الف مبروك لجميع المقبولين وحظ أوفر للي ما حالفهم الحظ
وهذا رابط جميع المقبولين .

http://www.srca.org.sa/SRCATraineeResult.aspx

اخوي سلمان اللي خلانا نصبر اكثر من سنه بيصبرنا الى نهاية الشهر , وهم في الاعلان ذاكرين رواتب مغرية جداً .
بنصبر ونشوف .

الله يبارك فيكم جميع وانتو برضه الف الف مبروك يا شباب والله اني كنت خايف نواسي احد من الشباب الموجودين
الرواتب أتوقع انها بتكون ان شاء الله مجزية لانه في برنامج خاص بهم والوظائف صعبه شوي الي بيمسك فيها يبغاله مقابل
ولاكن الخير فيما يختاره الله

الحمدلله والف مبروك للجميع مره اخرى

ياشباب فيه احد منكم يعرف متى تاريخ ورش العمل لانهم كاتبين مطلع مارس
وانا حاولت اتصل والخط مشغول
ياليت اللي يعرف يفيدنا بالضبط
هل هو اول اسبوع من مارس والا متى؟؟\

مساء الخيرات ,
انا تواصلت معهم وقالوا انهم الى الان ماحددوا التاريخ لكن الاكيد انه في مارس وقالوا انشاء الله راح يرسلون لنا التفاصيل بعد كم يوم انشاء الله .

السلام عليكم
حبيت انبهكم الى انني تواصلت مع ادارة التدريب
واكدوا لي ان موعد ورش العمل بيكون الاحد والاثنين 2 و3 مارس
وبعد كذا سوف يتم تقسيم الحضور الى ثلاث مجموعات كل مجمعة 25 شخص
ويتحدد لكل مجموعة يوم محدد إما الثلاثاء او الاربعائ او الخميس وهذا التحديد ماتعرفه الا اذا حضرت الورش

حبيت بس انبهكم عشان كل واحد يرتب وضعه خصوصا القادمين من خارج الرياض وشكرا

بارك الله فيك يا سلمان ومشكور على عالخبر الحلو والتنبيه وكل التوفيق للجميع .
ونشوفك ع خير باذن الله .
سؤال بسيط عدد المشاهدات للموضوع يقارب 2000 مشاهدة وثلاث اشخاص نشيطين بس !!
المتابعين بصمت! كفاكم انانية ! وشاركونا ارائكم حتى يستفيد الجميع .

انا معك ياسمو
مافيه احد يشارك مع اني متاكد ان فيه ناس كثير عندهم معلومات مهمه ومفيجه لنا كمتقدمين

لكن باقي اسبوعين ويتضح كل شي
صبرنا بالضبط مايقارب سنه واربع شهور ماتوقف على اسبوعين ههههههههههه

لكن انا السؤال اللي محيرني
موضوع اجتياز الاختبارات جزئيا وكليا
يعني كيف هذه مافهمتها يعني مثلا واحد اجتاز اللغه ولا اجتاز المقابله
او واحد اجتاز اللغه والمقابله وطلع نفسيه وماجتاز اختبار النفسيه ههههههههه

والله بعض الكلمات يصعب معناها

اي والله صادق يا سلمان باقي اسبوعين ما فرقت .
اختبار جزئي وكلي ! المقصود انهينا كلياً جميع الاختبارات باقي جزء من الاجراءات فقط ،اللي هي ورش العمل واللقاء الاداري .
ع فكره المفروض انهم يرسلون ايميلات تفصيليه خلال اليومين القادمات .
وع فكرة جميع الاسماء راح يدخلون البرنامج الا في حالة الرفض من الشخص نفسه بعد الورش لانها راح تبين طبيعة العمل .
والشي الثاني فيه مجموعة لم تسجل اسمائها بالموافقة، والتدريب احتمال يكون في الرياض في الادارة وليس مثل ما قالوا لانهم
يقولون حسب العدد وكذا ، يعني مافيه خبر اكيد، واغلب الاشياء راح تتحدد بعد اللقاء .
والبرنامج مخطط انه يبدأ في شهر ابريل .

مرحبا اخواني ,,, والله احرجني الاخ. سمو العاطفة
فقلت حبيت اني اشاركم ... مع اني ماعندي معلومات وافيه صراحه مثلكم

انا عندي خبرين والله اعلم من صحتها ...

الاول انه في راتب مقطوع او يسمونه مكافئة فترة التدريب وكان الكلام عليها انها بتكون بحدود 7000 ريال الى 10000 ريال . وهذا وانت تدرس ... ( هذا الخبر قالي اياه واحد في الهلال قبل سنه).

الشي الثاني عن موضوع الدورة... كانت ستنعقد في تايلند لانها ارخص لهم من حيث ان المدربين لهم مركز كبير هناك و مبنى مجهز وغير التدريب الميداني افضل بكثير في تايلند من الرياض ... وممكن تمارس عملك الميداني وانت تدرس ايضا .. .. بس مادري وشو صار بالضبط انهم الغو هذي الفكره ... والان قالوا ممكن تصير في الرياض !!! او انها خلاص بتصير في الرياض !!

الشي الاخر الي سمعته انك بعد التدريب بتصير موظف حسب الحاجة ... يعني اذا صارت مصيبة خارج البلاد فا تضطر انك تسافر وتعمل في الميدان؟؟ بس انا مادري هل في تنسيق حيكون مع وظايفنا ولا نستقيل من وظايفناالحالية !!! هذا الاشياء ننتظر عليها

لا تعتمدون على كلامي لانه اخر تحديثي قديم لاني سولفت مع واحد من الهلال قبل 10 شهور ههه وقالي هذا الكلام


تحياتي لكم

أهلا ً وسهلاً اخوي آل رشيد ,,,

أرجوا من جميع الأخوة الذهاب الى الإيميل وإكمال ما يلزم .
وبالتوفيق ,,,