السلام عليكم ورحمة الله

اولا اقول الف مبروك للاخوان الي تم قبولهم مبدئي وانهو اجراءاتهم بالقوات
والله يرزقهم القبول النهائي

محدثكم احد طلبةة القوات , نبدي ونقول بسم الله ...

اولا فترة 45

وهي فتره لازمه وضروريه لكل دوره عسكريه مع اختلاف فترتها في كل قطاع له منهج معين
فمثلا السجون والحرس الوطني ما يخدون 45 كامله ياخذون ما يقارب 21 الى 30 يوم فقط
وبعض القطاعات تزود عن ال 45 مثل القوات الخاصه كان تخرجنا من الفرد الاساسي
بعد 53 يوم !

الفتره ذي اصعب فتره وفيها النفسيه والتحويل من مدني الى عسكري
وفيها فايده انها تعلمك الصبر ومع انها اصعب فتره الى انها اسسرع فتره مرت

جدولك في 45
صحيان 2:30 تشد سريرم ونظافه وصلاةة فجر بعدها حصةة هروله ترجع تفطر وتتجهز للمشاه وتعليم وصلاة ظهر
وغداء وتريح ساعه وتجهز لصلاة العصر وبعدها حصه العصر هروله ولياقه
بعدها مغرب تصلي وتتعشاء وترجع تصلي العشا ونوم

هذا جدول ال 45 يوم يوميا كذا مافيه اي تغيير ابد

بعد 45 تكمل الفرد الاساسي وهو نفس الجدول
بتجيكم شطحات مثلا يجي يوم تهرولون على السور وبس
طبعا ما اخذنا رمايه ولا مسير طويل الى الحين

بعد فترة الفرد الاساسي تتعسكر رسمي وتتحول من طالب الى عسكري
تجيك الدوره التخصصيه الي تسمى دورة اعمال قوات وهذي عليها صنف 400 ريال
ومدتها 10 اسابيع واسبوعين لا منهجي بكذا تصير 3 شهور
تاخذون فيها 4 اسابيع حماية شخصيات وهذي الدوره اسهل منها مافيه
دوره تافه وسريعه وتروح بغض البصر !
جدولها صحيان 3:30 وترتيب ونظافه وبعدين صلاةة وبعدين حصة هروله وبعدها مشاه
وبعدها حصة حماية شخصيات وبعدها صلاة ظهر وبعدين ميز غداء وتريح لما صلاة العصر
تصلي العصر ويصصير عندك حصة دفاع عن النفس طبعا حصة الدفاع عن النفس مو يوميه يوم دفاع ويوم هروله تصير اجمالي الحصص خلال الاسبوع حصتين هروله وحصتين دفاع بس
بعدين تصلي المغرب وتنزل حصه للياقه وتصلي العشاء بعدها وتتعشا ياخذون تكميل ونوم

بعد الشخصيات عندك مكافحة ارهاب او عمليات خاصه ومدتها 4 اسابيع
وجدولها نفس الشخصيات بدل حصة الشخصيات بلارهاب وضيف عليها انك ما راح تنزل الحصص المعتاده بشكل مستمر لان بيكون عندك بدال الحصص المعتداه كالمشاه مثلا بيجي مكانها في بعض الاوقات حصة حواجز والي يميز الدوره ذي انها متعه وفله واكشن فيها قفز من مبنى الصاعقه
وفيها حواجز وفيها علوم جاكي شان

بعدها دورة امن مواقع وهذي اسبوعين ولا ادري عن اليتها بضبط بس ان شاء الله افيدكم عنها
بعد كم اسبوع

خربشات بريطانيه /
فترة الحصص كل حصه 45 دقيقه
فترة الراحه بعد الغداء على حسب انضباط الدوره
الجزاوات عندنا بريال لكن خلك منضبط قسم بالله محد يجيك
هيبة القطاع تستاهل الصبر لانك وبكل فخر داخل قطاع من اولويات الامير محمد بن نايف وزير الداخليه وهذا بحاله شرف كبير
الرواتب ممتازه الجندي 7500 والجندي اول 7900 هذا بالوحدات البسيطه مثل الكتائب
اما امن الطائرات فتتجاوز 8 وتوصل 9000
تستلم راتب وليس مكافئه وقدر الراتب الشهري 4738 ريال
الرتبه للمعلوميه القطاع الوحيد بداخليه الي يعطيك جندي اول بشهادة الثانوي حاف !
الدوره مدتها 9 اشهر الواقع هو 7 اشهر فقط 4 اشهر فرد اساسي و3 اشهر اعمال قوات
يضيفون من شهر الى شهرين بروفات تخرج في بعض الدورات وبعضها يتخرج بدون بروفات

نجي للمراجعات قبل الدوره

الي خلص اوراقه يسلمها لا ياخر اخوياه ويخليها عنده لان اجراءاتكم معتمده على سرعت تخليصكم للاوراق
بعد تسليم الاوراق كامله مع الكشف الطبي تنتظرون من شهر او حولها وبتجيكم رسائل التحليل حق السموم
وبتجي رسائل مو اتصال طبعا مافيه اختبار للياقه , بعد السموم تروح اوراقكم لداخليه مسح امني وتاخذ من شهر ونص الى شهرين
بعدها تحدد الدوره متى تكون ويتصلون عليكم بعد جاهزية المعهد لاستقبال الدوره

وهذا وصل وسلم على نبينا محمد
اتمنى ان اعجبك الموضوع تقيمني وان لم يعجبك ف لي شرف مرورك

جزاك الله خير والله يوفقك ..

جزاك الله خير ..

والله انك طمنتنا وعطيتنا فكره ممتازه الله يوفقك يا بريطاني واالله انك كفو وما قصرت

بس عندي سؤال لاهنت ' بعد ما نحلل السموم نطلع الرياض مره ثانيه اذا حددو الدوره ولا تصير المراجعه في جده بنسبه الي اختار جده ؟؟

بعد السموم يتصلون عليكم بعد ما يخلص المسح الامني
الي في جده بيخلونهم يراجعون جده عشان يستلمون العهد ويفصلون البدل والخ
والي بالرياض يراجع الرياض يعني اخر موعد لكم بالرياض هو السموم

ماقصرت ياراشد عساك ع القوة

الله يكثر من امثالك وعطيتنا نبذه عن الدوره وان شاء الله كل واحد يخش دوره عسكريه يتخرج منها بدون اي مشاكل او طرد او هروب





مبدددددع ):

بيض الله وجهك يا بريطاني

اشكرك كل الشكر يا اخ بريطااني على طرحك الموضوع الرائع

الله يوفقك يا زميل بريطاني تستاهل كل خير يا بطل