السلام عليكم ورحمة الله وبركاته ,

الزبدة مانبي نطول عليكم ..

الحين الشركات الكل وليست البعض
لمن يتصل عليك ويخبرك ان عندك مقابلة شخصية ..

تساله عن طبيعه العمل او الراتب يقولك يتحدد ف المقابلة الشخصية !!
طيب ليش ماتعلمني ف التلفون !!
الزبدة يغريك في التلفون بالوظيفة تحس انك بتصير مدير عام وراتبك فوق الـ 20 الف
وفجاءة وقت المقابلة ولا 1% من الاسلوب الرائع اللي يكلمك اياه

انا بصراحة حصلت لي اتصلو علي كذا شركة ورحت لهم بعد تعب ويالله لقيت الشركة
وفي الاخير لمن اسوي المقابلة يقولك ي ( كول سنتر ) او ( مبيعات ) او ( الهاتف المصرفي )
والراتب مايتعدا 4000 ريال !! تقولة انا معي شهادات كذا وكذا وكذا

يقولك والله ماعندنا الا هذي طيب علمني من البداية في التلفون ليش هالتحطيم
انا بصراحة الكول سنتر ذي جابت لي التهاب ف اذني ( سبق وتوظفت ف الكول سنتر )
والمبيعات بالعربي اسلوبي ماينفع ,

فمستحيل يشوف شكلك ويعطيك راتب على شكلك او وزنك او طولك
فاكيد موحدين الرواتب ,


كل شي يتحدد بعد المقابلة الشخصية

بالفعل شي يقهر

مره دقو علي شركة وقالو تعال عندك مقابله شخصيه .. ومشوار وبالقوه حصلت الشركه

وسويت المقابله




واخرتها ندق عليك .. ولا شفت اتصالهم


لازم نظام صارم على الشركات

مافي اي شركة تنشأ وضيفه بدون ما تكون حاطه الراتب
لكن البعض اثناء المقابلة يحاول يقلل من التكاليف
يعني
يعني نبي نوظف واحد والوضيفه هذي معدل رواتبها ٧٠٠٠ وأثناء المقابلة لقينا واحد و ب ٤٠٠٠
مو احنا عباقرة

اليوم اتصلت علي شركة قلت وش طبيعة العمل
قال جيب شهاداتك وتتحدد ف المقابلة الشخصية

قلت ي عزيزي انا معي كذا وخبرة كذا وكذا

وش العمل !! تطالبون موظفين من هب ودب ولا لكم اقسام بالشركة معينة تطلب التوظيف
قال بعد المقابلة يتحدد كل شي قلت الله يستر عليكم ي بتعلموني الحين
ولا بنزين السيارة مايروح عبث واقفل بوجهه !! شي يقهرررررررر

مع احترامي لارائكم كثرة المقابلات الشخصية تزيدك خبرة كل مره

صحيح اخوي كثير من الشركات عندم سلم رواتب على حسب الشهادة اللي شهادة ثانوي نعطيه كذا واللي دبلوم نعطيه كذا الخ طبعا هذولا محددين الراتب علي الشهاده والخبره اللي تكون عندك هذي مايطقولها حساب والله يوفق الجميع