السلام عليكم

انا صار لي ترم متخرجة
و من شهر تقريباً بديت ادور وظائف
و اليوم كلمت وحده و قالت نشغلك عندنا مسوقة من البيت
تسوقين لتأمين طبي قيمته 99 ريال فالسنة يشمل 90 مستشفى عمولتك 15 ريال من كل زبون
انا محتاره فيها و تقول اذا كنتي شغيله وجبتي زباين كثير خلال 3 شهور نثبتك عندنا
طبعاً انا مستحيل اعتمد عليها كوظيفة اساسيه راح يكون دخل اضافي لي
السؤال المهم هل راح الاقي زباين لي ؟!
ووش رايكم بالفكرة ككل ؟!

هلا حبيبتي

اولا وش نوع تأمينهم الصحي

هل يشمل حتى العمليات وصرف الأدويه

وهل هم معتمدين من وزارة ألصحة او قطاع خاص

لان التأمين مره رخيص. ومو معقول يكون فعال

انتي اسألي وبعدين اشتغلي معهم.

وصدقتني اذا الموضوع مافيه نصب. فهو ناجح والزباىن بالهبل

بس اذا طلع التأمين وهمي فيه مسووليه عليك


وربي يوفق الجميع



لان اللي اعرفه التأمين الصحي غالي

وربي يوفقك

التأمين سعره ممتاز بس اهم شي المميزات
وجربي مب خسرانه شي

التامين هذا يسمونه فتحح شاشه يعني عشانه رخيص وعشان يمشون وضع العامل بالجوازات ومكتب العمل عشان شاشه العامل تفتح اذا ماعليه تامين ماتفتح ولا يقدرون ينقلونه او يجددون له عشان كذا الناس تاخذها وهي اصلن ماتنفع بريال يعني يعطونك اول عمليه ١٠٠ ريال مثلا يسوي العامل عمليه قلب مثال ب ١٠٠٠ ريال التامين يدفع ١٠٠ ريال وانت يالكفيل تدفع ٩٠٠ ريال عرفتو ليشش رخيصه ضحك عالناس واكل مال الناس بالحرام عشان تمشي امور وانا قد صارتلي كذا عامل عندي دفعت عليه بمستشفى المواساه اقسم بالله ٥٦٠٠ ريال والمشكله التامين مادفع شي ابد هذا القهر لو دفع ال ١٠٠ ريال مو مشكله المشكله مادفع شي هذا اللي قاهرني والمستشفى يراسلون التامين مايرد الى يومك هذا