***جايبه لكم قصيده وان شاء الله تعجبكم,,,


على كثر الجروح اللي بقلبـي خافقـي مشتـاق
ضواني ليلـي وقلبـي تحـزّم ثـورة أشواقـه
صرخت بداخلي صرخه تلوذ الـروح بالأعمـاق
تموت الصرخة بجوفي وهـو غايـب بأعماقـه
تجول بخاطري كلمـه تبـاري دمعـة الأحـداق
تغارق صوتي بدمعي بوقت(ن) جفّـت أحداقـه
جرحت الحب بغيابك طعنت الروح دون ارفـاق
سلبت شفاهي البسمة خذلـت الرمـش برفاقـه
توقعتك تجي تسقي عروقـي بالهـوى تريـاق
عروق(ن) في حنايا صدر بيـن يديـك ترياقـه
توقعتك تجي تغـرق حياتـي بالهـوى إغـراق
توقعتك تجـي تمسـح دمـوع عيـون غراقـه
توقعتك تجـي تطفـي لهيـبٍ بالحشـا حـراق
تزايـد نـاره فبعـدك يزيـد الجمـر بإحراقـه
توقعتك تجـي نقضـي بقايـا عمرنـا بعنـاق
تجيني ارتمـي بحضنـك بليـل يزيـن بعناقـه
توقعت الغـلا يسـري بدمـك دايمـا ينسـاق
توقعت الوله في داخلـك واقـف علـى ساقـه
توقعت الهوى في سلمكـم ذوق وأدب وأخـلاق
ويبقى الشوق بأرض الحب ويبقى الحب بأخلاقه
توقعت الوفـا منّـك مثـل نهـرٍ علـي دفـاق
توقعتك تجـي بإخـلاص مـع أشـواق دفاقـه
توقعتك تجـي بيـدك قصيـدة حـب للعشـاق
حسافه ياهوى قلبي : خذلـت عيـون مشتاقـه
حسافة ياهوى بالي نقضـت العهـد والميثـاق
حسافه ينهدم هالحـب رغـم عهـده وميثاقـه
بنيت من الوهم دنيا ألين أصبح فضاي إشـراق
وقفت أسترجع الذكرى بليالـي كانـت إشراقـه
بكيت من الصدود اللي سكن فيك وبقـى خفـاق
رفـع رايـات مكسـوره دفـن أرواح خفاقـه
تعبت أبقى بليد الفهم اخـط النـزف بـالأوراق
تعبت أشكي تعبت أبكـي بدمع(ن)بلـل أوراقـه
تعبت أبقى أسير الوقت تعبت أطلب رضا بإشفاق
تعبت اطلب رضـا قلبـك ونفسـي دوم شفاقـه
حزن مدري حزن مدري حزن مدري حزن سبّاق
حزن يقضي على روح وليالي الجـرح سباقـه
وعلى كثر الجروح اللي بقلبي وخاطرك بفـراق
ضوانـي ليلـي وقلبـك توّلـم يعلـن فـراقـه
غفيت وهالحزن صاحي صحيت وهالحزن براق
تخيل حزني الطاغي سحايـب دمـع براقـه !!

** ** **
** **

تجول بخاطري كلمـه تبـاري دمعـة الأحـداق
تغارق صوتي بدمعي بوقت(ن) جفّـت أحداقـه
إحسااااااااااااااااااااااااس رائع جدا

شاكرة لك ,,,,,,,,,,,,,فعلا متألقة في اختيارك

أقسم باالله قصيدة مؤثرة لمن يفسر أبياتها مشكوووووووووووووووووووووووووووووووووووووووووورة أختي على الإبداع

قصيده رئعه يعطيك الف عافيه

توقعتك تجي تغـرق حياتـي بالهـوى إغـراق
توقعتك تجـي تمسـح دمـوع عيـون غراقـه
توقعتك تجـي تطفـي لهيـبٍ بالحشـا حـراق
تزايـد نـاره فبعـدك يزيـد الجمـر بإحراقـه

أختيارك ذوق ولا أروع ،، سلمت يديك ع النقل الجميل

تعبت أبقى بليد الفهم اخـط النـزف بـالأوراق
تعبت أشكي تعبت أبكـي بدمع(ن)بلـل أوراقـه
تعبت أبقى أسير الوقت تعبت أطلب رضا بإشفاق
تعبت اطلب رضـا قلبـك ونفسـي دوم شفاقـه

قصيده جميله