السلام عليكم

كيفكم حبايبي اخواني انا باخذ قرض من بنك الراجحي تقريبا 80 الف ريال

وبفصل من عملي وبطلع اكمل دراسة في امريكا

ولا رجعت ان شاء الله بسدد البنك ماني بشارد عنه

ماهيا المعوقات ؟

ماهيا الاضرار؟

هل قبل احد سواها ؟

ايش تنصحني ؟

بالنسبه للتكلفه مصاريف وغيره مادري تكفي الفلوس او لا

اما بالنسبه للقرض ماهي بالسهوله هاذي

تغير الوضع اﻻن
اللي مايسدد يرفع لسما

ويوقف عنه جميع الخدمات الحكوميه

افرض انك بالخارج ماراح ترجع الين تسدد بعدين تدخل السعوديه

لاتورط نفسك وبعدين نصيحه شوف لك كليه وتخصص زين وادخل فيه هنا ابرك لك من امريكا

غربه وتعب وغير كذا صاروا يدورون أي حجه على السعودي عشان يسجنونه


ناس كثير راحوا ودرسوا بامريكا ورجعوا مالقوا وظايف !! وطلعوا ببرنامج الثامنه بعد مع داوود الشريان يشتكون


اقعد عند اهلك وبديرتك افضل لك وفك نفسك من المشاكل هذي

ونفس هالكلام قلته لاخوي لما قال يبي يسافر يدرس بامريكا

الله يوفقك

اول شي التوفيق من الله وشوف هل العمل هذا يرضي الله والا لا ؟. ونصيحتي لك ادرس عند اهلك اسلم لدينك وانت ما تضمن تعيش والا لا

اخوي انا رحت بعثة وكان عندي قرض, وما سددت البنك, اللي حصل:
المبلغ كامل مستحق بعد ثلاث شهور من عدم السداد ( يعني ماعاد يقبلون منك تقسط لازم كاش كل المبلغ)
تسجيل في سما وفي حالة السداد ينزل اسمك وتضل الملاحظة عليك في سجلك الائتماني.

لكن ليس هناك علاقة بن الدوائر الحكومية والبنك يعني جددت الجواز والهوية واجي السعودية كل اجازة ماحوولك احد.
لكن معقبين البنك طفشوني بالاتصالات انا واهلي

بعد مارجعت سددتهم كامل المبلغ, ولا بنك وافق يقرضني الا بنك البلاد

نصيحتي لك يا اخوك لا تطلع ولو تبي تكمل دراستك كملها عند اهلك يكفي الراحه النفسيه ..

وبعدين الرزق على الله .. هاذا انا خلصت ثانوي وليلي بعد والحمدلله موظف حكومي الان .. واخوي الاكبر مني باقي يدرس اعلام في الجامعه وما يدري اذا خلص يقلاء وظيفه او لا ..

رزقك على الله والعمر تعيشه مره اجلس عند اميتمك احسسن لك نصصيحه

نصيحه اخ
اصلا حتى لو سحبت القرض وفصلت البنك يسوى عليك تعقيب الى هي ما تقدر تطلع برا
وثاني شي اذا تقدر تسحب قرض ياخي سوي لك مشروع بحيث لك دخل ثاني وبعد ما تسدد البنك اسحب على ابو الوضيفه
وبعدها افتح المشروع الثاني وبعدها ادخر دراهمك لين تجمعها واطلع برا وكمل

أخوي الغالي تكفي اذا انت موظف وظيفه كويسه لا تنقم عيشتك وتطلع لأسباب

الاول عدد المبتعثين خارج السعوديه تجاوز 100 الف ممكن تقول تخصصاتهم تختلف اقول اوكي بس انت الان تتكلم بعد 8 سنوات ابتعاث واكيد المجال اللي راح تدخله وتتخرج منه بعد خمس سنوات يكون مليان.

انا بالجبيل وأحد اصحابي طلع امريكا بعد التخرج من الكليه ورجع ومعاه بكالوريس في البوليمارات والله الحين في شركة بالصناعيه الثانيه بالدمام ولا احد من الشركات الكبيرة قبلته


الله يوفقك واستخير وبعدين ما عاد فيه نظام اسحب علي البنك لانه راح يقفل عليك كل شي تسجيل مواليد ممكن بعد جوازات وغيرها وغيرها البنك ما راح يغفل عن حقه ومؤسسة النقد وفرت له كل شي.

لا تستعجل واتخذ قرارك بتأني

اخوي انصحك نصيحة اترك عنك الابتعاث وغيره وانت الحين موظف وغيرك معاه بكالوريوس وداج ويدور وظيفة

اذا تظمن بعد الابتعاث تتوظف وظيفة تستاهل خلاص روح اما اذا على عماها مايصير ، وادرس في الجامعات

اللي في السعودية واختر افضل الجامعات واذا ماتقدر ادرس في الجامعة اللي قريبة من مدينتك .

وبكذا تاخذ شهادة احسن من الثانوية ، وتشوف لك وظيفه غير الوظيفة اللي انت فيها واحسن منها

وانت شوف اللي يجوز لك واختاره ، وموفق خير يارب ، بس فكر مليون مره قبل لاتقرر لجل ترتاح لما تختار القرار .