بسم الله
والسلام عليكم ورحمة الله


اخواني انا والحمد لله ناوي افتح بقاله او ميني ماركت في عمارة الوالد


طبعا راح استاجره منه يعني راح يكون فيه عقد اجار


ثانيا ابغى من اهل الخبره معلومات كيف افتح البقاله والاجرائات

وثالثا هل تنصحوني بالمشروع

وارائكم ومشورتكم من اصغر التفاصيل الى اكبرها

ومن هم افضل عماله للشغله هذي

ووووووو ابي كل شي رعاكم الله

بعض الاسئلة اتمنى اجد لها اجوبه ايضاً


كيف اتعامل مع المندوبين حتى جيبو الاغراض لحد البقالة وهل الافضل اتعامل مع مندوبين او مع محلات الجمله ؟؟

كيف اعرف نهاية الشهر انا كسبان او خسران وكيف اطلع الربح ؟؟

اجيب صندوق حق الفلوس ولا مايحتاج ؟؟

كيف احسب يعني اشتري كراتين والحبة بالسعر الفلاني كيف احدد السعر للحبه اوك الببسي نعرف سعره لكن انا اتكلم عن سلع كثير كيف اعرف اسواقها بالسوق بالضبط حتى ابيع من دون زياده بالاسعار

اسعد الله صباحك اخي محمد
واسال الله لك ولجميع الاخوة والاخوات التوفيق والنجاح
من كلامك يبدو ان معلوماتك قليله جداً في هالمجال
لذلك لابد من دراسة الامر بكامل التفاصيل قبل البداية
لم افتح محل من قبل ولكن عندي بعض المعلومات
بخصوص الاسعار والارباح لابد من مراجعة الفواتير بواسطة محاسب
ويمكن التعاقد مع اي محاسب بمبلغ بسيط شهري لمتابعة الفواتير
او يكون عندك خبرة في برنامج الاكسل
بخصوص الثلاجات تاخذها طال عمرك من الشركات ببلاش
من بيبسي والمراعي والصافي وشركات العصائر
لا وازيدك من الشعر بيت
اصحاب البقالات ياخذون اجار من الشركات على حسب حجم الثلاجه
هذا بعد ما يكون المحل يسحب بضاع يومياً او كل يومين
وبامانه العلاقات مع موزعي الشركات له دور كبير
وكذلك علاقة العامل مع الموزع لها دور ايضاً
من المشاكل المتوقع ان تواجهها حرب الموزعين
اذا شافو سعودي يبيع لا يتعاونون معه وهذا قبل التصحيح
حتى يقوم بتأجير المحل على العمال ويلعبون لعبتهم
حصلت كثير
اتمنى ان اكون افدتك بعض الشي
ارجوا قبل ان تبدأ في تنفيذ اي قرار
ان تستشير وتدور على المحلات وتسأل وتسجل معلومات اكثر
وبعد ان تقرر البدء
تصلي صلاة الاستخارة فضلها عظيم
قد تسعى في امر والخير في غيره
وتقبل تحياتي

العمال ثم العمال ثم العمال
والمشروع ناجح 100%

لك رسالة ع الخاص

لكم كل الشكر واتمنى اهل الخبره افادتنا ايضا

الشباب ما قصرو لكن نطمع للاكثر

جزاكم الله كل خير

اذا فاضي خذ لك دوره محاسب في احد التموينات منها تكسب خبره وهذي لكل راغب في فتح نشاط فنظام السعودة هو نظام تعليمي للشباب الراغب في التجاره ان يتعلم من السابقين كيفية فتح انشطه تجاريه جديده على اسس علميه مدروسه

انصحك بالعماله الهنديه ...والله اعلم

مشكور اخوي وتقريبا هذا اللي راح يصير ارى اكثر من موضوع ارى فيه النصح على العماله الهنديه

يمكن البقاله أقوى نشاط تجاري لكن فيها مشاكل مثل الموقع - السرقات - نوعيه البضائع - حجم البقاله نفسها وغيرها بس الى الان أكبر شئ راح تواججه الموزعين ما راح يبيعك أو يبيع بسعر غالي لو شافك سعودي ناس تقول حط عامل في الواجهه طبعا بتدخل في مشكله ثانيه يمكن العامل يسرقك يمكن يخسرك بالعنيه ويقولك بعدين أنا أصير شريك أو يجيب أحد من ربعهم يقول أنا سوي بقاله مزبوط وكذا وكله فلم هندي عليك....الله يوفق الكل ومانوقل ألا حسبنا الله على المسؤولين