السلام عليكم ورحمة الله


اخواني انا بصراحه مازلت انتظر ان يكتب لي الله البدء في مشروعي وهو عباره عن كوفي شوب سيارات مثل بارنيز وجوفريز وطقته وهو مشروعي الأول بإذن الله

الحقيقه جتني نصايح كثير ان يكون المحل قريب مني ولكن للأسف على الأقل سيكون اسبوعياْ زيارتي له وهنا تقع الظنون والوساويس والمعوقات للمشروع وهي :

كيف تضمن حقك ان العامل مايسرق من دخل الكوفي هذا ؟

انا بتفكيري كفكره اوليه وضع كاميره والكاشير يكون مرقم بالفواتير ودعم الزبون ان يأخذ الفاتوره وبالنسبه لأنتظام العمال بالدوام واللإلتزام بمواعيد الدوام للكوفي أفكر بتعيين مدير تشييك فقط ومراقبتهم وياحبذا لو كان قريب جدا منهم.

هذا ماعندي ولنرا ماعندكم ولا تنسون انه لا يؤمن احدنا الا أن يحب لأخيه مايحب لنفسه وانا طرحت هذا الموضوع للأستفاده العامه وتثقيف انفسنا ...انتظر ردودكم واراءكم كيف الزم العامل بالدوام الرسمي للمحل وحفظ الدخل المالي.

هلا اخوي الله يرزقك واتمنى لك التوفيق بخصوص العمال اختيار الجنسيه الاوندسيه او الفلبينيه احسن لك جنسيه تحب الابتسامه

الله يفتح لي ولك باب رزقة ويتوب علي وعليك وعلى جميع المسلمين
أولاً : ياأخوي ادخل عالم التجارة بشرط انك تكون عاقد العزم ان المحل لك وانك رايح تلزم العمال بالراتب ولاعليك من المثبطين اللي يقولك مايمديك وهو ماعمره مارس التجارة او اعطاء الخيط والمخيط للعمالة.

ثانياً : أبعد عن العمالة العربية فهم أهل حسد وأهل تمرد وينظر لإبن الوطن الذي قام بإستضافته نظرة حقد وحسد وكراهية والأفضل ان تختار لك عمالة غير عربية من الهند والفلبين وإندونيسيا وباكستان وتنوعهم ومايكونون من نفس الجنسية.

ثالثاً : استخدم وسائل الجرد والمراقبة الحديث من أجهزة الكاشير و كاميرات المراقبة سواء كاميرات تسجيل أو كاميرات مراقبة عن طريق النت والأفضل كاميرات مراقبة تحتوي على الميزتين تقدر تراقب عن طريق النت ويتوفر فيها خدمة التسجيل.


رابعاً : لاأحد يقولك نسبة محلك يايشتغل فيه مضبوط وتكافئة بشي بسيط آخر الشهر مية أو ميتين ريال زيادة على راتبة ياقضبه الباب ورجعه لبلده وأهله ولاتترك المحل لهم مهما كان.



وأولاً وأخيراً عليك بالدعاء وأكثرة الإستغفار

الأمور اللي ذكرتها انت والأخوان هي الأفضل والأمثل .. وأضيف عليها بدل زيادات الراتب مستقبلا أو المكافآت تعامل معاه بالنسبة .. يعني راتب ثابت لا يتغير + نسبة .. وهو وشطارته كل ما زاد من دخل المحل معناها هو قاعد يزيد من نسبته .. والله يوفقك ..

ياخي انت ليه حريص كل هالحرص على ان العامل مايسرق من الدخل !

انت شوف مقدار الدخل اللي يحط بيدك اذا كان مناسبك , والعامل بنفس الوقت يسرق

اعلم ان محلك سوف يستمر ودخلك المرضي لك هذا بيستمر واعتبر مايسرقه العامل دافع له لكي يستمر في العطاء والعمل والكدح ^_^

اما لو كان مايوضع بيدك غير مرضي او ان لك رغبة في التطور والتوسع هنا انبش العامل نبش

موفق

جزاك الله غريق السراب

ولعل الشخص هذا مستثمر مبتدء يقصد انه لازم عشان يمشي المحل لازم يكون العامل طامع فيه يعني متحمس للشغل ويسرق شوي ويعطي شوي

ولكن هذا تفكير سلبي جداْ وهو تفكير سقيم وعقيم ونحن نناقش هذا الموضوع كيف نجعل المحل ناجح بدون حاميها يصير حراميها


انا اقول مثل غريق السراب بكل كلمه بصراحه تحس اننا شعب مسكين يبي فقط 3 او 4 الاف تكفيه والعامل يطلع بالعشرات

جزاك الله خير يا مستثمر مبتدء وهذه فكره جميله وننتظر افكار الاخوان

اخي فيه جرد

بضاعة تدخل=فلوس تطلع

غير كذا اي نقص محسوب عليه

او كاميرات و تكون اون لاين يعني تدخل من جوالك و تفرج عليه
متى ما حبيت وهذي طريقتها سهله ومتوفره

أخيرا تحط فاتورة وتضع لافته مثل(إن لم تستلم فاتورة فالطلب مجاني) وهنا العامل ما يستفيد وبالعكس يطلع خسران

الف طريقه و طريقه

لكن لاتصير مثل الي يمل و يقول للعامل لي كذا الف و الباقي لانك كذا جهزت له المحل و رحت تستلم منه مصروف آخر الشهر

الله يوفقك و يرزقك.