السلام عليكم


ياشباب المقاولات ارباحها عاليه مثل ماسمع خاصه العظم

ياليت الاخوان الي عندهم خبره يعطونا السلبيات والا يجابيات عن العظم والتشطيب

وياليت يعطونا المشاكل الي تكون على الارض

والعماله الافضل

هل العظم يخوف من الدخول فيه

وهل العظم لو فيه مشاكل بعد الانتهاء منه يتحمله مؤسسة المقاولات او المكتب الهندسي المشرف من قبل صاحب العماره


من الي اكثر فايده التشطيب والا العظم

وش افضل جنسيه استقدم منها مهندس مدني يشرف على المؤسسه خاصه بالعضم

وش افضل جنسيه تشتغل بالعضم المعروف عندنا المصررين هل فيه جنسيه لان المصري قرقه واجد ويتعبك

ياليت اي واحد عنده خبره مايبخل علينا لان هالمجال قليل السعودي الي يشتغل فيه


وشكراا

اسعد الله صباحك اخي الكريم
بخصوص المقاولات في الفترة الحاليه فيها خير كثير باذن الله
ومن خلال تجربتي البسيطه في المقاولات
وجدت ان العماله الهنديه افضل جنسيه
عمل باحتراف صحيح انه بطئ نوعً ما ولكنه عمل مميز
اما ايهما افضل العظم ام التشطيب
العظم اسهل لانه واضح وعمله متواصل وغيرمنقطع مثل تاسيس الكهرباء والسباكه ثم التركيب بعد فترة قد تطول
ولكل مجال اهله
لكن وجدت سابقاً موسسات متخصصه في التلييس فقط وعليه شغل كبير ما شاء الله
لذلك انصحك بالتخصص في مجال معين حسب ماهو متوفر لديك من عماله
وتقبل تحياتي

اخوي فيكتور بما انك تشتغل الشغله هاذي ابيك تتحملني بكم سؤال

العماله كيف استقدمتها من الهند عن طريق مكتب او انت مسافر وماهي افضل منطقه بالهند تنتج هالعماله وهل طريقة البنا عندهم مثل عندنا والا فيه اختلاف


من الافضل ببدياتي اضع مهندس بالمؤسسه للعظم والا وش رايك

وشكرا

الله يوفقك نفس سؤالك
احتاج اجابه

اخوي انا انصحك بالتشطيب لان العظم الخشبب يتكسر وحالتك بتتبهذل اعرف واحد اشتغل عالعظم وخسر خساير بالخشب واتصحك جبلك كهربائي وملييس ومبلط وريح راسكك وخل ربحك منه ٤٠ بالميه و ٦٠ بالميه للعامل وارتااح

موضوعك رائع ومن اول ابي رأي المختصين فيه

الي سمعته من بحثي مع الاخوان يقولون التشطيب احسن لان العظم مكلف مع الخشب

لكن السؤال كم التكلفة لو فتحت المؤسسة وماهي المتطلبات

ارجو الافادة يالمختصصصين

الخشب على حسب ولاء عمالك لك اذا كانو يريدون خساير للمؤسسه بيلعبون فيه وان كان العكس بيعيش معاك سنين

لكن انا اسئل اخوي عن المشاكل الي داخل الشغل

كلام الاخوان صحيح
مشكلة العظم الخشب وتكسيرة
اما العمال عندي عمال من الهند من منطقه كيرلا
اغلبهم مسلمين ومطيعين جداً خاصه لمن يكرمهم ويكون معهم على طول
ومبدعين جداً في مجال التلييس والبلاط وكذلك العظم
لكن في التلييس والبلاط افضل
وشي مهم جداً عندما تاخذ مشاريع بمبالغ كبيرة وتعطيهم الفتات لن يخلصوا للعمل
اما كيف تحضرهم
تاخذ التاشيرات من مكتب العمل
وترسلها لمكنب في كيرلا
او تسافر منطقتهم جداً رائعه
لم اسافر لها ولكن كثير شباب زاروها ويمدحونها
وانا شاهدت صورها في النت شي رائع جداً
وتختبر العمال وتاخذ صور جوازاتهم وتنهي امورهم
وترجع بالسلامه باذن الله
وهناك طريقة اخرى تعطي التاشيرات لعامل تثق به من هناك ويحضر العمال على مسئوليته
وتقبلوا تحياتي

مشكور اخوي فيكتور وياليت الاخوان الي عندهم خبره يفيدونا

موفق خير يالغالي كلنا ننتظر الإجابه مثلك

والأخ فيكتور ما قصر.