السلام عليكم ورحكة الله وبركاته

بالتوفيق للجميع

يا أخوان حاب استفسر

انا تخصصي فني معماري

طبيعة العمل على نفس التخصص ولا شي ثاني ؟؟

وشااااكر لكم .

ياشبااااااااااب واحد يصلح قروووب بالواتس ويضيفنا.........على شان يكون التواصل بينا اسهل واسرع.....

السلام عليكم
ي شباب طلعت نتائج. ؤلا كيف!

الله يسرها من عنده الصبر الصبر

سلام عليكم ورحمه الله وبركاته اول شئ حبيت انقلكم أخبار تقديم الحرس الوطني بنسبه للجامعيين والكلية التقنيه اول شئ نبدأ. أنا قدمت عن طريق الموقع. وجلست انتضر الى امس وقلت لازم أتأكد تكلمت واحد من الربع قال تعال الي هو اليوم وأنا دخلت والله أبي افيدكم جئت اليوم التجنيد الحرس حوالي ألساعه ٧ صباحا. ويوم جئت كانو ينادون على الأسامي الي طلعت أساميهم بالنت لاكن العدد قليل ويوم خلصو. فيه مقدم قال اجتمع يا حقين التقنيه وكل واحد يطلع صوره من الشهاده وصوره البطاقة وعطيناه ألساعه الآن ٨ الصبح ويوم خلصنا اورقنا دخولنا دفعات والحمد لله وقامو ينادو با الأسامي وبعدين نروح للكونتر الي ينادي على اسمك لازم معك صوره من الشهاده حقين الكليه التقنيه وبعدين يعطونك تعهدات توقع عليها وتصبم وبعد ما تخلص تروح لنفس الكونتر يأخذ الأوراق منك ويعطيك نموذج تعبي فيه بياناتك ولازم صوره البطاقه وصورتين شخصيه ٤*٣ثم فيه معروض خلفه وتكتبه ثم تسلمه للوحدة الي قدامه ثم يقول ولك اجلس. ثم تنتضر الين ينادون اسمك يعطونك كرت فحص طبي ورقتين وحده أدله جناية وحده للأحوال ثم تروح تحجز موعد للفحص الطبي خلفه قبل ما تسلم كرت الفحص لازم ترفق معه صوره شخصيه لك ثم تسلم لشباك المواعيد ثم تنتضر الين يقول اسمك وبعد مايقول اسمك تجيه يعطيك ورقه تبصم عليها ثم يأخذها ويعطيك ملف فيه كرت الفحص وتعبئ فيه من العمده ومعرفين وشهود وموعد الفحص الطبي وشروط الحضور ولازم تجئ قبل الفحص بيوم عشان يعلمونك طرق الفحص أنا الحين خلصت ألساعه ٢ونص كل هذا أنا رايح لهم بنفسي والله العضيم ولايجيني واحد يتفلسف حبيت أخدمك وعلمن أن معنا ناس من الثانوي قدمو اليوم وخذو شهداتهم قالي المقدم أنهم طالبين ٣٠٠٠ لتجنيد الجامعه رقيب الكليه التقنيه وكيل رقيب عريف على حسب التخصص والثانوي مع حاسب الآلي جندي اول ثانوي جندي وبنسبه لطول والوزن ما يدققون يقول كم طولكم وزنك بس فيه ناس واجد مشوهم منهم قصار مره شوف عيني وفيه ناس امتان حيل وبعد هذا الشرح أضني كفيت وفيت وأي استفسار أنا حاضر. ودعواتكم لي أمانه من قلوبكم والله يوفقكم أخوكم احمد

يعطيك العافيه اخوي انا قدمت من النت وماردو علي تتوقع لو اروح بملفي ياخذونه طبعا معاي دبلوم حاسب