صحيح مافي شيء سهل جداً , و عموماً

احسن شيء تستشير محامين مختصين بالهجرة

راح يفيدونك كثير و يسهلون عليك كثير من الأمور و يشرحون لك الأمور القانونية بشكل واضح


بالتوفيق

من خرج من داره قل مقداره
اذا مره مصمل روح الامارات اشتغل فيها وياكثر السعوديين فيها بدون ماتغير جنسيتك

أخوي أنا في كندا طالبه و مع زوجي ولست مهاجره و لا تتوقع بتلقى وظيفه على مكتب و كذا أعرف لك واحد صيني خريج ماجستير هندسه خريج من جامعة عريقة و قبولها أصعب من الصعب جامعة واترلوو يشتغل في سوبرماركت تخيل

و بعد باكستاني يحمل ماجستير الهندسه و يشتغل في محطة بانزين يوم يعبي سيارتنا أستانس علينا لأننا مسلمين و من الحرمين يقول أخوه دكتور عندنا في شركة الكهرباء و يطمح يحصل الجنسية الكندية عشان كذا يشتغل في المحطة و بيجي للسعوديه

موب بالساهل تحصل على الجنسية فيها شروط تكون ساكن أكثر من خمس سنوات في نفس البلد أتكلم عن كندا و سجلك نظيف من الجرائم و كمان تختبر مجرد أسئلة عن كندا بشكل عام و هذي عرفته من أخوات عربيات حصلوا على الجنسية

لو متزوج و زوجتك حامل طفلك يحصل على الجنسية لو طلبت و كمان يمشي للبيبي و للزوجه مبلغ من الحكومة الكندية

كمان دكتور في جامعة واترلوو مقدم على طلب توظيف في شركة من شركات الجبيل تبع سابك بس مانيب متذكره بالتحديد
تخيل الناس تبي تجي عندنا و حنا نهج برا

رواتبهم قليله مقارنه مع معيشتهم و الضرايب اللي تقص الظهر عذبتهم أكلت فلوسهم نحن لو تقضينا تموينات تحسب علينا ضرايب

شفت كثير عرب مهاجرين بالذات حريم بس شغلهم في سوبرماركت كاشيرات و فيه أخ سوري له محل صغير مثل البقاله الصرائب تقص عليه من دخله

لو تبي تتوظف عندك دول الخليج هذا رأيي والله يوفقك