السلام عليكم ، حياكم ربي جميع

بالبادايه انا دخلت المنتدى عشان اكتسب بعض الافكار في المشاريع التجاريه ولكن استغرب من بعض المىاضيع ( اقوىول البعض ) دايم تكون الاجابه عليها بالخاااااااص ، يعني اوكي حلوه الخصوصيه ولكن الكل يبي يستفيد وانا ما كتبت الموضوع الا بعد مرور ايام بدون ما القى فكره كويسه لان اغلب الحلول تكون بشكل خاص

على العموم انا خريج من جامعه كنت مبتعث ورجعت السعوديه ودرست وتخرجت وهذي ثالث سنه عاطل ، اشتغلت بشركه براتب 3 الاف واخذت قرض عليه بمقدار50 الف

صار 1500 قسط للبنك و 1500 مصروف لي ،، والحمدلله مكفينتي ومعاي سيارتي وعايش مع اهلي .. الخ

وابي اشغل ال 50 الف ، عندي الطاقه والحيويه اني اعمل بأي مشروع يكون متطور وبعيد عن اللفلفه ،، انا من سكان محافظه القريات والشمال بالعاده فقيره بكل حاجه سواء مطاعم كماليات ملابس،، كل شيء غير متوفر وبنفس الوقت مستهلك

اعطوني افكار تكون للمبتدىء جميله و غير ممله ،، لاني حاب انا اعمل فيه،،

فكرت بمحل عطور ، او حلويات ،،، ومرات اقول خلني اسوي محل ابو ريالين ،، ف الراي عندكم وبانتظار رايكم الصادق

وعليكم السلام
اخوي فواز

عندي عم رحمة الله عليه كان يقول الرزق محل مزاحم الرجول

شوف في مركز محافظة القريات وش النشاط اللي تشوفه ناقص او محتاج تطوير
واذا الاجارات رخيصه عندكم في الاسواق شوف لك محل ملابس نسائيه وأطفال منوعه من الانواع الرخيصة والا ستوكات من ابو ١٠ ،٢٠،٣٠ ريال
وبالتوفيق ان شاء الله

مشروع المطاعم والكفيهات اذا كان عليه طلب عندكم وغير متوفر
فيه سوق جيد جدا .. لكن للاسف الوسطى عموما العرض اكثر من الطلب

حياك بن هديبان ورحم الله عمك وجعله الجنه ،،

محلات الملابس يبي لها واحد عارف السوق والدنيا ماسحه فيه الارض لين صار فاهم ومتعلم الشغل صح ،، وانا للاسف مبتدىء ولا ابي ادخل كذا بوسط السوق خاصه ان الايجار غالي ،،

انا شفت مدرسه وجنبها عماره فيها محلات غير مستأجره ، مفكر اسوي بها بوفيه ،، ف مدري عن الوضع يمشي الحال او لا وهل الفلوس تكفي الخ

فعلا تيامو ، المطاعم والكفيهات مافيييه ،، ي ابن الحلال حتى مكان للشباب مافيه غير حقات المعسل ، مكان راقي تجلس فيه وتتابع مباراه او تلعب قيم بلاستيشن مافيه بعد ،، عشان كذا انا قاعد اقول كل شيء يمشي هنا

بس ابي مشروع ينفع لواحد مبتدىء ب التجاره ،، وربحه معقول وبنفس المبلغ ،، مع اني احب اكون انا الي ادير المحل

وعليكم السلام ,
فكرة البوفيه مناسبه جداً , لكني غير ملمة بكل الأمور حتى احكم على ميزانيتك تكفي أو لا .
من منظوري القاصر اجدها قليله الشغله تتطلب عامل واغراض وايجار .
, الله يبارك لك فيها ,
-

لو تقدر تضيف عالمبلع تستأجر لك محل صغير "كشك " بوسط السوق عندكم , وتبيع فيه فطائر شاورما وأشياء خفيفة ,
حقيقة أشوف بالسوق عندنا اقبال كبير على مثل هالكشكات .
-
كشك صغير لبيع كفرات جوال , اكسسواريز وخلافه , تشتريها جمله ماتتعدا 5 ريال بالكثير وتبيعها ب 10 ريال . وماراح تتطلب عماله , تقدر تشتغل بنفسك .

-
* في وقت فراغك انشر رقمك لتوصيل الأغراض للمنازل مقابل مادي بسيط فهي إضافه لاباس فيها لك .
-

حياك الله يا الرويلي

الاردن جنبك لو تكد لها على سيارتك اعتقد تحصل خير . بالاضافة لذلك لو تشوف البضاعه اللي ماشي سوقها عندك بالمحافظة وتروح الاردن وتشتريها جملة وتبيعها مفرق بالقريات .

الله يوفقك

وعليكم السلام ورحمة الله وبركاته

أخوي فواز وش رأيك تشيل فكرة المحلات من رأسك , وتفكر بمشروع الغنم ( يفضل نعيمي ) وبما أنك من أهل من الشمال ياليت تقول لي كم أسعار الذبايح عندكم هناك ( النعيمي الطيب )

وبعدها أعلمك إذا تنفع تجارة أو لا ( لأن عندنا اسعارهن بين الـ 1000 والـ 1050 ريال
إذا عندكم اسعارهن بين 800 والـ 900 نقول إن شاء الله انه مشروع ناجح

علما بأن الدينا تشيل 40 رأس

وبالتوفيق لك

الغنم فيها مرابح ممتاز
لكن يبي لها خبره
والمشكله امراضها كثيره لوماتت واحده اخذت اﻻرباح حقت الشهر كامل
فاانا اقترح عليك فالبدايه تشتغل في اشياء غير مستهلكه
او لها نهايه صﻻحيه

رايي انك تشتري لك بطائق سوا وتوزعها على البقاﻻات والمحطات
وﻻتحتاج لعامل ومربح جيد الى ممتاز