بسم الله الرحمن الرحيم حبيت استشيركم في مشروعي واحتاج فزعتكم انا ودي افتح مطبخ نسائي للطلبات الخارجيه وتجهيز حفلات يعني المحل يكون مقسوم جزء للاستقبال الطلبات وجزء للطبخ وحصلت المكان المناسب صاله كبيره راح اقسمها بس المشكله الي واجهتني الايدي العامله انا ابغى العماله تكون سعوديات براتب ونسبه بس للاسف ماحصلت احد للحين فيه ناس اقترحوا اني استقدم عاملات من برا وادربهم على الطبخ راح يكون اوفر بس ماش مااقتنعت ابغى الاكل يكون بنكهه سعوديه فياليت تشاركوني بقتراحاتكم بالنسبه لمشروعي وين ممكن اقدر اوفر الطباخات راح تسون فيني معرررروف الله يجزاكم خير

ان شاء الله بيفيدونكك الشباب

والله يوفقك ويفتحها بوجهك ياررب

ممكن لو سمحتي
انتي في أي منطقه

في الرياض عزيزتي

بتحصلين سعوديات كثييير سوي كم اعلان في المبوبه والمنتديات في قسم الوظايف وبيجونك

عزيزتي حتى لو حصلتي سعوديات فمارح يلتزمون معاك
وممكن تتركك باي وقت وتجيب لك الاعذار للااسف السعوديات بعضهم
مايلتزمون
استقدمي طباخات من مصر والفلبين والهند والمغرب لو جبتي
هالطباخات رح تنافسين اكبر المطاعم باذن الله وترجعين خسارتك بالاستقدام
وجيبي سعوديه طباخه أساسيه ومراقبه على الطباخات
ولو انتي بجده كان دليتك على مجموعه كبيره من طباخات من بيوتهم سعوديات

موفقه باذن الله

اعلني بالمنتديات
والا وظيفي اقاربك حتى لو مؤقت
اول مايشتغل المحل راح يجونك كثير يبون وظايف
اغريهم في حال انه اشتهر المحل انك تزيدي الراتب
وأغريهم انك تحطين مكافاء نهايه السنه او نهايه كل ست أشهر حتى لو مبلغ رمزي
طبعا لازم تكونين صادقه حتى يستمرون معك
سوقي لنفسك حتى قدام العاملات اللي بتتوظفينهم حتى مايستتهينون فيك ويتركونك باي وقت
وبالتوفيق ان شاء الله

اشكركم خواتي على مشارتكم بالنسبه للاعلانات اعلنت في كذا مكان بس للاسف ماحصلت احد للحين اتوقع الناس متخوفه من الفكره على المكان امن ومافيه اختلاط والحين جالسه افكر في الاستقدام بعد مايئست من السعوديات على اني توقعت خريجات الاقتصاد المنزلي مالين البلد وبس في حاجه للفرصه بس طلع ماعندك احد بس انا افكر في الهنديات وفلبينيات احسهم الافضل في الطبخ مادري المصريات احسهم مومررره في الطبخ اما فكره ان الاقارب يشتغلون في البدايه فهاذي مستحيله وصعبه الحين حبيت اسالكم في موضوع جنسيات العماله هي الافضل ولا فيه غيرها الي عنده فكره لايبخل علينا الله يجزاكم خيررر

شوفي يا أختي أول السيل قطره
أعرف حرمه شغاله بها المجال مشا الله لا قوه إلى با الله عليها
أول ما بدأت هي وشغالتها يسوون بوفيهيات للعروس والمناسبات
والحين عندها تقريبآ 4 شغالات وهي فقط تشرف عليهن ومشاء الله
لا تتحطمين بها السرعه خلي الناس تعرفك وتعرف شغلك وبعدهآ تمشي أمورك إن شاء الله
با التوفيق

اعرف وحدة ماشاء الله تبارك الرحمن فنانة برياني والاكلات الهندية وبعض المعجنات اذا تبين رقمها راسليني