السلام عليكم ورحمة الله وبركاته
كيفكم ياشباب ان شاء الله طيبين
هذا اول موضوع لي في هذا الصرح الجميل اسال الله العلي القدير ان يبارك في صاحب هذا الموقع
ويوسع له ابواب الرزق وللقائمين عليه
والاعضاء في هذا المنتدى وان يجعل هذا الاجتماع لنا في طاعة الله ورسوله الكريم صلى الله عليه وسلم
وان تجمعنا الاخوه الصادقه وان يجمعنا الله بكم في جنات عدن على سرر متقابلين
المهم يا اخوان ان شاءالله نويت افتح محل يكون مصدر رزق لي ولبناتي واسال الله ان يوفقني واياكم لما فيه الخير
فعندي استفساربسيط
ان شاء الله بافتح محل ابيع فيه تمور وسمن بلدي وعسل وبن وهيل وشاي وشغلات بسيطه
يعني مطاحن ومحامص للقهوه والمحل راح يكون صغير بحدود 4*5
لكن ماادري يااخوان وش الشروط لفتح مثل هذا المحل لازم سجل تجاري ولا عادي من دون سجل تجاري
ومن فين اقدر اوفر المحمصه والمطحنه وافضل انواع البن والهيل من وين اجيبها للعلم انا في جده حاليا والمشروع راح يكون في محافظه صغيره
ولايوجد فيها مثل هذا المشروع واهاليها يتكبدون العناء لجلب التمر والقهوه بانواعها
فاتمنى منكم الافاده وشكرا لكم واعذروني اخذت من وقتكم..

سر نجاح المشاريع الصغيره هي أنها توجد حلول وتوفر جهد
مع أنه من النك نيم واضح نصراوي وانا هلالي وبيني وبينك بننتظر تعلن عن اسم محلك وبنسوي لك مقاطعه
لكن بدلو بدلوي الملكي

بخصوص السجل التجاري أكيد لازم وظروري الا اذا كنت بقرية نائيه ومافيها بلديه ولا دوائر حكوميه
لكن الافضل تمشي بالسليم وايضاً تسأل المحلات القريبه في حال كنت مثل ماقلت بقرية
هل يملكون سجل أو لا

اما باقي الاستفسارات يجي من يفيدك ان شاء الله


بالتوفيق

أخوى أنت متصدر كيف تكلمنا ..؟

بما أنك نصراوي متصدر وانا نصراوي متصدر
راح أجاوبك جواب أصفر وأزرق من ناحية التمر المكنوز ... روح للمصانع التمور ولا تروح للشريطية

والله يوفقك ويرزقك

وبالنهاية حبيت أقولك كلمة واحفظها ولا تنساها


متصدر لا تكلمني

اولا اهنيك ع البداية

وثانيا اسمعني وافهم مني

مشروعك يعتبر من المشاريع الصغيرة ولازم تاخذ فكرة كاملة عنه قبل تدفع ريال من جيبك


في شيء اسمة دراسة جدوى للمشروع وهو مهم لك كامبتدىء

وتاخذ عليك الشركات شويات عشانه تسويها لذا الافضل تروح للغرفة التجارية تبع محلك او ديرتك اللي انت فيها


يقدمون لك الجدوى مجانا وفوقها حبة خشم .... طبعا اذا انت راعي علاقات واجتماعي تطلب منهم يواصلونك مع لجان كل لجنة تختص بمشروع مثل مشروع مخبز مطحنة وهكذا


هنا وبعد ماتخلص يكون مشروعك انبى على الورق طوبة طوبة بدء من لوحة المحل والمصاريف قبل التشغيل الى يوم الافتتاح واستقبال الزبون

ساعتها تروح تنفذ وانت متوكل على الله وقد اتخذت كل اسباب التوفيق وحصر المخاطر


وبالتوفيق

اشكر من كل قلبي كل من رد على الموضوع

واسال الله لي ولكم التوفيق يارب

ربي يسعدكم وبخصوص النك نيم اكيد نصراوي

ولكن ماخليت ولااسم حتى سجلته ماقبل معايه والحمدلله قبل بهذا النك هههههههههههه

يانصراوي

السجل ضروري وافضل لك ماراح يكلفك
اما بالنسبه لمشروعك فهو ممتاز اذا عرفت تشغله مظبوط
بالنسبه لجمله التمور تحصلها بالبلد وايضا البن والهيل
اذابغيت تجيب بن وهيل فاﻻزم انك تنوع على حسب رغبه الزبون
ممكن انك تسال المحﻻت وش افضل شي يمشي واشتريه من محل ثاني
واخير ...... الله يوفقك ويفتح لك ابواب الرزق

بارك الله فيك اخي المعلوي نايف
طيب الان ببدا ان شاء الله وماستغني عن دعواتكم لي
لكن الان من وين ابدا بالتحديد هل استاجر المحل واخذ رخصه من البلديه
وهل ممكن اطلع السجل من الانترنت ولا بس الخدمه لاهل الرياض
سامحوني اسئلتي كثيره

اهلا بالمتصدر العالمي ..

بخصوص التمر اذا كان عندك وقت تروح للمدينة المنورة لان مصانع و مزارع التمور كلها هناك
طبعا فيه بجدة مصانع وكذا لكن الاكثر في المدينة ايضا انواع القهوة والشعير موجود بالمدينة
انا مااعرف مواقعهم في جدة لكن سبق اني اشتريت من المدينة كمية ليست كبيرة

القهوة شف مصنع هراري و مصنع لقمتي في جدة كلهم اعتقد بس مااعرف مكانهم

بالتوفيق لك في مشروعك
و بالتوفيق للعالمي ايضا

يسعدك ربي مشكور على الافاده
وبإذن الله ربي يوفقني وياك
وفال العالمي كاس الدوري