مساء الخير ..

لكل من يملك فكرة مشروع تجاري جديدة يعتقد انها مربحة .. و ..

1- يملك الوقت لادارة وتشغيل المشروع ..
2- يحتاج الى الدعم المالي ..
3 - يسمح بالتعديل والتغيير على فكرته اذا توصلنا الى مايجعلها اكثر ربحاً وتميزاً ..


يراسلني على الخاص ..

تشترون افكار مشاريع يعني؟

او تدعمونها

احول فكرتك بإذن الله من مجرد فكرة الى واقع .. ادعمك مالياً واقدم لك استشارات مجانية ..
مقابل شراكتي لك في المشروع بنسبة نحددها بالاتفاق ..
بعد ماندرس المشروع ومدى ربحيته ..

والله ياخوي انا من كثر ما طفشت من عدم جدية البعض ترددت اني اكتب بس قلت خلني اكتب ههههه عالاقل افيد شوي

عندي فكرة مشروع حلوة جدا وانا مقتنع فيها وقابلة للتوسع لكن تحتاج شخص جاد ومهتم وعنده راسمال وصبور وجريء وعنده طموح يتوسع بعد ما ينجح بإذن الله

الفكرة ما اقدر اقول تفاصيلها لكنها تتعلق بالمواد الغذائية وتحتاج خبرة وبرأيي لها مستقبل وطموحي عالي فيها وممكن مستقبلا تكون شركة تفتح فروع في عدة دول عربية واجنبية

انا عندي خبرة فيها بحكم اني اشتغلت بمحل وعرفت اهم اسرارها وممكن اضيف عليها عدة افكار مستقبلا وأطورها .......

شفت كثير اشخاص عرضتها عليهم لكن للاسف كلام بس مافي جدية ولا اهتمام وتلاقيه طماع ويبغى ربح سريع طيب كيف ربح سريع وهو محل يبغى له فترة حتى ينعرف وينشهر ؟^ـ^

وفي شخص كلمته واقتنع بالفكرة واتفقنا لكن بعدين اتصل وقال انا سألت اصحابي وما شجعوني وقام يلكلك بعدها صرت ادق عليه وما يرد !! كم يوم ادق عليه وما يرد للاسف ... بعدما ضرني وتركت فرصة عشانه ... ياخي عادي قول عطني وقت ادرس الموضوع وارد لك خبر نعم ولا لا .. اما يتفق معي بعدين يتراجع !!! بعدين اصحابه اللي كلمهم وش لهم خبرة بالموضوع ؟ انا اشتغلت ودخلت السوق وعارف هم اش دراهم ؟ هذا نموذج لتفكير البعض

هذا نموذج من اللي قابلتهم طبعا الكلام هذا قديم

انا اعرف في كثير اشخاص عندهم فلوس يبغون ابن حلال امين يشغل لهم فلوسهم بشي حلال لكن غياب عنصر الثقة بين الطرفين يعقد الموضوع او انه يكون شخص حشري يحب يتدخل بكل شي حتى لو شي يضر الشغل وهو ماله فيه خبرة يتدخل او انه يقعد كل يوم يحاسب على الطالعة والنازلة محسسني كأني سراق وطبعا كذا صعب صعب ان العلاقة تدوم ... لازم يكون في ثقة بين الطرفين ولازم يصبروا علىب بعض ويعذروا بعض اذا بدر منهم بعض التصرفات ...طبيعي كل شغل يصير فيه مشاكل لكن الحل انك تعتذر بعد اي خطأ وما تكرره حتى تفهموا على بعض مع الوقت ...........

معليش كتبت مستعجل بالتوفيق

كم الحد الاقصى للدعم المادي ؟

وعرف عن انفسكم هل انتم شركة او فرد

وكيف يتم الاتفاق وضمان الحقوق

مؤمل .. عملية اختيار الشريك عملية حساسة ومعقدة جدا .. تحتاج الى المعرفة المسبقة و الضمان الكافي .. سابقاً كانت الشراكة تعتمد في مجملها على معرفة الاشخاص لبعضهم وتجاربهم مع الدائرة الصغيره في محيطهم .. اليوم ومع تقدم وتوسع الكثير من مجالات التجارة وطرق الضمان وكفل الحقوق هناك طرق تسمح لاصحاب الاعمال من التعاون والتشارك حتى وان لم يكن هناك معرفه مسبقة .. اما بالنسبة لمشروعك فهو قابل للنجاح كما هو قابل للفشل اذا لم تتوفر كل عناصر القوه والاستمرارية .. لمناقشة تفاصيل مشروعك ساطلب منك مراسلتي على الخاص حفظا للخصوصية ..

ريم 22 .. الحد الاقصى للدعم هو 100 الف ريال مع امكانية رفع رأس المال اذا رأينا سويا انها مجدية ..

اما بالنسبة لي .. فأنا شخص اعمل في التجارة في مجالات متعددة .. حاصل على درجة الماجستير في ادارة الاعمال من انديرسون كوليج لادراة الاعمال بالولايات المتحدة .. مهتم كثيرا بتطوير الاعمال والمشاريع الصغيرة والناشئة .. نوع الاعمال التي اقدمها الان تسمى بالانتروبرونورشب وهو مصطلح تجاري يعني دعم المشاريع والافكار التجارية الجديدة .. بالتوفيق

الله يوفقكم