اشتكيت على الشركة ولكن..!

ججامعي · #1 (**permalink**) 13-12-2013, 03:21 AM

اسعد الله مساكم

انا متوظف باحدى الشركات

الان لي 13شهر

قبل شهر قدمت على اجازتي السنوية

ولكن قبل اخذها قال لي المشرف ترا اجازتك مرفوضة لان ورقتك ضاعت .. والحين لازم تكتب طلب جديد.. وتنظر شهر جديد

انا رفضت وقلت ماني مسئول ..

كلمت مدير المنطقة قال اولا عندك غيابات قلت نعم عندي ..وليش مافصلتني ..الحين بتدخل الغياب بالاجازة

قال لازم تطلب من جديد والا مالك شيء عندنا

انا صبرت كم يوم ..

كلمت المشرف قال مثل قال المدير

انا طلعت لمكتب العمل ورفعت دعوه
رحت للمشرف اعطيه ورقة طلب الحضور قال ليش تروح لمكتب العمل ومن سمح لك و...

الرجال تكلم بشرفي وهانني

[line]-[/line]

انا جيت بضربه لكن مسكوني عنه

هو طلع وراح بلغ الشرطة

رحنا للشرطة وتحقيق وكذا واخرا كتبوا علينا تعهدات

صرت انا اداوم لوحدي كانوا فيه 3موظفين معاي لكن طلعوهم للقسم

ف موعد الجلسة يوم الاثنين

وانا اول مره تصير معي مشكلة بمكتب العمل

ف يااخوان اللي يعرف ايش اسوي بهذي المشكلة يقول لي

لان بصراحة اخاف انهم يكسبون القضية وتنقلب ضدي

واسف على الاططالة

إلى الله سرنا · #2 (**permalink**) 13-12-2013, 05:19 AM

والله ماعندي اي خلفيه ولا سبق واشتغلت من الاساس

لكن ماحبيت اطلع بدون ما ادعي لك

الله ييسر امرك ويفرجهاا عليك ويكتب لك الخير يارب

صمت الأنتظار · #3 (**permalink**) 13-12-2013, 05:39 AM

انا لي خبرة بهآلأمور ...

اسمع شوري وركز زين بكلامي حرف حرف ،

اول حاجه روح وانت واثق والحق معك 100% ، انتبه تخاااف

لاجاء يكلمك رد بكل ثقه ولاتحاول انك تخاف لو حط عينه بيعينك يتأكد من صحه كلامك

قل ان الرجال هو مايبي يعطيني اجازه ويماطل فيني وانا انسان ماشيء معاهم بالسليم وإذا قال انت تغيب قل الغياب مو عليه خصم بيقول ايه قل لاغبت يوم اخصم حقه ازبد له في عينه ،

والشيء الاهم

قل هو يماطل فيني بالموافقه يقول لا ومدري كيف بنشوف وبنراسل وبعدين يخططون من وراي وضيعو الورقه وقالو ترى ضاعت وانا مسلمها له يد بيد حدد الشخص نفسه واحشره

قل يوم رحت له قالت ضاعت وقلت انت تصرفني ومن هالكلام وقام سب اهلي وشرفني وقام يهينني واعلى مافي خيرك اركبه ومن هالكلام

وراح يشتكيني بالشرطة علشان يصير الحق معه

ججامعي · #4 (**permalink**) 13-12-2013, 05:46 AM

الله يوفقكم جميعا

ججامعي · #5 (**permalink**) 13-12-2013, 08:42 PM

1طيب يااخوان

لو اكسب القضية ؟هل يوافقون على اجازتي
وهل تفرض عليهم عقوبات؟

واذا هم كسبوا القضية ؟ايش العقوبات اللي تفرض علي؟

يزيدٌ · #6 (**permalink**) 15-12-2013, 01:00 AM

قضيتك خسرانه ،
سيتم فسخ عقدك
او
التسبب لك في مشكلة

يستطيعون فسخ عقدك ، لانك تطاولت على ادارتك ، هذا نظام العمل

al_waleeed · #7 (**permalink**) 16-12-2013, 01:17 PM

انت غلطان مليون% بسبب تعدّيكــ على مرؤوسكـ
ولكن حسب كلامك انها انتهت في الشرطة ,,, فلا علاقة لمكتب العمل بها ..
واضفت انك رجعت تداوم بس لحالك ..
لا تخاف من الفصل هنا .. دام ما تم اتخاذ اجراء اداري في وقتها ...

اثبت حقكـ ولو إنك استعجلت الله يهديك..
فانت في مكان عمل ولست في الحارة ...
لتأخذ حقكـ بيدكـ
يارجال انت على شهر سويت كذا
انا لي 5 سنين ما طلعت اجازة الا شهر واحد بس وفوق هذا يهددوني بعدم احتساب الرصيد السابق وانا معطيهم الطرشة ...
ترفق الله يصلحك

إجابة سؤال · #8 (**permalink**) 20-12-2013, 07:06 PM

الله يعين مع هالقطاع الخاص.

الله يوفقك ويرزقك الأقضل.

محمد بوعزيزي · #9 (**permalink**) 22-12-2013, 12:03 PM

انت صعدت الموضوع مره لمكتب العمل - لكن تكلم بشرفك وأهانك هذي قضية كبيره تقدر تعلم مكتب العمل بهالشي ؟ وتقدر الشرطه بعد

والله يعينك

شآعر · #10 (**permalink**) 22-12-2013, 12:44 PM

من رأيي وخبرتي البسيطة

أولاً : خل قضية مكتب العمل في مجراها وخلك متابع معهم بكل ثقة ولا ترتبك أبداً وقل انا من حقي أطلع إجازة سنوية وإذا هم ضيعوها انا وش ذنبي في الموضوع ؟
وطالب إن المدير يكتب تعهد بعدم فصلك بسبب خلافات شخصية > نقطة مهمة جداً ..

ثانياً : أرفع قضية قذف ضد المدير وأجلس معه في المحكمة وطالب بتطبيق حد القذف ..

[align=center]طبعاً ما راح يطبقون عليه شي بس من باب إنك تخوفهم وتخليهم يضربون لك حساب .. [/align]