12:16 PM
|
العرض المتطور
