الله يبشرك بالخير اخوي سمو العاطفه
انا مثل ماقلتلكم جاني كلام ولكن بما انك اكدت كلامي فالحمدلله يعني ان الكلام صحيح\
بالتوفيق للجميع يارب
والله مايحالفه الحظ الله يعوضه باللي اخير واحسن منها

اي مستجدات ياسمو تكفى لاتبخل علينا
انت هنا مصدرنا هههههههههههههههه

لاهنت

ههههههههاي شكل مصدرك كويس يبيلك تشفط تفاصيل منه أكثر .
انشاء الله اي اخبار جديدة أو تفاصيل أكيد ما راح أبخل عليكم فيها .

هلافيك سمو
انا كلمتهم امس ورد علي واحد قال بتطلع خلال اسبوعين او ثلاث اسابيع
يعني ان شاءالله قربت

بس ياليت لو عندك سلم التشغيل الذاتي تعطينا اياه
وخصوصا لغير الصحيين ياليت

واشكرك

بنصبر هالاسبوع وش ورانا .
بالنسبة لسلم التشغيل الذاتي ( الكادر الصحي ، الغير صحي )

مشكور اخوي سمو
وياليت لو تعرف على اي اساس يتعين الواحد على المستويات

الشي الثاني انا اليوم تواصلت مع التدريب في الرياض وقالو لي ان الاسماء جاهزه ومفروض انها تنزل على الموقع وقالو انهم من ناحيتهم منتهين من تجهيز القاعات الخاصة بالفريق
وسالته عن العدد المقبول قال تقريبا قبلو من 60 الى 70 واحد من مجموع اللي سوو المقابلات الشخصية

بس مادري هل يتكلم عن الرجال او الرجال والحريم
اشغلونا ذا الحريم الله يشغلهم ضايقوننا في ارزاقنا
ههههههههههههههههههههههه

اح المطلوب بس 60 أو 70 ؟ والله اخبار ماهي طيبة يا سلمان الله يستر ، ع اساس انهم طالبين 138 شخص !
نسأل الله التوفيق للجميع .
بالنسبة للنساء اتوقع كان فيه اسمين بس, لكن ما اعرف اذا فيه شي ثاني .
المستويات ع حسب الخبره كل سنة بدرجه .
بس شكلك واثق كثير ههههههه .

فعلا الخبر يخوف
ومن ناحية الثقه والله اني متأمل وواثق في الله سبحانه
اما من ناحية ثقه في القبول لا والله بس نستفسر على امل ان ربي يوفقنا
انا كنت متأمل من اول لاننا كلنا كنا 106 وقالو بياخذون 138 يعني قلنا يمكن المقابله شي روتيني وشكلي فقط

بس السالفة طلع فيها 70 و60
يعني تقرياب نص العدد المطلوب اللي هو 138
بس تعتبر نسبة حلوه نوعا ما مقابرنه بالوظايف الاخرى
70 من 100 يعني نسبة قبولك 70%

لكن الله ييسر للجميع والبنات اذا اخذو منهم ثنتين فتركهم اولى
سلامات ثنتين وش الفايده منهم يعني

واي اخبار جديده وافونا ياعوال الرياض

السلام عليكم ورحمة الله
اعتذر يا شباب عن انقطاعي عنكم لظروف خارجة عن الارادة
قبل شوي وصلتني رسالة قبول مبدئي وانشاء الله ان الجميع مقبول وأسأل الله الخيرة للجميع
نص الرسالة كاملة:




المتقدم للفريق السعودي للعون والإستجابة الإنسانية (قلب السعودية) في هيئة الهلال الاحمر السعودي

السلام عليكم ورحمة الله وبركاته، وبعد،


يتقدم فريق قلب السعودية بالشكر والتقدير لرغبتك بالانضمام للفريق ويسرنا إبلاغك باجتياز اختبارات المرحلة الأولى للتوظيف. كما يعتبر هذا الاجتياز ترشح مبدئي يؤهلك لحضور ورش العمل التي ستقام في مطلع شهر مارس وهي:

1. لقاء توجيهي لجميع مرشحي المرحلة الأولى يعقده الفريق المشرف على تشكيل قلب السعودية والفريق التدريبي، والذي سيتم من خلاله استعراض النواحي الإدارية والفنية والتدريبية لفريق قلب السعودية ومدته يومان
2. ورشة عمل تعقدها منظمة (RedrUK) بعنوان "So you want to be a humanitarian worker?" تسلط الضوء على طبيعة العمل الإنساني بشكل عام ومدته يوم واحد
ولما لهذه الورشة واللقاء التوجيهي من أهمية في توضيح الكثير من الأمور الإدارية والتشغيلية وتوضيح طبيعة العمل الإنساني مما يعينك ويعيننا في اتخاذ القرار المناسب والواعِ بالنسبة للمضي قدماً في هذا المجال، وعلى ضوءه سيتم إعلان قائمة أسماء المرشحين النهائية للانضمام للفريق. عليه فإن حضور هذه الورش إلزامي.

لتأكيد حضوركم اللقاء التوجيهي وورشة العمل، نرجو منكم تعبئة نموذج التسجيل المرفق وإعادة إرساله عبر البريد الالكتروني ليس بعد يوم السبت 8/2/2014م (الثامن من فبراير) الساعة 11:59 مساءً، كما أن تعبئة النموذج يعد التزاماً من طرفكم بحضور الورشة واللقاء التوجيهي.



لا تعد هذه الرسالة التزاماً منا بتوظيفك حتى يتم اتخاذ القرار من كلا الطرفين (المرشح والهيئة) بعد حضور هذه الورشة واللقاء التوجيهي وإعلان قائمة أسماء المرشحين النهائية.






--
__________________________

الف مبروك اخوي وانا وصلتني نفس الرساله , واتمنى التوفيق للبقية .

الف مبروك لجميع المقبولين
وانا كذلك وصلتني

يعني اللقاء بعد شهر من الان

الله ييسر الامور

لكن حاب اعرف وش وضع البدلات لاني قريت السلم حق التشغيل الذاتي وبصراحه ضامني بطني

وضع السلم مزري لو مافيه بدلات منا منا مشكله