يا اخواني انا قدمت لامي ارمله وتعول ايتام بالبنك العقاري
تبي قرض بدون ارض وثلاث مرات اسجل ويقولون لي تم ارسال الطلب وسيتم الرد عليك برساله
بس ماجتني لارساله ولا رقم طلب ولاشي من كم شهر
وقريت انه لازم في اثباتات للارمله والمطلقه ترسل لفرع البنك العقاري
مدري هالكلام صدق والا لا ووش هالاثباتات تكفوون جاوبوني وفرحو قلب امي
احاول اتصل على رقمهم المجاني بس يطلع الرقم غلط

حسب مابحثت وقريت عشانك

اتضح لي ان الارمله لازم ترسل اثبات انها العايل الوحيد للايتام
وان الايتام لم يسبق لهم التقديم او الحصول ع قرض


واذا البيانات خطا اللي سجلتوها يحق للبنك الغاء الطلب

والاثباتات لازم تسلم للبنك بمده ستراشهر او اقل

عادي واجد ناس مسجلين ولا جاهم ولا رقم انتظري


ماعليك من اللي يقول لك عن الاثبات


وانا مقدم من عام 1424 ولا جاء اسمي ومنتظر عادي


مالك الا الصبر وانا اخوك

اسمعي لازم تثبين انها تعيلهم تاخذين الاوراق مع الصور الأصل ونسخه
وتروحين اقرب فرع للبنك ..

وتسلمينهم اوراق تثبت انها تعيلهم بعدها يجيكم رد بنفس الموقع تم قبول طلبك او رفضك
والمده المحدده هي 6 اشهر من تاريخ التقديم لازم بالمده تسليمنهم الارواق التي تثبت انها تعيلهم
روحي اقرب فرع بنك عقاري عندكم وسلميهم الاوراق ..

وهذا كلامهم واضح بالموقع .. فعلا قدمت لارمله وما ردو لسى اثاري الموضوع غير الوحده تروح فرع البنك العقاري
بالمنطقه اللي هي فيها وتقدم الاوراق وبعدها البنك يوافق اما سالفته تنتظري ترى غلط روحي البنك وسلميهم اوراق انها تعيل ايتام ...


وهذا الرابط واقري المكتوب بموقعهم .. الشروط الخاصة بالمرأة

لمن لم يسبق لها الزواج أن لا يقل عمرها عن 40 سنة.
المطلقة التي مضى على طلاقها سنتان فأكثر.
الأرملة التي لم تتزوج.
تعول أسرة :
انها العائل الوحيد ولم يسبق لأي ممن تعولهم طلب قرض او الاستفادة من الصندوق.
تقوم ادارة الصندوق بدراسة كل حالة على حدة لإقرار مدى الاستحقاق.

يجب أن تكون المعلومات المدخلة لصاحب الطلب متوافقة مع بياناته في الأحوال المدنية.
جميع الاثباتات الخاصة بالمرأة والأيتام تسلم للصندوق أو أحد فروعه أو ترسل عن طريق البريد السعودي خلال مدة ( ستة أشهر).
للصندوق الحق في إلغاء أي طلب يتم تقديم بياناته بشكل خاطئ.
بعد المراجعة والتأكد من صحة المعلومات يقوم الصندوق بإعطاء المواطن رقم طلب عن طريق ارسال رسالة قصيرة على الهاتف النقال.


https://eservices.redf.gov.sa/Terms.aspx

ربي يوفقك ويفتح عليك باب رزقه يارب

[align=center]أخـوي والله ما عندي خلفيـه عن سؤالك بس حبيت أفيـدك بالرابط الموجود بالأسفـل

المتضمن خـاص بالصندوق التنمية العقــاري وصـاحب الموضوع موظف في نفس صندوق التنميـة العقـاري

أتمنـى تلاقـي الإجـابة بالموضوع


تحيــاتي لك ,,



https://www.btalah.com/t243385.html[/align]