السلام عليكم
بغيت استفسر عن شركة محمد العلي السويلم اللي بشارع الضباب بالرياض
إذ احد منكم يعمل هناك أو سبق له العمل هناك يخبرنا هل هذه الشركة ممتازة من ناحية التعامل مع الموظف ومن ناحية الرواتب هل تصرف ولا لا وهل فيها استقرار وظيفي ام لا

للـــــــــــــــــرفع

حسبي الله عليهم دقوا علي مرة واحد هندي يتكلم انقلش قالوا عندك مقابلة لوظيفة استقبال وقلنا اوكي

ورحت لهم وسوا معي المقابلة واحد هندي واسئلة وحوسة وقالي اوكي خلاص بندق عليك بعد يوم يومين كذا عشان تباشر

وبعدين لطعوني شهر رجع دق علي واحد سعودي قالي تعال بسوي معك مقابلة قلت له ياخوي سويت

قالي معليش بنسوي مقابلة ثانية معي انا قلنا طيب

ولطعوني ساعة ونص لين مادخلت وبعدين لما شاف اني جامعي ومؤهلاتي قالي من قالك استقبال

لا بنحطك بادارة شؤون الموظفين قلنا زين قالي ترى بس دوامنا يبدا 7 ونص قلت مب مشكلة

قالي خلاص بندخلك على مديرين كبار بالشركة واحد مدير شؤون الموظفين والثاني مدير مدري ايش نسيت

قلنا بعد مو مشكلة يعني سويت 4 مقابلات وقالوا خلاص بندق عليك قريب عشان تباشر

وماشفت الا السحبة الاليمة

وقالي الراتب تقريبا بحدود ال 7000 في شؤون الموظفين

هاذي تجربتي معاهم

بس اللي اعرفه ان شركة السويلم شركة كبيرة وشغلها من زمان ماشي

والله يوفقك ويكتبلك الخيرة

الله يحيك حمودالحسين
بما انك وضحت لي وش صار معك بحكي لك بالتفصيل اللي صار معي
دقو علي ورحت سويت مقابلة مع واحد هندي فعلا مثل ماقلت ومثل ماقلت قال بنحطك بالادارة لاني جامعي ولي خبرة سنة في العمل السابق
المهم شوي ويجي الهندي معه ورقة ويقولي وقع عليها يوم ناظرت فيها مكتوب عرض وظيفي حتى هو ماعطاني وقت اقراها قالي وقع وبعدين نتفاهم المهم وقعت
شوي ويجيني يقول تداوم معنا بعد اسبوع يوم ناظرت للراتب بصراااااااااااااحة مايسوى ولا شي مقارنة بي خبرتي سنة ومؤهلي الجامعي وسالت الموظفين قالو لي راتب العرض ضعيف
الحين وش اسوي اقدر اروح لهم واطلب تعديل في العرض الوظيفي قبل مايسوون لي عقد عمل رسمي
ولا كذه راح اكون ملزم اني أجي غصبا عني
معليييييييييييش تراني غشيييييييم بها الامور الرجاء التوضيح الله يخليكم

اخوي في حالة عدم اكمالكـ 90 يوم اي 3اشهر .. فانك ستكون تحت التجربه
بامكان صاحب المنشأه تسريحك وبامكانك تسحب نفسكـ ولاعليكـ اي مشكله

وبالنسبه كنصيحة ابحث عن وظيفه اخرى لان اي مقآبله راح يسألونك انت شغال
او عاطل .. والعمل نقطه ايجابيه في المقابلات .. وبعد تستقيل قبل اكمالك لـ 3 اشهر

لان بعد 3 اشهر او 90 يوم راح تلزم بدوام شهر ويسمى شهر انذار ويتم تسليمك راتبه
ومحسوب في شهادة الخبرهـ ..

وربنا يوفقكـ وحاول اي عرض وظيفي تقراه كويس .. واما العقد الوظيفي لابد ان تصوره
كي تبقى لديك الصورة وترجعلها وقت الحاجه ..


بالتوفيق استاذي

أخوي اخر السنه
شكرا لك بس هل في فرق بين العرض الوظيفي والعقد العمل
انا بس وقعت على عرض وظيفي وقبل ما اوقع على عقد العمل غيرت رأيي هل يحق لي ذلك طالما في فترة تجربة وماداومت ويوم

لايوجد للشركة اي حق عليكـ ..

وعقد العمل هو الاساس في الوظيفه في حالة وقعت العقد بعدها بيبدأ 90 يوم

واما في حالة ماوقعت عقد عمل .. فيه شروط ومواصفات الوظيفه .. فكذآ ماراح يكون

عليك اي شيء ..


العرض الوظيفي مجرد عرض تقبل فيه وترفضه بإرادتك ..

بالتوفيق اخوي