فضفضه

ستفرج باذن الله · #1 (**permalink**) 25-11-2013, 04:15 PM

السلام عليكم ورحمه الله

ابدخل ع طول .....

محدثتكم طموحه لأبعد حد مخي يخطط ماشاء الله طول الوقت يخطط بمشاريع وافكار نصها فاشله ومكرره وبعضها يجي منها والاقي اعجاب من الناس لكن كلها مع وقف التنفيذ ما بدأت بشي يمكن من سنين ومخيخي يخطط ويهندس و المستقبل يناظرني وميت من الضحك جالس يمصخرني فقرانه وحالتي الماديه زيرو وليا وجهه افكر ... وجمعت افكار كثيره بس مدري فين بودي هالكم الهائل من الافكار حرام ما استفيد من عبقريتي حرام الفقر يهدمني ويقضي على احلامي ..

الفقر لحس مخي وحسسني اني زي بيت الوقف لا انفع ولا يستنفع مني هيا نفس الشي
المهم صرت اتخيل واحلم كثير ان عندي فلوس لدرجه من كثر ما اتخيل اني غنيه صدقتني و احسني عشت الدور مزبوط وابغى اشتري كل شي فخم معد يعجبني شي والمصيبه ان حالتي ربي عالم فيها وارجع لا اشتري ولا انبسط كل شي غالي وانا اللي معايا شي يكسف ..

قالو ابشري جاك حافز وانا من فرحتي انهبلت قلت الفين والله شي طيب وقدمت وكشرتي مفروده وانتظر وانتظر وانتظر والله وكيلكم اختفت ضروسي و راحت كشرتي سنتين اطرد وراهم ما عطوني شي كاتبين اني خارج السعوده اه بس بالله لو اني بره عايشه عبرتهمم والا دورت عليهم وش هالعقول المفحطه .. واتصل ميه مره اشكيلهم الحال ومن اعتراض لاعتراض والحاله هي الحاله ما تغير شي كل شي نفس الشي .. وعرفت ان حالتي مطوله معاهم وبدون نتيجه ..

ورجعت افكر و افكر فالوظيفه وارمي ملفي عند كل العربان ولا احد عبرني كل شي بواسطه وانا واسطتي اعظم ربي وربهم قادر على كل شي وصامده الحمدلله وانتظر الفرج .. قلت يابنت فكري كيف تسوي مشروع وتربحين من وراه واخطط وادور وارسم والون والمشكله فقرانه ههههههههه بس ماعليه رغم قسوه الظروف ومراره الديون بسويلي مشروع اهندس فيه على مزاجي ..

وسبحان الله ليومكم هذا لا مشروع ولا وظيفه ولا حافز والحمدلله لازلت ادور على الثلاثه وما يئست للان ..

بس عندي سؤال اللي زي حالتي كيف يمشي حياته يعني ساعات ما اخرج انحبس فالبيت واقاطع البشر كله لانو ما املك شي اتفشل من نفسي .. في احد مثلي ...

وشكرا لكم على اتاحه الفرصه للبوح بما في داخلي ,,,