السلام عليكم ورحمة الله وبركاته

ثقتي بالله العظيم ثم بكم هي من جعلني اطرح موضوعي بين ايديكم

الله يسلمكم انا شاب عمري 25 سنة حاولت اكمل الجامعة لكن ما الله كتب

والآن افكر اشتري سيارة أجرة واشتغل فيها لمدة خمس سنوات وبعدها اتجه لمشروعي الخاص،لكن المشكلة اني لا املك الا 80 ريال فقط ولا ادري كيف اشتري السيارة،هل اذهب لباب رزق جميل او بنك التسليف وهؤلاء يشترطون كفيل غارم،وهذي مشكلة كبيرة.

الله يسعدكم يارب دلوني ووجهوني ولا تبخلوا علي بخبراتكم فالعمر يمضي،

تكفون اللي عنده خبره او نصيحة لا يبخل علينا وهل هذه الشغلة مربحة ويقدر الواحد يبني مستقبله عليها او لا

انت ثانوي وكثير اشوف وظائف للي معهم ثانوي
رواتبهم من 3000 لحد 4500 وممكن أكثر
مهما كان نوع الشغل فهو مو عيب حتى لو رجل امن
ترا رجل الامن راتبه اكثر من بعض الوظائف اللي تكون استقبال وغيره
وانت رجل خياراتك بالتوظيف مفتوحة مو مثل البنت
قدم على وظيفة وجمع منها لمدة سنة وبيطلع معك مبلغ تقدر تستثمره

بالتوفيق

نزل موضوعك في قسم المشاريع..إن شاء الله راح تستفيد

وعليكم السلام والرحمة

أنصحك الحين تدور لك وظيفة وجمّع مبلغ السيارة
لتوصل لهدفك إن شاء الله ، أفضل بكثير من إنك تتحمّل ديون وقروض .

الله يوفقك يارب اخوي

منان بتشتري سياره وانت ما معك الا 80 ريال وبنك التسليف مو معطيك شي وباب رزق ما عنده فايده
ما لك الا تتوظف

الآن قدم على القطاع الخاص ومنه تستفيد دراهم اللي تسمح لك تشتري سيارة أجرة..

على فكرة ممكن يكون العمل في القطاع الخاص أسهل من العمل سائق أجرة..

وأصبح في تطور في القطاع الخاص من التسهيلات المقدمة من البعض..

دمت بود.~

كمل جامعة انا عمري وصل الــ 30 والحين بكمل الجامعة احمد ربك انت صغير توك

كمل جامعة بس وتوظف بالثانوي لو براتب 3500 ريال تمشي حالك مع المكافئه

والله يوفقك لاتفكر الحين بالمشاريع الين تأسس نفسك ويكون عندك وظيفة وشهادة