17-09-2008, 07:26 AM
|
 |
عضو مميز
|
|
تاريخ التسجيل: Jul 2008
المشاركات: 816
معدل تقييم المستوى: 35
|
|
اقتباس:
المشاركة الأصلية كتبت بواسطة ليبرون
ياشباب معليش تأخرت عليكم اليوم توني جيت من الرياض وهناك لم يكون عندي نت أولاً
|
اقتباس:
المشاركة الأصلية كتبت بواسطة ليبرون
أشكر الله ثم الأخ محرووووووووم ومنتظر على ماقدم
بس تكفى والله إني إلى الآن أتحلم إني ضابط والنجمات على الكتف
فيه أمل نصير ضباط والله نقنع أرجوووووو الرد ولكم الدعوات
|
هلااااااااا اخوي ليبرون والحمدلله على السلامه ياحبيبي لاتشكرني الشكر كله لله وحده انا مسويت شيء ومن ناحية سؤالك والله ياخي مادري انا مثلك بس الي اقدر اقوله اني انا سالت المقدم وقالي يمكن ليش لا ماعطاني جواب قاطع يمكن بس يبي يصرفني بس فيه ضابط يقولي حتى لو مصرت ضابط وعينت على وكيل رقيب
يبقى لك ثلاث رتب بس وتصير ضابط الي هي رقيب= رقيب اول =رئيس رقباء =ضابط وبين كل رتبه ورتبه 3 الى 4 سنوات وان قطاع امن المنشات جديد والاقبال عليه جيد وفيه احتياج ومن هالكلام
والله ياخوي ليبرون اني مثلك ضايق صدري وودي اصير واحلم بالضباط والنجوم بس وانا اخوك مابيدنا حيله والشكوى لله مالنا الا نصبر ونرضى بلي كاتبه الله لنا ان كنا ضباط الحمدلله وان كنا وكيل رقيب الحمدلله بس احب اعلمك فيه ناس كثار جامعين قدموا على قوات امن الخاصة والطواري والدفاع المدني على رتبه جندي تخيل جندي ويوم قلت لهم وكيل رقيب قالوا لي احمد ربك
والراتب الاساسي وكيل رقيب 3500 بدون البدلات مع البدلات 7500 اما الضابط الراتب الاساسي7500 مع البدلات ياصل 12000 بالراحه يعني من جد فرق وقهر بس وش نسوي مابيدنا حيله الشكوى لله شف الى من هو دونك لا الى من هو فوقك وذلك فضل الله يؤتيه من يشاء والله ذو الفضل العظيم من رضى فله الرضى ومن سخط فعليه السخط
الف من يتمناها وكيل الرقيب انت فتحت جرح بس توووكل على الله قل اللهم اني موكل امري اليك وراضي ياربي بلي تكتبه لي ومن توكل على الله فهو حسبه وان شاء الله ربي ميخذلك وبالتوفيق ولاتنسانا من دعواتك
التعديل الأخير تم بواسطة محروم ومنتظر ; 17-09-2008 الساعة 07:28 AM
|
محروووووم ومنتظر واتعرف عليك 
بس والله كنت تعبان ومانمت 
بس أن شاء الله نتعرف في الدورة
ومن جد انا كنت معاهم منتظر باالصاله ان شاء الله يارب اكون
العرض العادي
