15-07-2008, 09:50 PM
|
|
Guest
|
|
تاريخ التسجيل: Jul 2008
المشاركات: 40
معدل تقييم المستوى: 0
|
|
|
شاعرالمليون
هذه قصيده لعبدالله بن ثامر الشهراني اتمنى ان تحوز على رضاكم
كذب علينا شاعـر المليـون كذبـة ولايمكـن نصدقـهـا
العام نرضى والعرب يرضون وبو فطيس يستاهل بيارقهـا
وهذي السنة لا والله يعقبـون زمـرة وياماأكثـر منافقـهـا
في ظنهم هاالناس مايـدرون عن كذبة(ن) بانـت حقايقهـا
تصويت وغش وشي ماله لون وحكـام مانعـرف طرايقهـا
ياناس منهو صدقـه مغبـون وكبده من الأصوات محرقهـا
برنامج (ن) كنا نحسبه عون وحامي القصايد صار سارقها
عود علينا وانقلـب فرعـون وسفينـة الشعـار مغرقـهـا
ياهيه ياللي بالشعـر توحـون اخذوا الحـذر ممـن يلفقهـا
ماتجتمع ياأهل الشعر تكفـون شاعر كبير ولجنة(ن) صقهـا
وباالهون ياشعارنـا باالهـون ياابن الوطن عزتـك وثقهـا
غسل يديك وكثـر الصابـون راية فشل ماانتـب محققهـا
أنت السعودي وحقنا مصيون والرايـه العظمـى نعلقـهـا
ماتنتكس لو كان مهما يكـون فيهـا الشهـادة دوم تبرقهـا
ياأهل القلوب الحاقدة تبطـون المملكة ماأحـد(ن) بلاحقهـا
وياراكب(ن) ناقة تجر لحـون هون علـى نفسـك وروقهـا
أنت البطل ياسيفنا المسنـون ياشاعـر القمـة وعاشقهـا
تستاهل الناموس لو يرغـون سق همتـك للطايلـة سقهـا
لو كثر حسادك ولـو يحكـون هروجهـم طالبـك طلقـهـا
تكفى ياناصر عقل المجنـون جمع شتـات القـوم وفرقهـا
للشك عين ولليقيـن عيـون والنـاس ماتامـن بوايقـهـا
وياالله يامدور رحـاة الكـون يامجـري الدنيـا وخالقـهـا
إرحم عبيدك في نهار الهـون ورقابنا مـن نـارك إعتقهـا
وأنصر شفيع الأمة المامـون أطهر وجيه الأرض وأشرقهـا
واللي يسبه من بني صهيـون ديـارهـم يــاالله مزقـهـا
وصلى الله وسلم عليه مليون يامغـرب الدنيـا ومشرقهـا
التعديل الأخير تم بواسطة البرفسور ; 15-07-2008 الساعة 10:01 PM
سبب آخر: ؟
|
العرض العادي
