السلام عليكم ورحمة الله وبركاته
.

أخواني وأخواتي عندي موضوع حساس شويه و ماعليش تحملوني وصراحتي

ندش بالموضوع<~ تغيرت اللهجه

الحين حنا نشوف العاطلين والعاطلات وش كثرهم ويتمنون التعيين اليوم قبل باكر ربي يوفقهم لكل خير..

السؤال بكره اذا تزوجتوا وانجبتوا عيال وين بتودونهم خاصة انه بهالوقت صار فيه خوف
من الخادمات ماعاد الواحد يطمن على عياله بعد المصايب اللي نقرأها ونسمعها
.
السؤال
كيف تقدر/ين التوفيق بين شغلك وشغل زوجتك والعكس وبين رعاية الأبناء
هل الوالدين لهم القدره ع تحمل الأبناء طيلة فترات عملكم
هل بتكون راحتكم واطمئنانكم على حساب راحت اهلكم
هل تتوقع انه بيكون هالامر سبب للمشاكل بين الزوجين
هل تفضل زوجتك غير عامله حرصاً منك على راحتك وحياتك الزوجيه
.
ايش الحلول بنظركم ..
.
بالاخير اتمنى مااحد يزعل من صراحتي بطرح هالموضوع لإنه ماصدر الا من
مشاهدات ومواقف اشوفها ..
.

العنوآن للفت الأنظـــــار
* قبل الرد ارجو العد من 1_10 *

__________________
"لله دُر أمي إذا ابتسمت
تهادت جروح قلبي والتئمت"

وعلييكم السلااام ورحمة الله وبركاته

سأكتب ردي بعد العد إلى 20 احم احم جنت على نفسها حجابي

ههه امممزح والله ياوخيتي ياحجووبة بالنسبة لي شخصيا كمعلمة مستقبلية في بالي خطط ودراسات <<متعوب عليها

بس الحين في حضانات وفيه روضات ومدارس محد مجبر يتحمل عيال أحد يعني اللي عيالهم بالمدارس والروضات

محلوله أمورهم والصغار يحطونهم بالحضانات ولا وحدة ثققة بمبلغ شهري والحمدلله -مع أن أمي الله يخليها لي تقول مووو بكييفتس تحطين وليدي عند أحد وأنا موجوودة الله يخليها لي يااارب-أنا والماما نولم العصابة قبل الفلقه هههههه

المشكلة الحين الدنيا كللل

شيء غااالي والأطفال متطلبييين بصراحة أحس الزووجة مضطرة تشتغل تشيل نفسها عالأقل هذا غير أن العمل

شيء جمييييل ومحبب بالنسبة للبعض وأنا منهم وتحس فيه بكياانها وتشووف الناس بدال ماهي منحجرة بين أربع جدران

لا أنيس ولا ونيس وبالنسبة للبيت ماراح نقصر فيه إن شاء الله بالنسبة لي 2قريباتي موظفات وماشاء الله

تباارك الرحمن حياتهم ماشية بنظاااام ومضبطين أمورهم غير عننا صراحة ذبحنا السهر وذبحنا مقابل الجدران

وبعدين البعض دوام زوجها شفتات يعني بتلاقي أوقاات للبيت مو وقت واحد

اييه وبث ياحجوبتنا إن ذكرت شيء نطيت لتس فيذا

وأنا من الناس اللي تزوجت وكملت كانت حياتي غيييير أعششق الحياة العملية والتعامل مع الناس الثانية

انصدمت بواقع البطاالة بيني وبينك صرت (نفسية) حتى يدعون لي بالوظيفة عشان انشغل شوي لكن نقوول يااارب ^_^

وعليكم السلام


فعلآ مثل ماذكرتي الموضوع حساااااااس جــــــــــدا جـــــــــــــدا وبعد جـــــــــــــدا

الله يخرجناااا

ولكن بوجهة نظرى وببلدي الفصيح الحرمه تنطق بلبيت بلا شغل بلا وجع قلب


تدرس + تتسالى بمعاهد + تروح نادى نسائي

ترفه عن نفسها ساعتين ثلاث ما يخالف

اما شغل ثمان ساعات ولا تدوم بمناطق بعيده ولا ترجع لبيتها الا بعد أسبوع ولا شهر

هذه كارثه !!


الزوج كل الى يتمناه زوجه تهتم فيه وفي أطفاله يأكل من شغل يدها وطبخها تهتم ببيتها ترتبه

وتضبطه من غير ما تهمل نفسها


اما الزوجه الموظفه أكيد راح تكون زوجه مهمله في أشياء كثيره على حسب ظروف عملها

وفي النهايه كل زوج مسؤول عن أسرته هو أدرى بمصلحتهم

من الواقع اللي أشوفه
على حسب رأي الزوج
وحسب ظروفهم المادية
الوظيفة كما أنها لها ايجابيات
لها مضار خصوصا لا صاروا مو متفاهمين

لكن بالوظيفة تتغير الزوجة تعاملا وأخلاقآ
بيئة العمل يعطيها
والخلطة بالناس بخلاف اللي قاعده بالبيت
والراتب اللحين المصاريف كثرت وكل شي يبي
مصاريف الزوجة والأولاد وإذا يبون بيت ملك
والمدارس وكل شيء يحتاج
فعشان يوفرون حياة كريمة لهم ولعيالهم
لازم الزوجه تضحي وتشتغل ويساعدها ويراعيها زوجها
خصوصا لا صار دخل الزوج قليل وما يقدر ع كل شيء

الله يرزقنا ويبارك لنا

وعليكم السلام
مافى غير حل واحد لايجيبون بزارين الابعد التقاعد

تسلميين حجوبة على هالدعواات إيه لازم كلما دعيت أجمع الخيرة مع دعائي إن كان فيها خير

ربي يكتبها ويعجل بها وإن كان فيها شر فالله يبعدها عني ويصرفني عنها والله يكتب الخير للجميع ياارب ^_^

والنفسية أحيانا غصب *_* بس أتحاشاها قد ما أقدر ههههه.