السلام عليكم،،


أعرفكم بنفسي [عبدالله]،، طالب هندسة كمبيوتر -سنة ثانية- في جامعة الملك سعود،،

أملك فكرة رائعة جدا واتمنى ان اجد من يدعمها ويشاركني اياها،،

أنا درست في بريطانيا صيف 2009 وصيف 2010 وصيف 2012 واكتسبت لغة انجليزية قوية جدا وعن طريق -خالي- القديم جدا في بريطانيا، اخذت وكالة من عدد خمسة معاهد بريطانية لها من الفروع ما يزيد عن 50 فرع داخل بريطانيا وخارجها..


زبدة المشروع وكيفية الربح:



مثلا أفتح مكتب لإستخراج قبول لأي طالب مبتعث او غير مبتعث حاب يدرس في بريطانيا او غيرها، مثلا دراسته + السكن تكلف 20 الف في الشهر، المعهد يمنح الوكيل 25% يعني 5 آلاف في الشهر من طالب واحد..

أقدر في المكتب انسق له رحلة وتاكسي ياخذه من المطار وسكن عند عائلة او سنقل وأنظم له رحلات سياحية واحجز له تذاكر لحضور مباريات الدوري الانجليزي.. كل هذا عن طريق موقع expidea اللي انا عميل مميز عندهم..

طبعا النسبة الي من المعهد راح تكون غير عن رسوم المكتب من الزبون نفسه، وعليكم الحساب..



ونقدر نوسع عمل المكتب ليكون محل للترجمة المعتمدة والطباعة وكتابة البحوث والمشاريع وبرزنتيشن الجامعات واشياء كثيرة مربحة جدا في ظل ثورة الجامعات وكثرة الطلاب..



اخيرا:


انا عرفت بنفسي في البداية لاني مستعد اعمل في المكتب بنفسي واقوم بكامل الاعمال اللي ذكرتها لاني متواجد في الرياض لوحدي بعيد عن الاهل والمشاغل واعاني من فراغ كبير لان محاضراتي قليلة في الجامعة..


فمن اعجبته الفكرة و لديه السيولة والرغبة في تبني المشروع اتمنى ان يواصلني والله يرزقنا وياكم المال الحلال... اشوفكم على خير

أول سؤال كم راس المال المطلوب وهل عندك دراسة جدوى لمشروعك؟؟؟

هي لا زالت فكرة ومتى ما وجدت الراغب في مشاركتي راح اعمل دراسة جدوى مفصلة ودقيقة لكني لم افكر فيها طالما أن الشريك الداعم غير متوفر.. وشكرا


رأس المال بالضبط ما أقدر أحدده لكن اذا كان مبدئيا مجرد [ مكتب ] فما أعتقد أن متطلبات المكتب كبيرة مقارنة ببقية المشاريع المحتاجة بمعدات وادوات مكلفة،، وأي سؤال ثاني انا حاضر يالغالي

المشروع مبدائياً جيد ..

بس سو لك دراسة جدوى والدعم موجود إن شاء الله

وانا اتوقع ما يكلف أكثر من 50 الف ..

ماادري بس أعتقد لازم تدرس السوق قبل وتشوف هل فيه
احد سبقك في هذه الفكرة وايضا اذا كنت تبحث عن ممول
لازم يكون عندك دراسة جدوى ولازم يكون عندك فكرة كاملة عن البداية
وعن المطلوب من الشريك

تحتاج تعرف عدة أمور :

1- هل هي نظامية .

2- هل تحتاج تصاريح من الدوائر الحكومية والبلديات وخصوصا وزارة التعليم العالي .

3- هل السوق له منافسة .

4- هل هي الطريقة الوحيدة للحصول ع قبول حيث أصبح الطلاب الأن لايثقون بالمكاتب ويفضلون مراسلتهم دايركت .


أشيااااء كثيرة ينغبي أن يتشعب عقلك للتفكير بها


تبي رأيي أنت أنسان المستقبل أمامك المفروض تبدأ من الصفر ولتعلم الطريقة راسلني عبر الخاص والله يرزقنا وأنت

الف شكر لكم يالغالين ومثلكم ما نستغني عن مشورته وتوجيهه وان شاء الله راح اعمل دراسة جدوى للمشروع واتمنى منكم ان تذكروني وتذكرون مشروعي عند كل من لديه سيولة ويحتاج الى فكرة مشروع،، وفقكم الله ورزقنا وياكم المال الحلال




اخوي محب الجغرافيا..

راسلتك خاص مرتين وما لها أثر.. ما ادري هل وصلتك ولا لا يالغالي

تم الرد

مشاء الله تبارك الله