السلام عليكم ورحمته الله وبركاته

كيفكم يااخوان ويااخوات مع هالبرد ...الله يعين يارب

اممم موضوعي مثل ماانتم شايفين مشروع مكتبه طفل
طبعا انا قبل 3 سنوات واحنا في اجراءات بنك التسليف علشان ابغى افتح روضه اطفال
حسبي الله ونعم الوكيل بعد ماجتزت المقابله ووصلت للمرحله السادسه وقفوا مشاريع
الروضات حطموا امااالي وحتى تركت وظيفتي على اساس انهم قالوا لي في المقابله لازم
اكون متفرغه من بعد المقابله لان باقي اجراءات بسيطه واستلم حق المشروع
وعلى طول انا تركت وظيفتي والحين لي سنتين عاطله وعاله على المجتمع

الزبدة جت براسي فكرة اني افتح مكتبه للطفل لكن بحثت بالنت
مالقيت اي موضوع عن خطوات فتح المكتبه حتى التصاريح من وين ابدء فيها
ماادري دراسه للجدوى مالقيت كم تكلف وهل اقدر اقدم على ريادة لاني مفلسه على الاخر
وكيف اجهزة المكتبه وكم قسم ووووو الخ

اتمنى احد يفيدني باشياء ولو معلومة صغنونه عن هالشي

جزاكم الله خير .... اختكم حنين...

السلام عليكم ورحمه الله...مكتبه خاصه بالطفل مشروع غامض شوي ...بأمان أي مكتبه ان تضع ركن خاص للطفل ..النصيحه أما توضيح الفكره اكثر ولكني ارى ان تبحثي عن فكره أخرى تلائم ماتحبيه .ولكن اللي أشوفه محل متوسط المساحه ويكون لمستلزمات النساء من اكسسوارات وغيرها مع بعض العاب الأطفال يعني كل شيئ بخمسه .....تجاريا أشوفه انفع لك من مكتبه خاصه للطفل...وذا كنت مصره على فكرتك وضحيها اكثر وسأزودك بما اعرف من الاجراءات موفقه.........................

الله يوفقك
ملاحظاتي الاطفال احسن شي لهم الالعاب مثل الالعاب اللي تنشط الذكاء
التركيبات بأنواعها وفيه منها تعليمية المهم هذي يكون عليها اقبال من الاطفال
اما القراءة ماتوقع احد يهتم ضعي لك ركن صغير يهتم بالقصص والكتب وشوفي
صار عليها اقبال وسعي المكتبة واشتري ملتزماتها اللي تجذب الاطفال

الله يوفقك

ويرزقك المال الحلال

لا يااخوان هذة مشاريع جديدة حاليا منتشرة بشمال وشرق الرياض
ولها مدخول جيد لكن انا بطبقها بالجنوب والغرب

مكتبه الطفل مثل النادي الثقافي له

انا اشوف انه يكون نادي للطفل يعني مكتبة بداخله واجهزة كمبيوتر ودورات انجليزي ودورات كمبيوتر وعرض فيديو واشوف انه دراسة اهل الاحياء المجاورة مهم قبل البدء بالمشروع

هل من مجيب ي عرب ؟؟؟؟؟

اتمنى لك التوفيق
في حكم انك مبتدئة بالتجارة فابحثي عن تجارات تكون مضمونة بإذن الله
بحكم انك امرأة يوجد العديد من المشاريع التي تجعلك باذن الله من الثريات ويوجد لدي سلسلة افكار
ابدأ معكي بأولها
مقاصف المدارس مشروع دخله ذهب وراس المال قليل والارباح مضمونة ان شاالله ووقت عمله قليل ولا يغرك المقاصف بالمدارس اسألي اي مديرة مدرسة عن المقصف تجدينهم يطلبونك وفوقها حبة خشم
على نفس فكرة المقصف كوفي شوب داخل جامعه او كلية بنات اذهبي بنفسك للجامعه واطلبي موقع للايجار وان شالله تتوفقين اذا اعطوك موقع داخل الجامعه فودعي الفقر ان شالله واحجزي لك مقعد مع ثريات الخليج
اذا اعجبتك الافكار بالتوفيق واذا مااعجبتك يوجد غيرها الكثير
لا تتجاهلي الفكرة رجاء ادرسيها بموضوعيه
اني لك ناصح امين
اتمنى لك التوفيق وللجميع

صباحك سكر

بالعكس : انا انظر لهذ المشروع بانها ممتاز

حنا اصبحنا بزمان يوجد اجيال واطفال مثقفين ../
فرق عن الجيل السابق ماعندهم الا كلمة ها ها ها .., ويعانون من حالة نفسية .."
الان تشوف اطفال بعمر 5 سنوات يعرف جميع انواع القصص والكتب ولدية اسلوب بالحوار ولباقة بالكلام وسعة بديهة .." لاتعليق بنا

بالعكس نحنو نحتاج الي مكتبة " مشروعك جميل ."
الله يوفقك ويرزقك
وبالتوفيق للكل ../

الله يوفقك يارب وييسر لك تلرزق الحلال اليسر
وحبيت اقولك شيء لا تقارني بين اشياء نجحت في شمال الرياض وتتوقعين نجاحها في الجنوب او الغرب
انا كنت في البدايه زيك لكن غفلنا جميعا عن الطبقه او المستوى الاجتماعي
لا يخفى عليك الفرق في الدخل المادي لكلا الفريقين لنكن واقعيين والشاهد اين تقع اغلب المدارس الاهليه في مدينة الرياض؟

المهم في الموضوع انك تبحثين عن مشروع يدر دخل جيد قد تكونين لك خبره في مجال رياض الاطفال على مايبدو
ان كان كذلك لما لا تفكرين ان تكوني مورد لاحتياجات لمدارس رياض الاطفال فأنشاء مدارس رياض اطفال يشكل هاجس القطاع الحكومي والاهلي هذه الفتره ولديك مصانع الصين فاتحه ابوابها على المصرعين
اتوقع سيكون المشروع مناسب لرياده فعوامل نجاحه متوفره
ولدي مشروع اخر لكن يحتاج شخص متحمس جدا ان كنتي على استعداد للقيام به
يختص بجامعات البنات فراسليني على الخاص لتضعه هنا لاني لا اعود لردودي
اتمنى من الله لك التوفيق وللباحثين عن الكسب المشروع