بسم الله الرحمن الرحيم


تحية طيبة للجميع


الموضوع كما هو واضح فكرة فتح محل تموينات في حي ناشئ ومحتاج لمحل تموينات انا حسب نظرتي المتواضعة أن التموينات يبيلها تقريبا :

1- تستاجر محل يكلفك 20 الف بالسنة

2- تسوي لوحة ورفوف وتكييف وثلاجتين وفريزر يكلفك تقرييبا 8 الأف

3- يجونك حقين الحلويات والمخابز والالأبان والمثلجات والكماليات والزيوت ويعبون محلك وتبدأ تبيع مفرق.

4- تطلع لك عامل ع المحل أو عاملين

5- تقعد بالمحل بنفسك بالبداية مدذة شهر شهرين


هذي الأشياااء وش رأيكم بهذي الفكرة مع أن دخل البقالة شهريا حسب اعتقادي الشخصي 5الأف صافي ربح فلو قلنا 5*12=60 الف - 20 حق الأيجار =40 الف /12= 4 الأف أو 3500 ريال مهي بشينة ولو تفتح بقالة ثانية يصير دخلك شهريا 8 الأف


هل تنصحون بهذا الشي وهل خطوات فتح محل تموينات مثل ماذكرت أو في شي مستخبأ - ع قولة أخوان المصريين- ووش مقومات نجاح المحل أو فشله


ولمن يرغب بالموقع أنا تحت الخدمة يرسل لي رسالة خاصة ويبشر مو بموقع بموااقع

والله ولي التوفييييق شوركم مانستغني

احب ارفع موضوعك اخوي


لان حتى انا ناوي افتح بقاله او ميني ماركت


وحابب اشوف ردود اصحاب الخبره بالموضوع

الله يوفقك

احسن مافي التموينات انها على التصريف راس مالك هو إنشاء المحل بس و الاسعار ثابته و معروفه ماتتعب راسك بالمنافسه مشكلتها الوحيد انها تحتاج متفرررغ يمسكها بنفسه لا يروح حلاله عليه وبعدين اذا تقول ان الحي جديد ليه ما تحط زاوية خضار و فواكه و زد نسبة الربح

وفقك الله يالغالي والله يبارك لك.

هلا والله ب محب الجغرافيا
المهم وش صار مشروع الخضره بشرنا

ممتاز طيب ياخوان ليش اجلس فيها
العماله متى بتجي...؟
كم يبي لي عشان تجي
وبرضه اشغل فيها عماله وانا امر عليهم وفيه وفواتير وكل شي

انا بعد شجعتوني اسويها

اما 5 الاف شهري فقط !

اتوقع اكثر اذا فيه شغل عليها

والله انا اشوف دخل التموينات على حسب موقعك مو شرط خمسالالف بس مشروع ناحج مره يحتاج توفيرجميع المواد الغدائيه من كل صنف اقل شي ثلاث انواع اما شي تكون التموينات فل والمبلغ المتوقع للتموينات من 60 الف وطالع واتمنى لكم التوفيق

باختصار
البقالة مربحة لمن يشتغل فيها بنفسه

الموقع عندي ومستعد اجهزه لكم فتحتين من اراد عليه مراسلتي