يا اخوان ارجو المساعدة الله لا يهينكم
قدمت على مساعدة الدعم التكميلي في شهر 1434/6 ومن فترة طويلة والحالة مراجع والحين دخلت استعلم عن الطلب حصلته غير مشمول بالبرنامج ، ولا حصلت الطلب موجود يعني انا استلمت قبل كذا مرتين وعند كل وحده مكتوب مسقط ، وين راح الطلب الاخير.
مع العلم اني سجلت في التامينات في ذا الشهر ، لكن ما ادري وش السالفه. لو مرفوض راح احصل مكتوب عنده مرفوض .
طمنوني الله يعطيكم العافية

الله يهديك ماتعرف انهم سباقين للشر

اكيد التأمينات ارسلت للضمان وتم اسقاطك

شوف حالة الضمان والتاريخ المتوقع وشوف الاستفسار عن المساعده هل الطلب الاخير ماهو موجود نهائيا فقط الموجود المساعدتين التى انت استلمتها قبل كذا
يااخى معروف ان الذى يزيد راتبه عن 1725 على طول يسقط اكترونيا الله يستر بس

لا ان شاء الله خير لاتخاف

المشكلة وانا اخوك ما حصلت الطلب بالمره , يعني ولا كاني قدمت اصلاً .
لكن ما أقول الا الله يعوض خير
لكني باقي متفائل لعل وعسى .

ثق تماما اذا لك نصيب فيها والله ماتروح والله انا مستغرب المفروض مايشيلون الطلب اذا فيه ملاحظه يكتبون مرفوض حسبى الله ونعم الوكيل

انا من شهر 4 العام الماضي قدمت على الدعم التكميلي ولا زالت الحالة الى يومك هذا مراجع !!

انا قدمت من سنه له مراجع
الحين المساعده المستثناه غير مشمول ..
سب الاسقاط اكتشفو اني دخلت تامينات قبل شهر وقسسم تحطمت سنه مانزلو شي سجلت تامينات لا وراتب 3000 اسقطوني

انا ما كنت با سجل في التامينات لكن تطمينات الاخ حاكم ضميري خلتني اسجل آثر الرجال ما عنده خلفيه قويه عن امور الضمان والتامينات ) لكن في ذمته هو سبب حرماني من المساعده ) رجاءً لا احد يزعل من كلامي . كل واحد يحط نفسه مكاني ويشوف كيف التحطيم . كنت مستنيها بفارغ الصبر اقلها لتسديد دين الشقه.
والله حرام عليهم لكن ما نقول الا حسبي الله ونعم الوكيل . وحسبي الله ونعم الوكيل فيمن كان سبب حرماني من المساعده ، والله اني ادعي في صلاتي في الليل والنهار على من كان السبب . يا الله
حاسدينا على سبعة الف لا ومنتظرين حول السنه . لكن الله حسيبهم .

يا خي مر على الصرافه يمكن نزلوها لك و أنت ما تدري , و لعلمك انا معي صرافة الضمان من 6 أشهر و سجلت في التأمينات من شهرين و الحمد لله إلى هالحين يمشي الضمان