السلام عليكم ورحمه الله وبركاته .. اخواني واخواتي الله يعطيكم العافيه ويرزقكم ماتتمنون لدي موضوع هام وشاغل بالي ومو عارف وش اسوي وابي الي عنده خبره يفيدني جزاكم الله خير ..

الحمدلله تعينت على وظيفه بالمرتبة الرابعه ولكن تخرجي من الجامعة هذا الترم ( انتساب ) وقد انهيت تطبيقي ولكن محتار هل انتظر يتم تسجيلي في الخدمة المدنية بالثانوية العامة بحكم تعييني عليها او اني ادخل بياناتي في الخدمة المدنية بالباكلريوس من الآن لكي يكون لي حق في وظائف التدريس اذا تم الحكم لنا فيها او ايضاً في الوظائف الاداريه بالمرتبه المستحقه ال6 او 7 او تنصحوني ابقى على مرتبتي وسيتم ترقيتي واعطائي المرتبه المستحقه ( افيدوني تكفون جزاكم الله الجنه وحقق امانيكم )

وعليكم السسلام ورحمةة الله وبركاته

بما انك خلصت بكالوريس وانت موظف على الرابعه الافضل تقدم على جدارة وان طلع اسمك في التدريس او غيره اكيد بتكون على المرتبه ال6 او ال7 وقتها تقدر تخلص اوراقك على الوظيفه الجديده وتنقل خدماتك

وبنفس الوقت اذا فيه مسابقه على وظائف بنفس تخصصك على المرتبه السادسه او السابعه

قدمم فيها واذا قبلت وقتها كمل اوراقك فيها وانقل خدماتك

اتمنى اني افدتك

وبالتوفيق

الله يسعدك ويجزاك خير بس لو بديت من الحين اسجل بياناتي بجدارة هل راح تأثر علي في تعييني لأني لسى ماتسجلت في الخدمه المدنية توهم رفعوا الاوراق للرياض الخميس الماضي واخاف اخرب على نفسي بيدي ويتكنسل تعييني

بس لو انك انتظرت لين تطلع الشهاده حقك وبعدها يرسلونها لك كان يعطونك السادسه على طووول

حاول تكلمهم على هذا الاساس قول لهم معاي بكالوريس وابي ترفعونها لي عشان تعطوني السادسه

شوف يوافقو او لا

لو انه من البداية كان على طووول يوافقوو

رايي التوظيف الان صعب طالما تم تعيينك عصفور في اليج ولا عشرة على الشجره
واكل العنب حبه حبه انتظر ترقيتك تعين وانتظر ترقيتك
والله يوفقك ويسهل امرك

ﻻتستعجل على تسجيلك في جدارة ﻻن قبل المفاضﻻت التعليمية يعطون فترة لتسجيل وتحديث البيانات
سواءً سجلت في جدارة اﻻن او عند اعﻻن فترة التسجيل والتحديث للمفاضلة التعليمية ماراح يتغير شيء
انت كمل إجراءات وظيفتك ومثل ماقال اﻻخ الي قبل وضح لهم ان معك بكالريوس
ومادمت على المرتبة الرابعة بشهادة الثانوي تقدر تقدم بالباكلوريس على اي وظيفة جاية
وبالتوفيق

أخوي ماتقدر تسجل في جدارة قبل ماتصدر وثيقة التخرج

لأنه مهم تدخل تاريخ التخرج اللي هو يكون ( تاريخ إصدار الوثيقة ) لأنك لو دخلت بياناتك قبل ماتخلص وطلبوك للمطابقة مائة بالمائة راح تستبعد بسبب تاريخ التخرج

وبالنسبة للوظيفة مثل ماقالوا الإخوان امسك فيها ولاتضيعها عليك ترى الفرص ماتجي إلا مرة واحدة

أتمنى للجميع التوفيق