دمعه نزلت من عينه حرقت قلبي
*
دمعة نزلت من عينه حرقت قلبي تكفون بس أبي دعوه بظهر الغيب
أول شئ السلام عليكم من زمان عنكم
بس الظروف جت كذا
ياناس تخيلوا نفسكم مكاني ما أبي منكم شئ
الا دعوه بظهر الغيب والا بالسجود
بالنسبة لكم مو كثير بس بالنسبة لي
تسوى الدنيا وما فيها
تخيلوا صار له سنه اللحين وهو حاضر وغايب
أسبوع معي وأسابيع مغيب عن الدنيا واللي فيها
الحمدلله على كل حال
تخيلوا أنه كان يهز المدينة كلها بكلمة منه واللحين له سنه ما قال حرف
الحمدلله على كل حال
تخيلوا أنه الرجال يفزون له إذا مر بالشارع ويسلمون عليه بكل محل لدرجة نتأخر عن مشاويرنا لها السبب
واللحين له سنه ما طل عليه أحد غيرنا حنا
الحمدلله على كل حال
تخيلوا أنه عمره ما مد يده على أحد الا بالحق واللحين
له سنه ما مد يده خير شر
الحمدلله على كل حال
تخيلوا أنه كل يوم ينشد عني ويتفقدني بحضوري وغيابي
واللحين له سنه ما يدري عني شئ
الحمدلله على كل حال
تخيلوا كان يقول القصايد ويأمر وينهى واللحين له سنه لابغى شئ يبكي زي الطفل ما يقدر ينطق
الحمدلله على كل حال
تخيلوا كان يروح المسجد ويروح يوجب الناس ويحضر مناسباتهم بكل محل وكل ديره اللحين له سنه وهو مشلول مايرفع للشهادة أصباعه
تخيلوا أني أكتب لكم هالكلمات وأنا حس أنكم مثل اخواني
أبي أفضفض لكم ما أبي منكم شئ الا دعوه مراح تأخذ من وقتكم 5 ثواني
الحمدلله على كل حال
تخيلوا لي سنه وأنا أقول ليته أنا ولا أنت ولكن لا راد لقضاء الله
الحمدلله على كل حال
يابوي لاتجزع عسى الرب يشفيك * لجلك لذيذ النوم حارب عيوني
واجب علي يابوي بالروح افديـــك * ودي اسدد من وفاكــم ديوني
عمر السعادة عشتها بين اياديــــك * عودتني عطفــك بقلب جنونــي
خذ عمري الباقي أو أنا أقول لبيك * لكن قدر مكتوب دونك ودونــــي
الله عليم الحال عيـــني تراعيـــك * حزني عليك اليوم زود شـجـوني
والله والله أن دمعته لا نزلت تحرق قلبي من جوى
يارب أشفيه يارب

اسأل الله العظيــم رب العرش الكريم ان يشفيه ..

اللهم نسألك بأنك أنت الله الواحد الأحد الفرد الصمد أن تعافى أباه من مرضه ، وجميع مرضى المسلمين

الله يشفيه ويعافيه ويقوم من رقدته وتفرح بطلة عيونه
حنا الان بوقت السحر وجه دعواتك لرب السماء فماراح يخيبك
دوو مرضاكم بالصدقه ولو بالقليل.....
.
موضوعك مؤلم اعدت لي ايام والدي رحمه الله اربع سنوات
وهو بفراشه حنا اللي نشيل ونحط فيه ....لو الدمع يرجعك يابوي لابكيك....

__________________
"لله دُر أمي إذا ابتسمت
تهادت جروح قلبي والتئمت"

الله يشفيه ويقومه لكم بالسلامة .

أسال الله العظيم رب العرش العظيم ان يشفي والدك ووالدي وجميع مرضى المسلمين شفاء لايغادره سقما

قيام الليل , الدعاء , الاستغفار , الصدقه دواء لكل داء بإذن الله ..

وتذكر " وبشر الصابرين " " ربي اني قد مسني الضر وانت ارحم الراحمين "

" لا اله الا انت سبحانك اني كنت من الظالمين " ..والحمدلله على كل حال حمدا كثيرا طيبا مباركا فيه..

جزاكم الله خير

واسال الله لايركم مكروه في عزيز لديكم

وبالنسبه لى يقرون ومايردون انسان مريض ومحتاج دعواتكم لاتبخلون عليه

الله يشفيه ويقومه بالسﻻمه ويخليه لكم

الله يشفيه ويخليه لكم يارب
اخوي عليكم بالدعاء والصدقه
وتذكر(ان الله على كل شئ قدير)

الله يشفيه ..ويخليه لكم ويعآفيه يآرب ..

قل الحمدلله ..والله كل مايجري مكتوب ..

خذ الصبر حكمه ..ابوك حي الله يطول بعمره ويشفيه

انا فقدت ابوي وعمري 7 وعايش بدونه 13 سنه ..

قل الحمدلله ...وربك كريم ...ولاتحزم الملتقى الجنه بأذن الله !