انا ودي اسوي فلم من 5 - 10 دقايق بس موعارفه اختار الفكرة , مرعب والا اجتماعي والا شي ثاني.
وشلون طريقته ؟ واذا عندكم افكار حلوه او آراء تكفون لاتبخلون علي

يعني لهالدرجة ماتقدرون تفيدوني

بالنسبه لي ودي افيدك بس للاسف ماعندي ماعند جدتي

مو فلم 10 دقايق
وفكري جيدا عشان تجي الفكره

حددي بالضبط فيلمك يتشكل على أي قالب و أنتي وش الهدف اللي تبغين تاصلين له

لو شغلة إجتماعية عندك العقوق أو الرحمة أو تعنيف الأطفال ( كاسرين خاطري )

لو مرعب تقصدين الموت و كذا صح ؟
هذا م رعب هذا تذكير بهادم اللذات الله يحسن الختام برضو حلو

هو يعتمد على نوع الرسالة اللي يحتوية الفلم لو حددتي أبشري أفكر معك

^ صح على أم عقاب

قبل تبدين أي شغلة حددي الهدف
وراح تتتابع عليك المعطيات والخطوات مع التوكل بالله ،
التخطيط السليم أهم شيء

مواضيع مثل :

العمل التطوعي
الإحتياجات الخاصة
التقليد الأعمى للغرب
الحث على القراءة ( من الكتب )
الأخطاء الإملائية ؛(

هذا مايحضرني .

[ALIGN=CENTER][TABLE1="width:95%;"][CELL="filter:;"][ALIGN=center]



ممكن تركزين على موضوع شاغل المجتمع في الوقت الحالي

مثل : الاجهزة الحديثة وتأثيرها على التواصل بين الناس

يفضل تكون الفكره جديده ومميزه ماشافوا الناس مثلها
[/ALIGN][/CELL][/TABLE1][/ALIGN]

الصراحة المشكلة اللي شاغلة المجتمع الحين هي العنف الأسري
يبدأ مع الشخص من الطفولة حتى لما يكبر نفس الطريقة و خاصة البنت . ودي اتكلم عن المعاناة اللي تعانيها البنت
مع الأهالي اللي يميزون بين الولد والبنت . ودي اتكلم عن معاناة البنت عن قرب داخل البيت , الأشياء المخفية اللي محد يدري عنها , واللي ساعات يكون العنف مو من الأب اللي هو رجل, لا بالعكس من الأم الي هي اصلا بنت و تعرف كيف هذه المعاناة . ودي اتكلم عن هذه القضية مع ان هذه القضية متناقضة لكن هذا الواقع .
خطوة كبيرة يمكن , بس مدري اختارها والا افكر بفكرة ثانية وش رايكم؟ بس انا صدق حابة اتكلم عن كذا.
عطوني آرائكم . خاصة ام عقاب

الفكرة عظيمة و فيها لفتة توعوية للجنس الناعم و بالذات كبيرات السن ( الأمهات ) هم السبب في زيادة الفجوة بين البنات و العيال في غالب المجتمع

هم من غرس مبدأ الولد عيبه في جيبه و البنت عيبها معها طول العمر
عبودية الرجل لدرجة الإذلال و تقديس الرجل كأنه ملاك و هذا ولد رجال ( نفسي اسميهم أشباه رجال ) أنا رجال و الحرمه ماله شور و عيبي في جيبي مغفور خطاي و تسمعين الكلام من غير صوت


ولو أنه بزر عمره 18 يرفع صوته على أخته أم 25 بحكم أنا رجال و الغالب بتشجيع من الأم هذا أخوكن أطيعوه

السبب يرجع للأمهات في غرس هالمفهوم الغبي مع إحترامي << مقهوره من مجتمعنا المقدس للرجل

عليك بالقوة غديهن يتوعن هالحريم و يزيحن التبعية المقيتة للرجل

يسلم لسانك أم عقاب شجعتيني والله